ᑲᓓᔕᐊᓇ 3:15 - ᐅᔅᑭ ᑎᔅᑌᒥᓐᑦ

¹⁵ ᓂᒋᔖᓂᑐᒃ, ᐁ ᐃᔑ ᐋᔭᒥᒋᒃ ᐃᓕᓕᐗᒃ ᓂᑦ ᐃᔑ ᐋᔭᒥᓐ; ᐋᑕ ᐃᓕᓕᐤ ᐅ ᓇᔅᑯᒥᑐᐎᓐ ᐱᑯ, ᐁᓕᐌᒃ ᒫᑲ ᑮᔥᐱᓐ ᐋᔨᒋᑖᓂᐗᒃ, ᓇᒪᐎᓚ ᐊᐌᓇ ᐃᓕᓕᐤ ᓄᑌᐸᓕᑕᐤ, ᓇᒪ ᓀᔥᑕ ᐊᓯᒋᐸᓕᑕᐤ ᐁᑯᑕ᙮

ᑲᓓᔕᐊᓇ 3:15 Referans Kwoze

ᐦᐃᑉᕉᐗ 9:17

ᐌᓴ ᓇᑲᑕᒫᑫᐎ ᒪᓯᓇᐃᑲᓐ ᐋᐸᑕᓐ ᑳ ᓂᐱᑡᐌ ᐃᓕᓕᐗᒃ: ᓀᔥᑕ ᒫᑲ ᓇᒪᐎᓚ ᐙᔦᔥ ᐃᑖᐸᑕᓐ ᒣᒀᒡ ᐁ ᐱᒫᑎᓰᑦ ᐊᓇ ᑳ ᐅᔑᑖᑦ ᓇᑲᑕᒫᑫᐎ ᒪᓯᓇᐃᑲᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:19

ᓂᑦ ᐋᔭᒥᓐ ᐁ ᐃᔑ ᐋᔭᒥᒋᒃ ᐃᓕᓕᐗᒃ ᐁ ᓕᓚᒥᓯᒪᑲᒃ ᑭ ᐎᔮᓯᐗᐤ: ᐌᓴ ᑖᐱᔅᑯᒡ ᐁ ᑮ ᐸᑭᑎᓇᒣᒃ ᑭ ᐸᔅᑫᓯᐎᓂᐗᐗ ᑭᒋ ᐊᑐᔅᑫᔅᑕᒧᒪᑲᑭ ᐎᓂᓯᐎᓐ ᓀᔥᑕ ᒪᒑᑎᓯᐎᓐ ᒪᒑᑎᓯᐎᓂᒃ ᐃᔑ; ᐁᑯ ᓀᔥᑕ ᐊᓄᒡ ᐸᑭᑎᓇᒧᒃ ᑭ ᐸᔅᑫᓯᐎᓂᐗᐗ ᑭᒋ ᐊᑑᔅᑫᔅᑕᒧᒪᑲᑭ ᑳᔭᔅᑭᑖᑎᓯᐎᓐ ᐸᓓᑭᓯᐎᓂᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:5

ᒫᑲ ᑮᔥᐱᓐ ᑭ ᒪᒑᑎᓯᐎᓂᓇᐤ ᐅᒋ ᑭᔅᑕᑭᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ, ᑫᒀᓐ ᑫ ᐃᑗᔨᒃ? ᒪᒑᑎᓯᐤ ᑭᒋᒪᓂᑐ ᑳ ᐊᔅᑯᒋᐃᐌᑦ? (ᐃᓕᓕᒃ ᓂᑦ ᐃᔑ ᐋᔭᒥᓐ)

ᓂᔥᑕᒻ ᑯᕆᓐᑎᐊᓇ 15:32

ᑮᔥᐱᓐ ᐁ ᑭᔅᑭᓄᐙᐸᒪᑭᒃ ᐃᓕᓕᐗᒃ, ᑳ ᒫᔑᐋᐗᑫᓇᒃ ᐊᐌᓯᓴᒃ ᐊᓐᑕ ᐁᐱᓴᔅ, ᑫᒀᓐ ᑫ ᐅᑎᓯᔮᓐ, ᑮᔥᐱᓐ ᐁᑳ ᐗᓂᔥᑳᑡᐌ ᐅᓂᐱᐗᒃ? ᐁᑯᔑ ᒥᒋᓱᑕᐤ ᓀᔥᑕ ᒥᓂᑴᑕᐤ, ᐌᓴ ᐙᐸᑫ ᑭ ᑳ ᓂᐱᓈᓇᐤ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:13

ᓇᒪᐎᓚ ᑭ ᓇᑕᐌᓕᒥᑎᓇᐗᐤ, ᓂᒋᔖᓂᑐᒃ, ᑭᒋ ᐁᑳ ᑭᔅᑫᓕᑕᒣᒃ ᒥᒉᑡᐤ ᐁ ᑮ ᐃᑌᓕᑕᒫᓐ ᑭᒋ ᐯᒋ ᓈᑎᑖᑾᒃ, ᒫᑲ ᐊᓄᒡ ᐃᔅᑯ ᓂ ᑮ ᐅᒋᐃᑲᐎᓐ, ᑭᒋ ᑮ ᐋᔮᔮᓐ ᑳ ᒥᓂᔑᐎᔦᒃ ᑭᓚᐗᐤ ᐊᓯᒋ, ᑖᐱᔅᑯᒡ ᑯᑕᑭᔭᒃ ᒉᓐᑖᐃᓕᒃ᙮

ᑲᓓᔕᐊᓇ 6:18

ᓂᒋᔖᓂᑐᒃ, ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᑭᑦ ᐊᒑᑯᐙᒃ᙮ ᐁᒣᓐ᙮

ᐦᐃᑉᕉᐗ 6:13

ᐌᓴ ᐃᔅᐱ ᑭᒋᒪᓂᑐ ᑳ ᑮ ᐊᔓᑕᒪᐙᑦ ᐁᑉᕃᐊᒪ, ᐁᑳ ᐁ ᑲᔥᑭᑖᑦ ᐊᐌᓕᐗ ᐊᐙᓯᑌ ᑳ ᑭᔅᑎᓯᓕᒋ ᑭᒋ ᐅᒋ ᑭᒋᐃᑗᑦ, ᐎᓚ ᑫᒋᐙᒃ ᑮ ᐅᒋ ᑭᒋᐃᑗᐤ,

ᐦᐃᑉᕉᐗ 6:16

ᐌᓴ ᐃᓕᓕᐗᒃ ᑖᐺ ᑭᒋᐃᑗᐗᒃ ᐊᓂᐃ ᐅᒋ ᓇᐗᒡ ᑳ ᑭᔅᑎᓯᓕᒋ: ᓀᔥᑕ ᑭᒋᐃᑗᐎᓐ ᑭᒋ ᒪᔥᑲᐗᔅᑕᒫᑯᒋᒃ ᐌᒋ ᐳᓂᐸᓕᒃ ᒥᓯᐌ ᒀᓗᑐᑖᑐᐎᓐ᙮