ᑲᓓᔕᐊᓇ 2:9 - ᐅᔅᑭ ᑎᔅᑌᒥᓐᑦ

⁹ ᐃᔅᐱ ᒫᑲ ᒉᒻᔅ, ᓯᐹᔅ, ᓀᔥᑕ ᒑᓐ ᓯᑣᔅᑲᐃᑲᓇ ᑳ ᐃᑌᓕᑖᑯᓯᒋᒃ, ᐎᐊᐸᑕᑭᒃ ᐊᓂᒪ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓂ ᑮ ᒥᓕᑾᒃ ᓀᔥᑕ ᐸᕐᓇᐸᔅ ᐅᑭᒋᓂᔅᑭ ᐎᒉᑐᐎᓐ, ᓂᓚᓈᓐ ᑭᒋ ᓇᑕᑭᒋᒃ ᐁᑳ ᑳ ᐋᔭᒥᐋᒋᒃ, ᐎᓚᐗᐤ ᒫᑲ ᐊᓂᐃ ᑳ ᑭᔅᑫᓄᐙᒋᔣᑲᓂᐎᓕᒋ᙮

ᑲᓓᔕᐊᓇ 2:9 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᑯᓚᔑᔭᓇ 1:29

ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮

ᐃᐱᓯᔭᓇ 2:20

ᓀᔥᑕ ᐁ ᒋᒪᓕᑲᐎᔦᒃ ᐃᑕ ᐁ ᐋᒋᔪᑖᓂᐗᒃ ᐁᐗᑯ ᐊᐸᔅᑕᓚᒃ ᓀᔥᑕ ᐅᑭᔅᑭᐙᐃᑫᐗᒃ, ᒋᓴᔅ ᙭ ᑫᒋᐙᒃ ᐁ ᐋᐎᑦ ᒫᐗᒋ ᑭᒋ ᐊᓯᓂ ᑭᑫᔮᒃ;

ᓂᔓ ᑯᕆᓐᑎᐊᓇ 8:4

ᐁ ᓇᑕᐌᓕᒥᔭᒥᒋᒃ ᓈᔅᐱᒡ ᐁ ᓇᑐᑕᒪᐎᔭᒥᒋᒃ ᑭᒋ ᐅᑎᓇᒫᒃ ᐊᓂᒪ ᒥᓕᐌᐎᓐ, ᓀᔥᑕ ᑭᒋ ᐅᑎᓇᒫᓱᔮᒃ ᐊᓂᒪ ᐎᒉᐅᑐᐎᓐ ᐁ ᒫᑎᓇᒫᒋᒃ ᐅᐸᓓᑭᓴᒃ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:15

ᐁᓕᐌᒃ ᒫᑲ, ᓂᒋᔖᓂᑕᒃ, ᐊᐙᓯᑌ ᑭ ᑮ ᓱᑭᑌᐁᐎ ᒪᓯᓇᐊᒫᑎᓇᐗᐤ, ᑭᒋ ᐃᔑ ᑭᔅᑭᓯᐃᑕᑾᒃ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᑮ ᒥᓕᑦ ᑭᒋᒪᓂᑐ᙮

ᐊᐸᔅᑕᓚᒃ 15:13

ᐃᔅᐱ ᒫᑲ ᑳ ᑭᐱᑐᐌᒋᒃ, ᒉᒻᔅ ᑮ ᓇᔥᑴᐗᔑᐃᐌᐤ, ᐁ ᐃᑗᑦ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓇᑐᑕᐐᒃ:

ᐊᐸᔅᑕᓚᒃ 15:7

ᐃᔅᐱ ᒫᑲ ᒥᔅᑕᐃ ᑳ ᑮ ᐋᔑᑌᒥᑐᒋᒃ, ᐱᑕᕐ ᑮ ᐸᓯᑯ, ᓀᔥᑕ ᑮ ᐃᑌᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑭ ᑭᔅᑫᓕᑌᓈᐗᐤ ᐌᔅᑲᒡ ᓇᐗᒡ ᑭᒋᒪᓂᑐ ᐁ ᑮ ᐗᐌᓓᓕᒥᑕᒃ, ᐊᓂᑭ ᒉᓐᑖᐃᓚᒃ ᓂᓚ ᓂᑐᓐ ᐅᒋ ᑭᒋ ᐯᑕᑭᒃ ᒥᓗᐋᒋᒧᐎ ᐋᔭᒥᐎᓐ, ᓀᔥᑕ ᑭᒋ ᑖᐺᑕᑭᒃ᙮

ᐊᐸᔅᑕᓚᒃ 4:36

ᒍᓯᔅ ᒫᑲ, ᐊᓇ ᐊᐸᔅᑕᓚᒃ ᐸᕐᓇᐸᔅ ᑳ ᑮ ᐃᔑ ᐊᔅᐱᓂᑲᑖᒋᒃ (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᐅᑯᓯᓯᒥᑯ ᒥᓜᓕᒧᐃᐌᐎᓂᓕᐤ,) ᐁ ᓕᐹᐃᑎᐎᑦ, ᓵᑉᕋᓯᒃ ᐁ ᐅᒋᑦ,

ᐅᐸᓓᑭᔅ ᒫᑎᐤ 16:18

ᓀᔥᑕ ᒫᑲ ᑭᑦ ᐃᑎᓐ, ᑭᓚ ᐁᐗᑯ ᐱᑕᕐ; ᐁᑯᑕ ᐅᒪ ᑭᔅᑖᐱᔅᑳᒃ ᓂ ᑳ ᒋᒪᑖᓐ ᓂᑦ ᐋᔭᒥᐁᐎᑲᒥᒃ; ᓇᒪᐎᓚ ᒫᑲ ᑲᑕ ᔖᑯᒋᐃᑯᒪᑲᓐ ᒪᒋ ᐃᔥᑯᑌᐤ ᐃᔥᒀᑌᒪ᙮

ᐅᐸᓓᑭᔅ ᓘᒃ 22:8

ᑮ ᑭᒋᑎᔕᐌᐤ ᒫᑲ ᐱᑕᕋ ᓀᔥᑕ ᒑᓇ, ᐁ ᐃᑗᑦ, ᓇᑕᐎ ᐋᔦᔅᑲᐎᑕᒪᐎᓈᓐ ᒥᔮᔥᑳᑫᐎ ᒪᑯᔐᐎᓐ, ᑭᒋ ᒥᒋᓱᔭᒃ᙮

ᐅᐸᓓᑭᔅ ᒑᓐ 1:42

ᑮ ᐯᑐᐌᐤ ᒫᑲ ᒋᓴᓴ᙮ ᐃᔅᐱ ᒫᑲ ᒋᓴᔅ ᐎᐋᐸᒫᑦ, ᑮ ᐃᑗᐤ, ᑭᓚ ᓵᐃᒪᓐ ᐅᑯᓯᓴ ᒍᓇ: ᑭ ᑳ ᐃᔑᓂᑳᑎᑳᐎᓐ ᓯᐸᔅ, ᑳ ᐃᑗᒪᑲᒃᐁ ᐃᑗᔅᒋᑳᑌᒃ, ᐊᓯᓂ᙮

ᐊᐸᔅᑕᓚᒃ 12:17

ᐎᓚ ᒫᑲ, ᐁ ᐙᐙᔅᑎᓇᒪᐗᑦ ᐅᒋᒋ ᐅᒋ ᐁᑳ ᑭᒋ ᑭᑐᓕᒋ, ᑮ ᐙᐎᑕᒪᐌᐤ ᑖᓂ ᑳ ᐃᔑ ᐙᓚᐎᑕᐃᑯᑦ ᐅᑎᐯᓕᒋᑫᐗ ᑭᐹᐊᑐᐎᑲᒥᑯᒃ ᐅᒋ᙮ ᑮ ᐃᑌᐤ ᒫᑲ, ᑭᑐᑌᒃ, ᐙᐸᑎᓕᒃ ᒉᒻᔅ ᐅᐅ ᑫᒀᓇ, ᓀᔥᑕ ᐊᓂᑭ ᑭᒋᔖᓂᓇᐗᒃ᙮ ᑮ ᑭᑐᑌᐤ ᒫᑲ, ᓀᔥᑕ ᐱᑐᔥ ᐃᑕ ᑮ ᐃᑐᑌᐤ᙮

ᓂᔓ ᑯᕆᓐᑎᐊᓇ 11:5

ᐌᓴ ᓂᑦ ᐃᑌᓕᑌᓐ ᐁᑳ ᒥᑐᓂ ᐁ ᓄᑌᐸᓕᔮᓐ ᐃᔥᐱᔥ ᒫᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 12:11

ᓂ ᑮ ᐊᑎ ᑭᔥᑴᑳᓂᐎᓐ ᐁ ᒫᒪᑖᑯᒧᔮᓐ; ᑭᓚᐗᐤ ᑳ ᑮ ᑲᔥᑭᐃᔦᒃ: ᐌᓴ ᔮᓕᑌᓐ ᑭ ᑳ ᑮ ᒥᓗᐋᓕᒧᒥᑕᐗᐤ; ᐌᓴ ᓇᒪᐎᓚ ᑫᒀᓐ ᓂ ᐅᒋ ᓄᑌᐸᓕᓐ ᐊᓂᑭ ᒪᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᑲᓓᔕᐊᓇ 1:16

ᑭᒋ ᑭᔅᑫᓕᑕᒥᐃᑦ ᐅᑯᓯᓴ, ᑭᒋ ᑎᐹᒋᒥᒪᒃ ᐃᑕ ᐁ ᐃᑖᒋᒃ ᐁᑳ ᑳ ᐋᔭᒥᐋᒋᒃ; ᓇᒪᐎᓚ ᐱᑕ ᓂ ᑮ ᓇᑕᐌᓕᑌᓐ ᐎᔮᔅ ᓀᔥᑕ ᒥᑯ ᑭᒋ ᑲᑫᔅᑭᒥᑯᔮᓐ;

ᑲᓓᔕᐊᓇ 1:18

ᑳ ᐳᓂ ᓂᔅᑐ ᐱᐴᒃ ᒫᑲ ᒋᕉᓴᓚᒥᒃ ᓂ ᑮ ᐃᑐᑖᓐ ᐁ ᓇᑕᐙᐸᒪᒃ ᐱᑕᕐ, ᓂ ᑮ ᐎᒋᑕᔑᑫᒪᐤ ᒫᑲ ᓂᔮᓚᓗᔖᐳ ᑭᔑᑳᐗ᙮

ᑲᓓᔕᐊᓇ 2:1

ᑭᐃᔥᑾ ᒫᑲ ᓀᐅᔖᑉ ᐱᐴᓋ, ᒥᓇ ᓂ ᑮ ᐃᑐᑖᓐ ᒋᕉᓴᓚᒥᒃ ᐁ ᐎᒉᐗᒃ ᐸᕐᓇᐸᔅ, ᐊᓯᒋ ᓀᔥᑕ ᓂ ᑮ ᐅᑎᓇᐤ ᑖᐃᑕᔅ᙮

ᑲᓓᔕᐊᓇ 6:3

ᐌᓴ ᑮᔥᐱᓐ ᐊᐌᓇ ᐃᓕᓕᐤ ᐙᔦᔥ ᐁᑌᓕᒥᑎᓱᒋ, ᐋᑕ ᐁᑳ ᐙᔦᔥ ᐁ ᐃᑌᓕᑖᑯᓯᑦ, ᐙᔦᔑᐃᑎᓱ᙮