18 ᐌᓴ ᑮᔥᐱᓐ ᒥᓇ ᐌᔑᑖᔮᓂ ᐊᓂᐃ ᑳ ᑮ ᑲᔑᐗᓈᒋᑖᔮᓐ, ᐅᐗᓂᑐᑕᒻ ᓂᑦ ᐃᔑᐃᑎᓱᓐ᙮
ᒫᑲ ᑮᔥᐱᓐ ᑭᒋᔖᓐ ᑲᔥᑫᓕᑕᒥᐃᑯᑦ ᑭ ᒥᒋᒥᓕᐤ, ᓇᒪᐎᓚ ᐁ ᐃᑕᔅᑌᒃ ᓵᑭᐃᑐᐎᓐ ᑭᑦ ᐃᔑ ᐱᒧᑖᓐ᙮ ᐁᑳᐎᓚ ᓂᔑᐗᓈᒋ ᑭ ᒥᒋᒻ ᐅᒋ, ᐊᓇ ᑳ ᑮ ᓂᐳᔅᑕᒫᑯᑦ ᙭ᑕ᙮
ᓂᓚ ᒫᑲ, ᓂᒋᔖᓂᑐᒃ, ᑮᔥᐱᓐ ᑫᔮᐸᒡ ᑫᑫᔅᑭᒥᐌᔮᓂ ᑭᔅᑭᓄᐙᒋᔓᐎᓐ, ᑖᓀᑭ ᐌᒋ ᑫᔮᐸᒡ ᑲᒀᑕᑭᐃᑲᐎᔮᓐ? ᐁᑯᔑ ᒫᑲ ᐱᐅᓂᐸᓕᒃ ᐁ ᓈᔦᑕᐌᓕᒋᑳᑌᒃ ᐋᔑᑌᐋᑎᒃ᙮
ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮
ᐌᓴ ᑭᔅᑭᓄᐙᒋᔓᐎᓐ ᑖᐺ ᑭᑦ ᐗᐸᒋᐃᑯᓐ, ᑮᔥᐱᓐ ᑫᓇᐌᓕᑕᒪᓇ ᐅᓚᔓᐌᐎᓐ: ᒫᑲ ᑮᔥᐱᓐ ᐹᑯᓇᒪᓂ ᐅᓚᔓᐌᐎᓐ, ᑭ ᑭᔅᑭᓄᐋᒋᔓᐎᓐ ᑖᐱᔅᑯᒡ ᐁᑳ ᑭᔅᑭᓄᐙᒋᔓᐎᓐ ᐃᔑᑖᓂᐗᓐ᙮
ᒫᑲ ᑮᔥᐱᓐ ᑭ ᒪᒑᑎᓯᐎᓂᓇᐤ ᐅᒋ ᑭᔅᑕᑭᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ, ᑫᒀᓐ ᑫ ᐃᑗᔨᒃ? ᒪᒑᑎᓯᐤ ᑭᒋᒪᓂᑐ ᑳ ᐊᔅᑯᒋᐃᐌᑦ? (ᐃᓕᓕᒃ ᓂᑦ ᐃᔑ ᐋᔭᒥᓐ)
