ᑲᓓᔕᐊᓇ 3:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᑮᔥᐱᓐ ᐊᓂᒪ ᑎᐯᓕᒋᑲᓐ ᐅᓚᔓᐌᐎᓂᒃ ᐌᒋᒪᑲᓄᑴ, ᓇᒪᐎᓚ ᑫᔮᐸᒡ ᐊᔓᑕᒫᑫᐎᓂᒃ ᐅᒋᐸᓕᐤ: ᒫᑲ ᑭᒋᒪᓂᑐ ᑮ ᒥᓓᐤ ᐁᑉᕃᐊᒪ ᐊᔓᑕᒫᑫᐎᓂᒃ ᐅᒋ᙮

ᑲᓓᔕᐊᓇ 3:18 Referans Kwoze

ᑲᓓᔕᐊᓇ 2:21

ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮

ᑲᓓᔕᐊᓇ 3:29

ᑮᔥᐱᓐ ᒫᑲ ᑎᐯᓕᒥᑯᔦᑭ ᙭, ᐁᑯ ᐌᑕᐗᔑᒥᔑᒥᑖᒃ ᐁᑉᕃᐊᒻ, ᓀᔥᑕ ᑫ ᐊᑎ ᑎᐱᓚᐌᐎᓯᔦᒃ ᐁ ᐃᑕᔅᑌᒃ ᐊᓂᒪ ᐊᔓᑕᒫᑫᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:16

ᐁᑦᕃᐊᒻ ᒫᑲ ᓀᔥᑕ ᐅᑦ ᐊᐙᔑᒥᔕ ᑮ ᒥᓛᑲᓂᐎᐗᒃ ᐊᓂᐃ ᐊᔓᑕᒫᑫᐎᓇ᙮ ᓇᒪᐎᓚ ᐃᑗᐤ, ᓀᔥᑕ ᑭᑦ ᐊᐙᔑᒥᔕᒃ, ᑖᐱᔅᑯᒡ ᒥᒉᑦ ᐁ ᐃᑖᓕᒋ, ᒫᑲ ᑖᐱᔅᑯᒡ ᐯᔭᒃ ᐱᑯ, ᓀᔥᑕ ᑭᑦ ᐊᐙᔑᒥᔥ, ᐁᐗᑯ ᙭᙮

ᑲᓓᔕᐊᓇ 3:12

ᐅᓚᔓᐌᐎᓐ ᒫᑲ ᓇᒪᐎᓚ ᑖᐺᔦᓕᑕᒧᐎᓂᒃ ᑌᐸᑫᓕᑖᑾᓐ: ᒫᑲ ᐊᓇ ᐃᓕᓕᐤ ᑳ ᑐᑕᒃ ᐁᑯᑕ ᑫ ᐃᔑ ᐱᒫᑎᓰᑦ᙮

ᑲᓓᔕᐊᓇ 3:10

ᐌᓴ ᒥᓯᐌ ᑳ ᑎᐯᓕᑖᑯᓯᒋᒃ ᐅᓚᔓᐌᐎ ᐃᔑᒋᑫᐎᓂᒃ ᒪᒐᑭᑖᑯᓯᐎᓂᒃ ᐃᑕᐗᒃ: ᐌᓴ ᐃᑕᓯᓇᐃᑳᑌᐤ, ᒪᒉᓕᑖᑯᓯᐤ ᒥᓯᐌ ᑕᑐ ᐊᐌᓇᐌᑳ ᒧᔕᒃ ᑳ ᑲᓇᐌᓕᑕᒃ ᒥᓯᐌ ᑫᒀᓇ ᑳ ᒪᓯᓇᐃᑳᑌᓕᒋ ᐅᓚᔓᐌᐎᓂ ᒪᓯᓇᐃᑲᓂᒃ ᑭᒋ ᑐᑕᒃ᙮