ᐦᐃᑉᕉᐗ 3:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 3:14 Referans Kwoze

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᐦᐃᑉᕉᐗ 12:10

ᐌᓴ ᐎᓚᐗᐤ ᑖᐺ ᐋᑎᑐ ᑭᔑᑳᐗ ᑭ ᑮ ᒫᒥᓗᐃᑯᓇᐗᒃ, ᐁ ᐃᔑ ᒥᓜᓕᑕᑭᒃ: ᒫᑲ ᐎᓚ ᑭᑭ ᒥᓗᑐᑖᑯᐗᒃ, ᑭᒋ ᐅᑎᓇᒶᒃ ᐅ ᐸᓓᑭᓱᐎᓐ᙮

ᐦᐃᑉᕉᐗ 6:4

ᐌᓴ ᓈᔦᑖᐗᓐ ᐊᓂᑭ ᐯᔭᑾᐤ ᑳ ᑮ ᐙᔅᑌᓇᒪᐙᑲᓂᐎᒋᒃ, ᓀᔥᑕ ᑳ ᑮ ᑯᒋᔅᑕᑭᒃ ᑭᒋᑭᔑᑳᐎ ᒥᓕᐌᐎᓂᓕᐤ, ᓀᔥᑕ ᑳ ᑮ ᒥᓛᑲᓂᐎᒋᒃ ᐸᓓᑭ ᐊᒑᑾ,

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:17

ᑮᔥᐱᓐ ᒫᑲ ᐋᑎᑦ ᐗᑎᑾᓇ ᓈᑡᐸᓕᑾᐎ, ᑭᓚ ᒫᑲ ᐱᑾᒋ ᐊᓕᑉ ᒥᔅᑎᒃ, ᐁᑯᑕ ᑭ ᑮ ᑭᓕᑲᐎᐗᑯᑳᑎᑲᐎᔭᓐ, ᐊᓯᒋ ᒫᑲ ᐁᐗᑾᓂᐃ ᐅᑎᓇᒪᓐ ᐅᒉᐱᒃ ᓀᔥᑕ ᐁ ᐃᔑ ᐎᓕᓗᑦ ᐊᓇ ᐊᓕᑉ ᒥᔅᑎᒃ;

ᓂᔥᑕᒻ ᑯᕆᓐᑎᐊᓇ 10:17

ᐌᓴ ᑭᓚᓈᓇᐤ ᐁ ᒥᒉᑎᔭᒃ ᑮ ᐯᔭᑯ ᐊᓚᑯᓇᐎᓈᓇᐤ, ᓀᔥᑕ ᑮ ᐯᔭᑯ ᒥᔭᐎᓈᓇᐤ: ᐌᓴ ᒥᓯᐌ ᐁ ᐃᑕᔑᔭᒃ ᑮ ᒫᒪᐎ ᐅᑎᓈᓇᐤ ᐊᓇ ᑳ ᐯᔭᑯᑦ ᐊᓚᑯᓇᐤ᙮

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᑎᒧᑎ 6:2

ᐊᓂᑭ ᒫᑲ, ᐅᑦ ᐅᑭᒫᒥᐗᐗ ᑳ ᑖᐺᔦᓕᑕᒥᓕᒋ, ᐁᑳᐎᓚ ᑲᑕ ᐋᑕᐌᓕᒣᐗᒃ, ᐁ ᐎᒋᔖᓂᒪᐎᓕᒋ; ᒫᑲ ᐊᐙᓯᑌ ᑲᑕ ᐊᑑᔅᑲᐌᐗᒃ, ᐁ ᑖᐺᔦᓕᑕᒥᓕᒋ ᓀᔥᑕ ᐁ ᓵᑭᐋᑲᓂᐎᓕᒋ, ᐁ ᐎᒋᐅᑎᓇᒥᓕᒋ ᐊᓂᐁᓕᐤ ᒥᓗᐋᔨᑎᐎᓂᓕᐤ᙮ ᐅᐅ ᑫᒀᓇ ᑭᔅᑭᓄᐊᒫᑫ ᓀᔥᑕ ᔑᑭᑫᒧ᙮

ᓂᔥᑕᒻ ᑯᕆᓐᑎᐊᓇ 9:23

ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:22

ᑲᓇᐙᐸᑕᒻ ᒫᑲ ᐅ ᒥᓨᑎᓯᐎᓐ ᓀᔥᑕ ᐅᑦ ᐊᒀᑎᓯᐎᓐ ᑭᒋᒪᓂᑐ: ᐊᓂᐃ ᑳ ᑮ ᐸᑭᔑᓂᓕᒋ, ᐊᒀᑎᓯᐎᓂᓕᐤ; ᒫᑲ ᑭᓚ, ᒥᓨᑎᓯᐎᓐ, ᑮᔥᐱᓐ ᒧᔕᒃ ᐃᑕᐗᑌ ᐅ ᒥᓨᑎᓯᐎᓂᒃ; ᑮᔥᐱᓐ ᒫᑲ ᐁᑳ ᑭᓚ ᓀᔥᑕ ᑭ ᑳ ᑭᔥᑲᑕᐅᑲᐎᓐ᙮

ᐦᐃᑉᕉᐗ 11:1

ᑖᐺᔦᓕᑕᒧᐎᓐ ᒫᑲ ᑫᒋᓇᐅᐎᓂᐗᓐ ᐊᓂᐃ ᑫᒀᓇ ᑳ ᐊᔅᐯᓕᒧᒋᑳᑌᑭ, ᐌᒋ ᑫᒋᓈᔦᓕᒋᑳᑌᑭ ᐊᓂᐃ ᐁᑳ ᑳ ᓄᑾᑭ᙮