19 ᑭ ᐙᐸᑌᓈᓇᐤ ᒫᑲ ᐁᑳ ᐁ ᑮ ᐱᑐᑫᒋᒃ ᐁᑳ ᐁ ᑮ ᑖᐺᑕᑭᒃ᙮
ᐁᐗᑯ ᐅᒋ ᑭ ᑭᔅᑭᓯᑐᑕᒥᐃᑎᓇᐗᐤ, ᐋᑕ ᐯᔭᑾᐤ ᐅᒪ ᐁ ᑮ ᑭᔅᑫᓕᑕᒣᒃ, ᐅᑎᐯᓕᒋᑫᐤ ᐁ ᑮ ᐱᒫᒋᐋᑦ ᐃᓕᓕᐗ ᐃᒋᑉᑦ ᐊᔅᑮᒃ ᐅᒋ, ᐹᑎᒫ ᑮ ᓂᔑᐗᓈᒋᐁᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ᙮
ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮
ᐊᓇ ᑳ ᑖᐺᔦᓕᒫᑦ ᓇᒪᐎᓚ ᓂᔑᐗᓈᒋᒪᐤ: ᒫᑲ ᐊᓇ ᐁᑳ ᑳ ᑖᐺᔦᓕᒫᑦ ᐋᔕᔾ ᓂᔑᐗᓈᒋᒪᐤ, ᐁᑳ ᐁ ᐅᒋ ᑖᐺᔦᓕᑕᒸᑦ ᐅᑦ ᐃᔑᓂᑳᓱᐎᓂᓕᐤ ᑳ ᐯᔭᑯᓕᒋ ᐅᑯᓯᓴ ᑭᒋᒪᓂᑐ᙮
ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮
ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮
ᒥᓯᐌ ᐁ ᐃᑕᓯᓕᒋ ᑭᒋ ᓂᔑᐗᓈᒋᒫᑲᓂᐎᓕᒋ, ᐁᑳ ᑳ ᑮ ᑖᐺᑕᒥᓕᒋ ᑖᐺᐎᓂᓕᐤ, ᒫᑲ ᑳ ᑮ ᒥᓜᓕᑕᒥᓕᒋ ᒪᒑᑎᓯᐎᓂᓕᐤ᙮
ᐎᓚᐗᐤ ᓀᔥᑕ, ᑮᔥᐱᓐ ᐁᑳ ᑫᔮᐸᒡ ᐃᑖᑡᐌ ᐋᓉᔦᓕᑕᒧᐎᓂᒃ, ᑲᑕ ᑭᑲᒧᐋᐗᒃ; ᐌᓴ ᑭᒋᒪᓂᑐ ᑲᔥᑭᑕᐤ ᒥᓇ ᑭᒋ ᑭᑲᒧᐋᑦ᙮
ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮
