ᐦᐃᑉᕉᐗ 2:17 - ᐅᔅᑭ ᑎᔅᑌᒥᓐᑦ

¹⁷ ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 2:17 Referans Kwoze

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10

ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐦᐃᑉᕉᐗ 2:11

ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,

ᐦᐃᑉᕉᐗ 3:5

ᒧᓯᔅ ᒫᑲ ᑖᐺ ᑮ ᒀᔭᔅᑭᑎᐤ ᑳ ᐃᑕᔑᑦ ᐎᑭᒃ, ᑖᐱᔅᑯᒡ ᐊᑑᔅᑫᓛᑲᓐ, ᑭᒋ ᐅᒋ ᐋᓕᒧᒋᑳᑌᑭ ᐊᓂᐃ ᐁᔥᑾ ᑫ ᐎᒋᑳᑌᑭ;

ᑯᓚᔑᔭᓇ 1:21

ᑭᓚᐗᐤ ᒫᑲ, ᐌᔅᑲᒡ ᑳ ᑮ ᒫᓐᑌᐎᑖᑎᓯᔦᒃ, ᓀᔥᑕ ᑳ ᑮ ᐸᒀᔑᐌᔭᒃ ᑭ ᒥᑐᓀᓕᒋᑲᓂᐙᒃ ᐁ ᑮ ᒪᒋ ᐃᔑᒋᑫᔦᒃ, ᐊᓄᒡ ᐋᑕ ᑭ ᑮ ᐙᑯᐙᒋᐃᑯᐗᐤ,

ᐦᐃᑉᕉᐗ 7:28

ᐌᓴ ᐅᓚᔓᐌᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐎᐃᑯᐗᒃ ᐃᓕᓕᐗᒃ ᑳ ᓕᓚᒥᓯᒋᒃ; ᒫᑲ ᑳ ᐃᑗᒪᑲᓂᓕᒃ ᑭᒋᐃᑗᐎᓐ, ᑳ ᐃᑕᑾᒃ ᐊᔅᐱᓐ ᐅᓚᔓᐌᐎᓐ, ᐃᔑᐃᑯ ᐅᑯᓯᓯᒪᐤ, ᑳ ᒥᑐᓂᐎᐋᑲᓂᐎᑦ ᑳᑭᑫ᙮

ᐃᐱᓯᔭᓇ 2:16

ᓀᔥᑕ ᐋᔑᑌᐋᑎᑯᒃ ᐅᒋ ᐯᔭᒃ ᒥᔭᐎᒃ ᐊᓂᐃ ᑳ ᓂᔑᓕᒋ ᑭᒋ ᐙᑯᐙᒋᑕᒧᐙᑦ ᑭᒋᒪᓂᑐᐗ, ᐁᑯᑕ ᐁ ᑮ ᐅᒋ ᓂᐸᑖᑦ ᐊᓂᐁᓕᐤ ᐸᒀᑎᑐᐎᓂᓕᐤ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:17

ᓂᑦ ᐋᔮᓐ ᒫᑲ ᐊᓂᒪ ᑫ ᐅᒋ ᒫᒪᑖᑯᒧᔮᓐ ᒋᓴᔅ ᙭ ᐅᒋ ᐅᐅ ᑫᒀᓇ ᐅᒋ ᑳ ᐅᑦ ᐋᔮᓂᑦ ᑭᒋᒪᓂᑐ᙮

ᐦᐃᑉᕉᐗ 3:2

ᐊᓇ ᑳ ᒀᔭᔅᑯᑐᑕᐙᑦ ᐊᓂᐃ ᑳ ᑮ ᐅᓚᑭᒥᑯᑦ, ᑖᐱᔅᑯᒡ ᒧᓯᔅ ᑳ ᑮ ᐃᔑ ᒀᔭᔅᑭᑎᑦ ᑳ ᐃᑕᔑᑦ ᐎᑭᒃ᙮

ᐦᐃᑉᕉᐗ 2:16

ᐌᓴ ᑖᐺ ᓇᒪᐎᓚ ᑮ ᐅᑎᓇᒫ ᐅᑦ ᐃᔑ ᐋᔭᐎᓂᓕᐤ ᐁᓐᒐᓚ, ᒫᑲ ᑮ ᐅᑎᓇᒫᓱ ᑭᒋ ᐅᑦ ᐊᐙᔑᒥᔑᒥᑯᑦ ᐁᑉᕃᐊᒪ᙮

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮

ᐦᐃᑉᕉᐗ 5:1

ᐌᓴ ᒥᓯᐌ ᑕᑐ ᑭᒋ ᓵᓵᑭᐎᓕᐌᐎᓕᓕᐤ ᐃᓕᓕᓈᒃ ᐁ ᐅᒋ ᐅᑎᓈᑲᓂᐎᑦ, ᐸᑳᓄᐊᑦ ᑭᒋ ᒫᑎᓇᒪᐙᑦ ᐃᓕᓕᐗ ᐊᓂᐃ ᑳ ᐊᔮᓕᒋ ᑭᒋᒪᓂᑐᐗ, ᑭᒋ ᐸᑭᑎᓂᑫᑦ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ ᒪᒋᑐᑕᒧᐎᓇ ᐅᒋ:

ᐦᐃᑉᕉᐗ 5:2

ᐊᐌᓇ ᑳ ᑲᔥᑭᑖᑦ ᑭᒋ ᑭᑎᒫᑫᓕᒫᑦ ᐊᓂᐃ ᑳ ᑲᑫᐹᑎᓯᓕᒋ, ᐊᓂᐃ ᓀᔥᑕ ᑳ ᐸᔅᑫᐊᒣᓕᒋ; ᐌᓴ ᐎᓚ ᑫᒋᐙᒃ ᐁ ᐙᔅᑳᔅᑳᑯᑦ ᓂᓚᒥᓯᐎᓂᓂᐤ᙮

ᐦᐃᑉᕉᐗ 5:5

ᐁᑯ ᑖᐱᔅᑯᒡ ᓀᔥᑕ ᙭ ᓇᒪᐎᓚ ᑮ ᐅᒋ ᑭᔅᑌᓕᑖᑯᐃᑎᓱ ᑭᒋ ᑭᒋ ᓵᓴᑮᐎᓕᐌᐎᓕᓕᐋᑲᓂᐎᑦ; ᒫᑲ ᐊᓂᐃ ᑳ ᑮ ᐃᑎᑯᑦ, ᑭᓚ ᓂᑯᓯᔅ, ᐊᓄᒡ ᐁ ᑭᔑᑳᒃ ᑭᑐᑯᓯᓯᒥᑎᓐ᙮

ᐦᐃᑉᕉᐗ 5:10

ᐁ ᓇᑐᒥᑯᑦ ᑭᒋᒪᓂᑐᐗ ᑭᒋ ᑭᒋ ᓵᓵᑭᐎᓕᐌᐎᓕᓕᐎᑦ ᑖᐱᔅᑯᒡ ᑳ ᐃᑎᔅᐸᓐ ᒣᓪᑭᓯᑌᒃ᙮

ᐦᐃᑉᕉᐗ 6:20

ᐃᑌ ᓀᑳᓄᑌᑦ ᑳ ᐃᔑ ᐱᑐᑫᑦ ᑭᓚᓈᓇᐤ ᐅᒋ, ᒋᓴᔅ ᐅᑎ, ᐁ ᑮ ᑭᒋ ᓵᓵᑭᐎᓕᐌᐎᓕᓕᐎᐋᑲᓂᐎᑦ ᑖᐱᔅᑯᒡ ᑳ ᐃᑎᔅᐸᓐ ᒣᓪᑭᓯᑌᒃ᙮

ᐦᐃᑉᕉᐗ 8:1

ᐊᓂᐃ ᑫᒀᓇ ᒫᑲ ᑳ ᑮ ᐋᓕᒧᑕᒪᒃ ᐁᐗᑯ ᐅᒪ ᑳ ᒥᓯᐌᔮᒃ: ᑭᑦ ᐋᔭᐙᓇᐤ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ, ᑳ ᐊᐱᑦ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᒃ ᑳ ᑭᒋᐅᑭᒪᐌᓕᑖᑯᓯᑦ ᑭᒋᑭᔑᑯᒃ;

ᐦᐃᑉᕉᐗ 8:3

ᐌᓴ ᒥᓯᐌ ᑕᑐ ᑭᒋ ᓵᓵᑭᐎᓕᐌᐎᓕᓕᐤ ᐸᑳᓂᐊᐤ ᑭᒋ ᐸᑭᑎᓂᑫᑦ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ: ᐁᐗᑯ ᐅᒋ ᐅᒋᑕᐤ ᓇᑕᐌᓕᑖᑾᓐ ᐊᐗ ᐃᓕᓕᐤ ᑫᒀᓕᐤ ᑭᒋ ᐋᔮᑦ ᑭᒋ ᐸᑭᑎᓂᑫᑦ᙮

ᐦᐃᑉᕉᐗ 9:11

ᒫᑲ ᙭ ᐁ ᑮ ᑕᑯᔑᒃ, ᐊᓇ ᑭᒋ ᓵᓵᑭᐎᓕᐌᐎᓕᓕᐤ ᐊᓂᐃ ᒥᓗ ᑫᒀᓇ ᐅᒋ ᑫ ᐅᑎᒋᐸᓕᑭ, ᐊᐙᓯᑌ ᑫᔅᑌᓕᑖᑾᒃ ᓀᔥᑕ ᐯᔅᑭᓛᑫᒃ ᐋᔭᒥᐋᐎ ᒥᑭᐙᒥᒃ, ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁᐗᑯ, ᐁᑳ ᐅᒪ ᐁ ᐃᔑ ᐅᔑᑖᓂᐗᒃ;

ᐦᐃᑉᕉᐗ 10:21

ᓀᔥᑕ ᐁ ᐋᔭᐗᒃ ᑭᒋ ᓵᓴᑭᐎᓕᐌᐎᓕᓕᐤ ᑳ ᑎᐯᓕᑕᒸᑦ ᑭᒋᒪᓂᑐᐗ ᐅ ᐙᔅᑳᔨᑲᓂᒥᓕᐤ;