ᐦᐃᑉᕉᐗ 12:23 - ᐅᔅᑭ ᑎᔅᑌᒥᓐᑦ

²³ ᐊᓂᒪ ᒫᒪᐎ ᒪᐗᒋᐃᑐᐎᓐ ᓀᔥᑕ ᐅ ᒫᒪᐎᐋᔭᒥᐊᒥᐗᐗ ᓃᔥᑕᒧᔖᓇᒃ, ᑭᒋᑭᔑᑯᒃ ᑳ ᒪᓯᓇᐃᑳᓱᒋᒃ, ᓀᔥᑕ ᑭᒋᒪᓂᑐ ᒥᓯᐌ ᑳ ᑎᐹᔅᑯᓈᑦ, ᓀᔥᑕ ᐅᑦ ᐊᒑᑯᐗᐗ ᑳ ᒀᔭᔅᑭᑎᒋᒃ ᐃᓕᓕᐗᒃ ᐁ ᒥᑐᓂᐋᑲᓂᐎᒋᒃ,

ᐦᐃᑉᕉᐗ 12:23 Referans Kwoze

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᐦᐃᑉᕉᐗ 11:40

ᑭᒋᒪᓂᑐ ᓇᐗᒡ ᒥᓗ ᑫᒀᓐ ᐁ ᑮ ᐋᔦᔅᑲᐎᑕᒫᑕᒃ, ᐎᓚᐗᐤ ᑭᓚᓈᓇᐤ ᐁᑳ ᐁ ᐎᒉᐗᑭᒃ ᐁᑳ ᑭᒋ ᒥᑐᓂᐎᐋᑲᓂᐎᒋᒃ᙮

ᐅᐸᓓᑭᔅ ᓘᒃ 10:20

ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮

ᑭᔅᑫᓕᑖᑯᑖᑫᐎᓐ 14:4

ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᐦᐃᑉᕉᐗ 9:27

ᓀᔥᑕ ᒫᑲ ᐁ ᐃᑕᔓᐙᒋᑳᑌᓕᒃ ᐃᓕᓕᐗᒃ ᐯᔮᑾᐤ ᑭᒋ ᓂᐱᒋᒃ, ᑭᐃᔥᑾ ᐊᓂᒪ ᒫᑲ ᑭᒋ ᑎᐹᔅᑯᓈᑲᓂᐎᒋᒃ;

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᓂᔥᑕᒻ ᐱᑕᕐ 2:23

ᐊᓇ, ᐃᔅᐱ ᑳ ᑮ ᒫᓓᓕᒫᑲᓂᐎᑦ, ᓇᒪᐎᓚ ᒥᓇ ᑮ ᒫᓓᓕᒋᑫᐤ; ᐃᔅᐱ ᑳ ᑮ ᐙᐎᓴᑫᓕᑕᒥᐋᑲᓂᐎᑦ ᓇᒪᐎᓚ ᑮ ᐅᒋ ᐙᔦᔑᒧᑐᑖᑫᐤ; ᒫᑲ ᑮ ᐸᑭᑎᓂᑎᓱ ᐅᒋᒋᓕᒃ ᐊᓂᐃ ᒀᔭᔉ ᑳ ᑎᐹᔅᑯᓂᑫᓕᒋ:

ᐦᐃᑉᕉᐗ 11:4

ᑖᐺᔦᓕᑕᒧᐎᓐ ᐅᒋ ᐁᐱᓪ ᑮ ᐸᑭᑎᓇᒪᐌᐤ ᑭᒋᒪᓂᑐᐗ ᐊᐙᓯᑌ ᒣᓨᔑᓂᓕᒃ ᓵᓵᑭᐎᓕᐌᐎᓂᓕᐤ ᐃᔥᐱᔥ ᑫᓐ, ᑳ ᑮ ᐅᒋ ᑲᔥᑭᑖᑦ ᑭᒋ ᐃᑖᒋᒫᑲᓂᐎᑦ ᐁ ᒀᔭᔅᑭᑖᑎᓰᑦ, ᑭᒋᒪᓂᑐᐗ ᐁ ᐋᓕᒧᑕᒥᓕᒋ ᐅ ᒥᓕᐌᐎᓇ: ᐁᐗᑴᓕᐤ ᐅᒋ ᐋᑕ ᐁ ᓂᐱᑦ ᑫᔮᐸᒡ ᐋᔭᒥᐤ᙮

ᓂᔥᑕᒻ ᑎᒧᑎ 3:5

ᐌᓴ ᑮᔥᐱᓐ ᐊᐌᓇ ᐁᑳ ᑭᔅᑫᓕᑕᒃ ᑫ ᐃᔑ ᑎᐯᓕᑕᒃ ᑎᐱᓚᐌ ᐎᑭ, ᑖᓂ ᑫ ᐃᔑ ᑲᓇᐌᓕᒥᒫᑦ ᑭᒋᒪᓂᑐ ᐅ ᒫᒪᐎᐋᔭᒥᐋᒪ?

ᐱᓕᐱᔭᓇ 4:3

ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮

ᐃᐱᓯᔭᓇ 1:22

ᓀᔥᑕ ᒥᓯᐌ ᑫᒀᓇ ᔑᐹ ᐅᓯᑎᓕᒃ ᐁ ᑮ ᐃᑕᔅᑕᐙᑦ, ᓀᔥᑕ ᐁ ᑮ ᒥᓛᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ ᐅᑦ ᐋᔭᒥᐋᐎᓂᒃ,

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐅᐸᓓᑭᔅ ᒑᓐ 5:27

ᑮ ᒥᓓᐤ ᒫᑲ ᑎᐯᓕᒋᑫᐎᓂᓕᐤ ᑭᒋ ᑎᐹᔅᑯᓂᑫᓕᒋ ᓀᔥᑕ, ᐁ ᐃᓕᓕᐎᑯᓯᓵᓂᐎᓕᒋ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑯᓚᔑᔭᓇ 1:12

ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 15:54

ᐃᔅᐱ ᒫᑲ ᐅᒪ ᑫ ᓂᔑᐗᓋᑕᒃ ᑮ ᐳᔅᑎᔥᑲᒧᒪᑲᑫ ᐊᓂᒪ ᐁᑳ ᑫ ᓂᔑᐗᓈᑕᒃ, ᓀᔥᑕ ᐅᒪ ᐁᑳ ᑫ ᓂᐱᒪᑲᒃ ᑮ ᐳᔅᑎᔥᑲᒧᒪᑲᑫ ᐊᓂᒪ ᐁᑳ ᑫ ᓂᐱᒪᑲᒃ, ᐁᑯ ᑫ ᑎᐱᐸᓕᒃ ᐊᓂᒪ ᐃᑗᐎᓐ ᑳ ᒪᓯᓇᐃᑳᑌᒃ, ᓂᐱᐎᓐ ᒥᓯᐌᐸᓕᑖᓂᐗᓐ ᔖᑯᒋᐃᐌᐎᓂᒃ᙮

ᓂᔥᑕᒻ ᑯᕆᓐᑎᐊᓇ 13:12

ᐌᓴ ᐊᓄᒡ ᑭ ᐸᔅᐹᐱᓈᓇᐤ ᐁᑳ ᐁ ᐸᑲᔅᑭᓇᒪᒃ; ᒫᑲ ᐊᓂᒪ ᐃᔅᐱ ᒥᑖᔅᑕᒥᒃ ᑲᑕ ᐸᑲᔅᑭᓇᒧᒪᑲᓐ ᒥᑖᔅᑕᒥᒃ: ᐊᓄᒡ ᐸᔅᑭ ᓂ ᑭᔅᑫᓕᒋᑳᓐ; ᒫᑲ ᐊᓂᒪ ᐃᔅᐱ ᓂ ᑳ ᑭᔅᑫᓕᒋᑳᐤ ᑖᐱᔅᑯᒡ ᐁ ᐃᔑ ᑭᔅᑫᓕᒥᑲᐎᔮᓐ᙮

ᓂᔥᑕᒻ ᑯᕆᓐᑎᐊᓇ 15:49

ᑖᐱᔅᑯᒡ ᓀᔥᑕ ᐁ ᑮ ᐋᔭᐗᒃ ᐅᑦ ᐃᔑᓈᑯᓯᐎᓐ ᐊᓇ ᑳ ᐊᔅᑭᐎᑦ, ᐁᑯ ᓀᔥᑕ ᑫ ᐋᔭᐗᒃ ᐊᓇ ᑳ ᑭᔑᑳᐎᑦ ᐅᑦ ᐃᔑᓈᑯᓯᐎᓐ᙮

ᐦᐃᑉᕉᐗ 2:12

ᐁ ᐃᑗᑦ, ᑭᑦ ᐃᔑᓂᑳᓱᐎᓐ ᓂ ᑳ ᐙᐎᑕᒪᐙᐗᒃ ᓂᒋᔖᓇᒃ: ᒣᑴᔭᔥ ᒫᒪᐎᐋᔭᒥᐊᐗ ᑭ ᑳ ᒫᒥᒋᒥᑎᓐ ᐁ ᓂᑲᒧᔮᓐ᙮

ᑭᔅᑫᓕᑖᑯᑖᑫᐎᓐ 6:9

ᐃᔅᐱ ᒫᑲ ᑳ ᑭ ᐋᐸᐊᒃ ᓂᔮᓕᓐ ᐊᔅᑯᔅᑭᐗᓯᑲᓂᓕᐤ, ᓂ ᑮ ᐙᐸᒥᒪᐗ ᔑᐹ ᐸᑭᒋᑲᓈᐱᔅᑯᒃ ᐅᑦ ᐊᒑᑯᐙᐗ ᐊᓂᑭ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑭ ᐅᒋ ᓂᐸᐋᑲᓂᐎᒋᒃ, ᓀᔥᑕ ᐊᓂᒪ ᑎᐹᒋᒧᐎᓐ ᐅᒋ ᑳ ᑮ ᒥᒋᒥᓇᑭᒃ:

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮