ᐦᐃᑉᕉᐗ 11:16 - ᐅᔅᑭ ᑎᔅᑌᒥᓐᑦ

¹⁶ ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 11:16 Referans Kwoze

ᐦᐃᑉᕉᐗ 13:14

ᐌᓴ ᐅᑕ ᓇᒪᐎᓚ ᑭᑦ ᐋᔮᓈᓇᐤ ᑳᑭᑫ ᐃᑖᐎᓐ, ᒫᑲ ᑭ ᓈᓇᑕᐌᓕᑌᓈᓇᐤ ᐯᔭᒃ ᑫ ᐹᐸᓕᒃ᙮

ᐦᐃᑉᕉᐗ 11:10

ᐌᓴ ᑮ ᐊᔕᐙᐸᑕᒻ ᐃᑖᐎᓂᓕᐤ ᑳ ᒪᔥᑲᐗᔅᑭᑌᓕᒃ, ᑳ ᑮ ᒋᒪᑖᑦ ᓀᔥᑕ ᑳ ᑮ ᐅᔑᑖᑦ ᑭᒋᒪᓂᑐ᙮

ᐱᓕᐱᔭᓇ 3:20

ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭;

ᐅᐸᓓᑭᔅ ᒑᓐ 14:2

ᓄᑖᐎ ᐅ ᐋᔅᑳᔨᑲᓂᒥᒃ ᒥᒉᓋ ᑕᔑᑫᐎᓇ: ᑮᔥᐱᓐ ᒫᑲ ᐁᑳ, ᑭ ᑳ ᑮ ᐎᑕᒫᑎᑕᐗᐤ᙮ ᓂ ᑭᑐᑖᓐ ᑭᒋ ᐋᔦᔅᑲᐎᑕᒫᑕᑾᒃ ᐃᑕ ᑫ ᐃᑖᔦᒃ᙮

ᐦᐃᑉᕉᐗ 2:11

ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐦᐃᑉᕉᐗ 12:22

ᒫᑲ ᑭ ᑮ ᐯᒋ ᓈᑌᓇᐗᐤ ᓵᐃᐊᓐ ᐗᒋ, ᓀᔥᑕ ᐯᒫᑎᓰᑦ ᑭᒋᒪᓂᑐ ᐅᑦ ᐃᑖᐎᓐ, ᑭᒋᑭᔑᑳᐎ ᒋᕉᓴᓕᒻ, ᓀᔥᑕ ᐁᑳ ᑫ ᑮ ᑌᐸᑭᒫᑲᓂᐎᒋᒃ ᐁᓐᒐᓚᒃ,

ᐦᐃᑉᕉᐗ 11:14

ᐌᓴ ᐊᓂᑭ ᐁᑯᔑ ᑳ ᐃᑗᒋᒃ, ᐸᔭᑌ ᐃᑗᐗᒃ ᐁ ᓈᓇᑕᐌᓚᑕᑭᒃ ᐊᔅᑮᓕᐤ᙮

ᓂᔓ ᑎᒧᑎ 4:18

ᐅᑎᐯᓕᒋᑫᐤ ᒫᑲ ᓂ ᑳ ᐎᑾᒋᐃᒃ ᒥᓯᐌ ᑕᑐ ᒪᒋ ᐊᑐᔅᑫᐎᓂᒃ ᐅᒋ, ᓀᔥᑕ ᓂ ᑳ ᑲᓇᐌᓕᒥᒃ ᐅ ᑭᒋᑭᔑᑲᐎ ᐅᑭᒫᐎᐎᓂᒃ ᐃᔑ: ᐁᐗᒀᓇ ᑫ ᐎ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐊᐸᔅᑕᓚᒃ 7:32

ᐁ ᐃᑗᑦ, ᓂᓚ ᐁᐗᑯ ᐅ ᑭᒋᒪᓂᑐᒥᐗᐗ ᑯᑖᐎᔭᒃ, ᐅ ᑭᒋᒪᓂᑐᒪ ᐁᑉᕃᐊᒻ, ᐅ ᑭᒋᒪᓂᑐᒪ ᐋᐃᓯᒃ ᒫᑲ, ᓀᔥᑕ ᐅ ᑭᒋᒪᓂᑐᒪ ᒉᑲᑉ᙮ ᐁᑯ ᒧᓯᔅ ᑳ ᓇᓂᑭᐸᓕᑦ, ᓇᒪᐎᓚ ᒫᑲ ᑮ ᑲᓇᐙᐱᐤ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒫᕐᒃ 12:26

ᒫᑲ ᑖᐺ ᐁ ᐙᓂᔥᑳᒋᒃ ᑳ ᓂᐱᒋᒃ; ᓇᒪ ᓈ ᑭ ᐅᒋ ᐋᔭᒥᑖᓇᐗᐤ ᒧᓯᔅ ᐅ ᒪᓯᓇᐃᑲᓂᒃ, ᑳ ᐃᔑ ᐋᔭᒥᐃᑯᑦ ᐱᔅᑯᑯᐹᒃ, ᐁ ᐃᑎᑯᑦ, ᓂᓚ ᓂᑦ ᐋᐐᓐ ᐁᑉᕃᐋᒻ ᐅ ᑭᒋᒪᓂᑐᒪ, ᓀᔥᑕ ᐋᐃᓯᒃ ᐅ ᑭᒋᒪᓂᑐᒪ, ᓀᔥᑕ ᒉᑲᑉ ᐅ ᑭᒋᒪᓂᑐᒪ?

ᐅᐸᓓᑭᔅ ᓘᒃ 20:37

ᑖᐺ ᒫᑲ ᐁ ᐗᓂᔥᑳᓈᑲᓂᐎᒋᒃ ᑳ ᓂᐱᒋᒃ, ᒧᓯᔅ ᑖᐺ ᑮ ᐙᐸᑎᓕᐌᐤ ᐱᔅᑯᑯᐹᒃ, ᐃᔅᐱ ᐁᔑᓂᑳᑖᑦ ᐅᑎᐯᓕᒋᑫᐗ, ᐁᑉᕃᐋᒻ ᐅ ᑭᒋᒪᓂᑐᒪ, ᓀᔥᑕ ᐋᐃᓯᒃ ᐅ ᑭᒋᒪᓂᑐᒪ, ᓀᔥᑕ ᒉᑲᑉ ᐅ ᑭᒋᒪᓂᑐᒪ᙮

ᐦᐃᑉᕉᐗ 10:34

ᐌᓴ ᑭ ᑮ ᑭᑎᒫᑫᓕᒥᓇᐗᐤ ᐁ ᑮ ᒫᒫᒋᒀᐱᓱᔮᓐ, ᓀᔥᑕ ᑭ ᑮ ᒥᓜᓕᑌᓇᐗᐤ ᐁ ᑮ ᒪᔅᑲᒥᑲᐎᔦᒃ ᑭᑦ ᐋᔮᓂᐗᐗ, ᐁ ᑭᔅᑫᓕᑕᒣᒃ ᐁ ᐋᔮᔦᒃ ᑭᔑᑭᔑᑯᒃ ᐊᐙᓯᑌ ᐁ ᒥᓨᔑᒃ ᓀᔥᑕ ᑳᑭᑫ ᐌᓗᑎᓯᐎᓐ᙮

ᐦᐃᑉᕉᐗ 11:40

ᑭᒋᒪᓂᑐ ᓇᐗᒡ ᒥᓗ ᑫᒀᓐ ᐁ ᑮ ᐋᔦᔅᑲᐎᑕᒫᑕᒃ, ᐎᓚᐗᐤ ᑭᓚᓈᓇᐤ ᐁᑳ ᐁ ᐎᒉᐗᑭᒃ ᐁᑳ ᑭᒋ ᒥᑐᓂᐎᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 21:2

ᓂᓚ ᒑᓐ ᒫᑲ ᓂ ᑮ ᐙᐸᑌᓐ ᐸᓓᑭ ᐃᑖᐎᓐ, ᐅᔥᑭ ᒋᕉᓴᓚᒻ, ᐁ ᐯᒋ ᐅᒋ ᓛᔑᐸᓕᒃ ᑭᒋᒪᓂᑐ ᑭᒋᑭᔑᑯᒃ, ᐁ ᐋᔦᔅᑲᐎᑖᓂᐗᒃ ᑖᐱᔅᑯᒡ ᐅᔥᑭᔅᑴᐙᓐ ᐁ ᐙᐌᔑᐅᑦ ᐅ ᓈᐯᒪ ᐅᒋ᙮