ᑲᓓᔕᐊᓇ 5:21 - ᐅᔅᑭ ᑎᔅᑌᒥᓐᑦ

²¹ ᐅᑌᓕᑕᒧᐎᓇ, ᓂᐹᔭᐌᐎᓇ, ᑭᔥᑴᐯᐎᓐ, ᒪᒋ ᒪᑯᔐᐎᓇ, ᓀᔥᑕ ᐊᓂᐃ ᑖᐱᔅᑯᒡ ᐅᐅ: ᓂᔮᑲᓇ ᒫᑲ ᐅᐅ ᑭ ᐅᒋ ᐎᑕᒫᑎᓇᐗᐤ, ᑖᐱᔅᑯᒡ ᐋᔕᔾ ᐁ ᑮ ᐎᑕᒫᑕᑾᒃ, ᐊᓂᑭ ᐅᐅ ᑳ ᑐᑕᑭᒃ ᓇᒪᐎᓚ ᑲᑕ ᐊᑎ ᐋᔭᐌᐗᒃ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᐤ᙮

ᑲᓓᔕᐊᓇ 5:21 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:13

ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᓂᔥᑕᒻ ᑯᕆᓐᑎᐊᓇ 5:11

ᒫᑲ ᐊᓄᒡ ᑭ ᑮ ᒪᓯᓇᐊᒫᑎᓇᐗᐤ, ᐁᑳ ᑭᒋ ᐎᒉᐌᒃ ᐊᐌᓇ ᐎᒋᔖᓂᒪᐤ ᑳ ᐃᔑᓂᑳᑖᑲᓂᐎᑦ, ᑳ ᐱᔑᒀᑎᓯᔅᑭᑦ, ᓀᔥᑕ ᑳ ᒧᔅᑌᓇᒫᑫᔅᑭᑦ, ᓀᔥᑕ ᑳ ᓇᐗᑮᔅᑕᐙᑦ ᒪᓂᑐᑳᓇ, ᓀᔥᑕ ᑳ ᒫᓓᓕᒋᑫᔅᑭᑦ, ᓀᔥᑕ ᑳ ᑭᔥᑴᐯᔅᑭᑦ, ᓀᔥᑕ ᑳ ᒪᔅᑲᑗᔅᑭᑦ; ᐊᐌᓇ ᐊᐗ ᑐᐎ, ᐁᑳ ᐙᐙᒡ ᑭᒋ ᐎᒋᒥᒋᓱᒣᒃ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᓂᔥᑕᒻ ᐱᑕᕐ 4:3

ᐌᓴ ᐃᔥᐱᔥ ᑳ ᒫᔭᐎᐸᓕᒃ ᑭ ᐱᒫᑎᓯᐎᓂᓇᐤ ᐁᒀᓂ ᑭᒋ ᑮ ᑐᑐᒶᒃ ᐅᑦ ᐃᑌᓕᑕᒧᐎᓂᐗᐤ ᒉᓐᑖᐃᓚᒃ, ᐃᔅᐱ ᐁ ᑮ ᐱᒧᑌᔭᒃ ᑭᔥᑴᔮᑎᓯᐎᓂᒃ, ᒪᒋᓇᑕᐌᓕᑕᒧᐎᓂᒃ, ᐁ ᐅᓵᒥᓂᑾᓂᐙᒃ ᔓᒥᓇᐳ, ᑭᔥᑴᐯᐎᓂᒃ, ᐎᑯᑐᐎᓂᒃ, ᓀᔥᑕ ᐁ ᒪᒋ ᓇᐗᑭᔅᑕᐗᑭᒃ ᒪᓂᑐᑳᓇᒃ:

ᑯᓚᔑᔭᓇ 3:6

ᐁᐗᒀᓂᐃ ᐌᒋ ᐅᑎᑎᑯᐙᒋᒃ ᑭᒋᒪᓂᑐᐗ ᐅᑦ ᐋᑯᓚᐌᓯᐎᓂᓕᐤ ᐊᓂᑭ ᐌᑕᐙᔑᒥᔑᒥᑯᒋᒃ ᐋᓉᔦᓕᑕᒧᐎᓂᓕᐤ;

ᓂᔥᑕᒻ ᑌᓴᓗᓂᔭᓇ 5:7

ᐌᓴ ᐊᓂᑭ ᑳ ᓂᐹᒋᒃ ᓂᐸᐗᒃ ᐁ ᑎᐱᔅᑳᓕᒃ; ᐊᓂᑭ ᓀᔥᑕ ᑳ ᑭᔥᑴᐯᒋᒃ ᐁ ᑎᐱᔅᑳᓕᒃ ᑮᔥᑴᐯᐗᒃ᙮

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔓ ᑌᓴᓗᓂᔭᓇ 2:5

ᓇᒪ ᓈ ᑭ ᑭᔅᑭᓯᓇᐗᐤ, ᒣᒀᒡ ᑳ ᐎᒉᐎᑕᑾᑭᐸᓐ, ᐅᐅ ᑫᒀᓇ ᐁ ᑮ ᐎᑕᒫᑕᑾᒃ?