14 ᐌᓴ ᐊᓂᑭ ᐁᑯᔑ ᑳ ᐃᑗᒋᒃ, ᐸᔭᑌ ᐃᑗᐗᒃ ᐁ ᓈᓇᑕᐌᓚᑕᑭᒃ ᐊᔅᑮᓕᐤ᙮
ᒣᒀᒡ ᐁᑳ ᐁ ᑲᓇᐙᐸᑕᒪᒃ ᐊᓂᐃ ᑳ ᓄᑾᑭ, ᒫᑲ ᐊᓂᐃ ᐁᑳ ᑳ ᓀᑾᑭ: ᐌᓴ ᐊᓂᐃ ᑳ ᓄᑾᑭ ᐊᒋᓚᐤ ᐃᑕᑾᓋ; ᒫᑲ ᐊᓂᐃ ᐁᑳ ᑳ ᓄᑾᑭ ᑳᑭᑫ ᐃᑕᑾᓋ᙮
ᐌᓴ ᐅᑕ ᓇᒪᐎᓚ ᑭᑦ ᐋᔮᓈᓇᐤ ᑳᑭᑫ ᐃᑖᐎᓐ, ᒫᑲ ᑭ ᓈᓇᑕᐌᓕᑌᓈᓇᐤ ᐯᔭᒃ ᑫ ᐹᐸᓕᒃ᙮
ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮
ᐌᓴ ᓂ ᐙᐙᓀᓕᔅᑳᑯᓐ ᑳ ᓂᔑᑭ, ᐁ ᓇᑕᐌᓕᑕᒫᓐ ᑭᒋ ᑭᑐᑌᔮᓐ, ᓀᔥᑕ ᑭᒋ ᐎᒋᑕᔑᑫᒪᒃ ᙭, ᐁᐗᑯ ᓈᔅᐱᒡ ᐊᐙᓯᑌ ᐁ ᒥᓨᔑᒃ:
ᒥᓯᐌ ᐅᑯ ᑮ ᓂᐱᐗᒃ ᑖᐺᔦᓕᑕᒧᐎᓂᒃ, ᐁᑳ ᐁ ᑮ ᐅᑎᓇᑭᒃ ᐊᔓᑕᒫᑫᐎᓇ, ᒫᑲ ᐁ ᑮ ᓚᐙᐸᑕᑭᒃ, ᓀᔥᑕ ᑮ ᑫᒋᓀᓕᑕᒶᒃ, ᓀᔥᑕ ᑮ ᒥᒋᒥᓇᒶᒃ, ᑮ ᐎᑕᒶᒃ ᒫᑲ ᐁ ᒫᓐᑌᐎᒋᒃ ᓀᔥᑕ ᐁ ᐱᒥᐱᒋᒋᒃ ᐅᑕ ᐊᔅᑮᒃ᙮
ᑖᐺ ᒫᑲ ᑮᔥᐱᓐ ᑮ ᒫᒥᑐᓀᓕᑕᒧᐙᑯᐸᓀ ᐊᓂᐁᓕᐤ ᑳ ᑮ ᐅᒋ ᐗᓚᐎᒋᒃ, ᑲᑕ ᑮ ᓇᐃᐸᓕᐃᑯᑕᐗᐤ ᑭᒋ ᑭᐌᒋᒃ᙮
