24 ᐌᓴ ᐙᐸᒥᑎᓱ, ᐁᑯ ᑫᑐᑌᑦ, ᑣᔦᒃ ᒫᑲ ᐗᓂᑭᔅᑭᓯᐤ ᑖᓐ ᐁᔑᓈᑯᓯᑦ᙮
ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,
ᐃᔅᐱ ᒫᑲ ᐊᓇ ᐸᕋᓯ ᑳ ᓇᑐᒫᑦ ᐎᐋᐸᑕᒃ, ᑮ ᐋᔭᒥᐤ ᐅᑌᐃᒃ, ᐁ ᐃᑗᑦ ᐊᐗ ᐃᓕᓕᐤ, ᑮᔥᐱᓐ ᐅᑭᔅᑭᐙᐃᑫᐎᑯᐸᓀ, ᑲᑕ ᑮ ᑭᔅᑫᓕᒣᐸᓐ ᐊᐌᓕᐗ, ᓀᔥᑕ ᑫᑯ ᑐᐎ ᐃᔅᑴᐗ ᐅᐅ ᑳ ᓵᒥᓂᑯᑦ; ᐌᓴ ᒪᒋᑡᐤ᙮
ᒥᓯᐌ ᐊᓂᑭ ᒫᑲ ᑳ ᐯᑕᑭᒃ, ᑮ ᓇᐊᔅᑕᐗᒃ ᐅᑌᐃᐙᒃ, ᐁ ᐃᑗᒋᒃ, ᑖᓂ ᑫ ᐃᑖᑎᓰᑦ ᐊᐗ ᐊᐙᔑᔥ! ᑮ ᐎᒉᐎᑯᐌᐤ ᒫᑲ ᐅᑎᐯᓕᒋᑫᐗ ᐅᒋᒋᓕᐤ᙮
ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮
ᒫᑲ ᐊᓂᑭ ᐃᓕᓕᐗᒃ ᑮ ᒫᒪᔅᑳᑕᒶᒃ, ᐁ ᐃᑗᒋᒃ, ᑫᑯ ᑐᐎ ᐃᓕᓕᐤ ᐊᐗ, ᐙᐙᒡ ᐁ ᓗᑎᓂᓕᒃ ᓀᔥᑕ ᑭᒋᑲᒥᓕᐤ ᐁ ᓇᓇᐃᑖᑯᑦ?
ᐌᓴ ᑮᔥᐱᓐ ᐊᐌᓇ ᐱᐁᑕᒧᑴ ᐋᔭᒥᐎᓂᓕᐤ, ᐁᑳ ᒫᑲ ᑎᐅᑕᑭ, ᓇᔅᐱᑕᐌᐤ ᐃᓕᓕᐗ ᐁ ᑲᓇᐙᐸᑕᒥᓕᒋ ᐅᑖᔅᑕᒥᒃ ᐙᐸᒧᐎᓂᒃ:
ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮
