8 ᒋᓴᔅ ᙭ ᒧᔕᒃ ᑖᐱᔅᑯᒡ ᐋᔭᐤ, ᐅᑖᑯᔑᒃ, ᓀᔥᑕ ᐊᓄᒡ ᐁ ᑭᔑᑳᒃ, ᓀᔥᑕ ᑳᑭᑫ᙮
ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮
ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ, ᐃᑗᐤ ᐅᑎᐯᓕᒋᑫᐤ, ᑳ ᐃᑖᑦ, ᓀᔥᑕ ᑳ ᑭ ᐃᑖᑦ, ᓀᔥᑕ ᑫ ᑕᑯᔑᒃ, ᒥᓯᐌ ᓯᔪᑳᑎᓰᑦ᙮
ᑖᐱᔅᑯᒡ ᓀᔥᑕ ᐎᓛᒋᑲᓐ ᑭ ᑳ ᑎᑎᐱᓀᓐ, ᑲᑕ ᑴᔅᑭᓈᑾᓋ ᒫᑲ: ᒧᔕᒃ ᒫᑲ ᑭᓚ ᑖᐱᔅᑯᒡ ᑭᑦ ᐃᑖᓐ, ᑭᑦ ᐊᔅᑭᐎᓇ ᓀᔥᑕ ᓇᒪᐎᓚ ᑲᑕ ᓄᑌᐸᓕᐗ᙮
ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;
ᐌᓴ ᑭᒋᒪᓂᑐ ᐅᑯᓯᓴ, ᒋᓴᔅ ᙭, ᑳ ᑮ ᐋᓕᒧᑕᒫᑕᑾᒃ, ᓂᓚ ᐅᑎ ᓀᔥᑕ ᓵᐃᓚᔅ ᓀᔥᑕ ᑎᒧᑎ ᓇᒪᐎᓚ ᐁᐁ ᓀᔥᑕ ᓇᒪᐎᓚ ᑮ ᐃᑌᓕᑖᑾᓐ, ᒫᑲ ᐎᓚ ᐅᒋ ᐁᐁ ᑮ ᐃᑌᓕᑖᑾᓐ᙮
ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮
ᐌᓴ ᒥᓯᐌ ᐅᑦ ᐊᔓᑕᒫᑫᐎᓇ ᑭᒋᒪᓂᑐ ᐎᓚ ᐅᒋ ᐁᐁ ᐃᑌᓕᑖᑾᓋ, ᓀᔥᑕ ᐎᓚ ᐅᒋ ᐁᒣᓐ, ᑭᒋ ᐃᔑ ᒪᒥᒋᒥᑲᓂᐎᑦ ᑭᒋᒪᓂᑐ ᓂᓚᓈᓐ ᐅᒋ᙮
ᐊᓇ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᑫ ᐎ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᒋᐅᑭᒪᐌᓕᑖᑯᓯᐎᓂᓕᐤ, ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ, ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮
