28 ᐌᓴ ᐅᓚᔓᐌᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐎᐃᑯᐗᒃ ᐃᓕᓕᐗᒃ ᑳ ᓕᓚᒥᓯᒋᒃ; ᒫᑲ ᑳ ᐃᑗᒪᑲᓂᓕᒃ ᑭᒋᐃᑗᐎᓐ, ᑳ ᐃᑕᑾᒃ ᐊᔅᐱᓐ ᐅᓚᔓᐌᐎᓐ, ᐃᔑᐃᑯ ᐅᑯᓯᓯᒪᐤ, ᑳ ᒥᑐᓂᐎᐋᑲᓂᐎᑦ ᑳᑭᑫ᙮
ᐌᓴ ᑮ ᐃᑕᔅᑌᓕᐤ, ᐊᓇ ᑳ ᐅᒋ ᐃᑕᑾᑭ ᒥᓯᐌ ᑫᒀᓇ, ᓀᔥᑕ ᑳ ᐅᒋᐸᓕᑭ ᒥᓯᐌ ᑫᒀᓇ, ᐁ ᐯᔑᐙᑦ ᒥᒉᑦ ᐅᑯᓯᓯᒪᐗ ᑭᔅᑌᓕᑖᑯᓯᐎᓂᒃ ᐃᔑ, ᑭᒋ ᒥᑐᓂᐎᐗᑦ ᐊᓂᐃ ᑳ ᑎᐯᓕᑕᒥᓕᒋ ᐅ ᐱᒫᒋᐃᑯᓯᐎᓂᐗᐤ ᐎᓴᑫᓕᑕᒧᐎᓇ ᐅᒋ᙮
ᐌᓴ ᐅᑯ ᓵᓵᑭᐎᓕᐌᐎᓕᓕᐗᒃ ᑮ ᐃᔑᐊᐗᒃ ᐁᑳ ᐁ ᑭᒋᐃᑣᓂᐗᒃ ᑭᒋᐃᑗᐎᓐ; ᒫᑲ ᐊᐗ ᐁ ᑮ ᑭᒋᐃᑣᓂᐗᒃ ᑭᒋᐃᑗᐎᓐ ᑮ ᐃᔑᐃᑯ ᐊᓂᐃ ᑳ ᑮ ᐃᑎᑯᑦ, ᐅᑎᐯᓕᒋᑫᐤ ᑮ ᑭᒋᐃᑗᐤ, ᓇᒪ ᒫᑲ ᑲᑕ ᑴᔅᑫᓕᑕᒻ, ᑭᓚ ᑳᑭᑫ ᑭ ᓵᓵᑭᐎᓕᐌᐎᓕᓕᐎᓐ ᑖᐱᔅᑯᒡ ᑳ ᑮ ᐃᑎᔅᐸᓐ ᒣᓪᑭᓯᑌᒃ;
ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;
ᑮ ᐃᑌᐤ ᒫᑲ, ᓇᑕᐎ ᐎᑕᒫᒃ ᐊᓇ ᒪᑫᓯᐤ, ᒫᑎᑲ, ᓂ ᐗᓚᐎᐌᐱᓈᐗᒃ ᒪᒋ ᐊᒑᑾᒃ, ᓀᔥᑕ ᓂ ᒥᓇᐙᒋᐃᐙᓐ ᐊᓄᒡ ᐁ ᑭᔑᑳᒃ ᓀᔥᑕ ᑫ ᐙᐸᒃ, ᓂᔅᑐ ᑭᔑᑳᑫ ᒫᑲ ᓂ ᑳ ᒥᑐᓂᐎᐃᑳᐎᓐ᙮
ᒫᑲ ᐊᐗ ᐃᓕᓕᐤ, ᑳᑭᑫ ᐁ ᐃᑖᑦ, ᐋᔭᐤ ᐁᑳ ᑳ ᒦᔅᑯᑐᓂᑳᑌᓕᒃ ᓵᓵᑭᐎᓕᐌᐎᓕᓕᐎᐎᓂᓂᐤ᙮
ᐁᑳ ᐁ ᐅᑕᐎᑦ, ᐁᑳ ᐁ ᐅᑳᐎᑦ, ᐁᑳ ᐁ ᐋᓂᔅᑫᐃᑖᒋᒥᑦ, ᐁᑳ ᐁ ᒫᒋ ᐅᑭᔑᑳᒥᑦ, ᐁᑳ ᓀᔥᑕ ᐁ ᐃᔥᒀᐸᓕᓕᒃ ᐅ ᐱᒫᑎᓯᐎᓐ; ᒫᑲ ᐁ ᑮ ᐃᔑᐋᑲᓂᐎᑦ ᑖᐱᔅᑯᒡ ᑭᒋᒪᓂᑐ ᐅᑯᓯᓴ, ᑳᑭᑫ ᐁ ᓵᓵᑭᐎᓕᐌᐎᓕᓕᐎᑦ᙮
ᐁᑯ ᑖᐱᔅᑯᒡ ᓀᔥᑕ ᙭ ᓇᒪᐎᓚ ᑮ ᐅᒋ ᑭᔅᑌᓕᑖᑯᐃᑎᓱ ᑭᒋ ᑭᒋ ᓵᓴᑮᐎᓕᐌᐎᓕᓕᐋᑲᓂᐎᑦ; ᒫᑲ ᐊᓂᐃ ᑳ ᑮ ᐃᑎᑯᑦ, ᑭᓚ ᓂᑯᓯᔅ, ᐊᓄᒡ ᐁ ᑭᔑᑳᒃ ᑭᑐᑯᓯᓯᒥᑎᓐ᙮
ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮
ᐃᔅᐱ ᒫᑲ ᒋᓴᔅ ᑳ ᑮ ᐅᑎᓇᒃ ᔑᐎᑳᐳᓕᐤ, ᑮ ᐃᑗᐤ, ᑭᔑᒋᑳᑌᐤ: ᐁᑯ ᓂᔮᒥᔅᑴᓕᑦ, ᓀᔥᑕ ᐯᑭᑎᓈᑦ ᐅᑦ ᐊᒑᑾ᙮
ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮
ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮
ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;