ᐦᐃᑉᕉᐗ 3:5 - ᐅᔅᑭ ᑎᔅᑌᒥᓐᑦ

⁵ ᒧᓯᔅ ᒫᑲ ᑖᐺ ᑮ ᒀᔭᔅᑭᑎᐤ ᑳ ᐃᑕᔑᑦ ᐎᑭᒃ, ᑖᐱᔅᑯᒡ ᐊᑑᔅᑫᓛᑲᓐ, ᑭᒋ ᐅᒋ ᐋᓕᒧᒋᑳᑌᑭ ᐊᓂᐃ ᐁᔥᑾ ᑫ ᐎᒋᑳᑌᑭ;

ᐦᐃᑉᕉᐗ 3:5 Referans Kwoze

ᐦᐃᑉᕉᐗ 3:2

ᐊᓇ ᑳ ᒀᔭᔅᑯᑐᑕᐙᑦ ᐊᓂᐃ ᑳ ᑮ ᐅᓚᑭᒥᑯᑦ, ᑖᐱᔅᑯᒡ ᒧᓯᔅ ᑳ ᑮ ᐃᔑ ᒀᔭᔅᑭᑎᑦ ᑳ ᐃᑕᔑᑦ ᐎᑭᒃ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐦᐃᑉᕉᐗ 8:5

ᐊᓂᑭ ᑳ ᐊᑐᔅᑫᔅᑕᑭᒃ ᐁ ᐃᔑ ᑭᔅᑭᓄᐙᐸᒋᑳᑌᑭ ᓀᔥᑕ ᐁᑎᑳᔅᑌᑎᑭ ᑭᒋᑭᔑᑳᐎ ᑫᒀᓇ, ᑖᐱᔅᑯᒡ ᒧᓯᔅ ᑳ ᑮ ᐃᔑ ᑭᔅᑭᓄᐊᒫᑯᑦ ᑭᒋᒪᓂᑐᐗ ᐃᔅᐱ ᐁ ᐎ ᐅᔑᑖᑦ ᐋᔭᒥᐋᐎ ᒥᑭᐙᒥᓕᐤ; ᐌᓴ, ᐙᐸᑕ, ᐃᑗᐤ, ᑭᒋ ᐅᔑᑖᔭᓐ ᒥᓯᐌ ᑫᒀᓇ ᑭᒋ ᐃᔑᓈᑾᑭ ᑖᐱᔅᑯᒡ ᐊᓂᐃ ᑳ ᑮ ᑭᔅᑭᓄᐙᐸᑕᒪᓐ ᐊᓐᑕ ᐗᒌᒃ᙮

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:21

ᐊᓄᒡ ᐁᑯ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ ᑭᔅᑫᓕᑖᑾᓂᓕᐤ ᐅᓚᔓᐌᐎᓐ ᐁᑳ ᐁ ᐃᑕᑾᒃ ᐁ ᐃᑖᒋᒧᒥᑲᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ;

ᐅᐸᓓᑭᔅ ᒑᓐ 5:39

ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮

ᐅᐸᓓᑭᔅ ᓘᒃ 24:44

ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮

ᐅᐸᓓᑭᔅ ᓘᒃ 24:27

ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮

ᓂᔥᑕᒻ ᑯᕆᓐᑎᐊᓇ 4:2

ᓀᔥᑕ ᒫᑲ ᓇᑕᐌᓕᑖᑯᓯᐗᒃ ᑲᓇᐌᓕᑎᓛᑲᓇᒃ, ᐃᓕᓕᐤ ᑭᒋ ᒥᔅᑲᐙᑲᓂᐎᑦ ᐁ ᒀᔭᔅᑭᑎᑦ᙮

ᐊᐸᔅᑕᓚᒃ 7:37

ᐁᐗᑯ ᐊᓇ ᒧᓯᔅ ᑳ ᑮ ᐃᑖᑦ ᐃᔅᕃᐃᓪ ᐅᑦ ᐊᐙᔑᒥᔑᓕᐗ, ᐅᑭᔅᑭᐗᐃᑫᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔕᓂᐙᐗ ᐅᒋ, ᐁ ᓇᔅᐱᑖᐎᑦ, ᐎᓚ ᑭ ᑳ ᐱᔑᒋᐋᐗᐤ᙮

ᐅᐸᓓᑭᔅ ᓘᒃ 12:42

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᐊᐌᓇ ᒫᑲ ᐊᓇ ᐁ ᒀᔭᔅᑭᑎᑦ ᓀᔥᑕ ᐁ ᑲᑫᑕᐌᓕᑕᒃ ᑲᓇᐌᓕᑎᓛᑲᓐ, ᑫ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐅ ᐙᔅᑲᔨᑲᓂᒥᓕᐤ, ᑭᒋ ᒫᑎᓇᒪᐗᑦ ᐅ ᒥᒋᒥᒥᓕᐤ, ᐌᑎᒋᐸᓕᓕᑭ?

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᒫᑎᐤ 24:45

ᐊᐌᓇ ᒫᑲ ᑳ ᒀᔭᔅᑭᑎᑦ ᓀᔥᑕ ᑲᑫᑕᐌᓕᑕᒃ ᐊᑑᔅᑫᓛᑲᓐ, ᑳ ᑮ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐊᓂᐃ ᑳ ᐃᑖᓕᒋ ᐅ ᐙᔅᑳᔨᑲᓂᒥᓕᒃ, ᑭᒋ ᐊᔕᒫᑦ ᐌᑎᒋᐸᓕᓕᑭ?

ᐦᐃᑉᕉᐗ 1:1

ᑭᒋᒪᓂᑐ ᓇᓈᑲᐤ ᐃᔅᐱ ᓀᔥᑕ ᐹᐱᑐᔥ ᑳ ᑮ ᐃᔑ ᐋᔭᒥᐋᑦ ᐌᔅᑲᒡ ᑯᑖᐎᓇᐗ ᐅᑭᔅᑭᐙᐃᑫᐗ ᐅᒋ,

ᐦᐃᑉᕉᐗ 3:4

ᐌᓴ ᒥᓯᐌ ᑕᑐ ᐙᔅᑳᔨᑲᓐ ᓈᓐᑕᐤ ᐊᐌᓇ ᑮ ᐅᔑᑕᐤ; ᒫᑲ ᐊᓇ ᒥᓯᐌ ᑫᒀᓇ ᑳ ᑮ ᐅᔑᑖᑦ ᐁᐗᑯ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮