24 ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᓂᓚ ᐅᒋ᙮
ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮
ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮
ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮
ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮
ᒫᑲ ᐃᔅᐱ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᐎᐋᐸᑕᑭᒃ, ᑮ ᒫᒪᔅᑳᑕᒶᒃ, ᓀᔥᑕ ᑮ ᒫᒥᒋᒣᐗᒃ ᑭᒋᒪᓂᑐᐗ, ᑳ ᑮ ᒥᓛᓕᒋ ᐃᓕᓕᐗ ᐅᒪ ᐃᔑ ᑲᔥᑭᐅᐎᓂᓕᐤ᙮
ᐅᑦ ᐃᔑᓂᑳᓱᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᒋ ᑭᔅᑌᓕᑖᑯᑕᐌᒃ, ᓀᔥᑕ ᑭᒋ ᐱᒋᔥᑲᐌᒃ, ᑳ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑭᒋᒪᓂᑐᒥᓇᐤ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮
ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮
ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ;
ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮
ᑣᔦᒃ ᒫᑲ ᑮ ᐗᓂᔥᑲᐤ, ᓀᔥᑕ ᐁ ᐅᑎᓇᒃ ᐅ ᓂᐯᐎᓐ, ᑮ ᐗᓚᐎᐤ, ᐁ ᐙᐸᒥᑯᑦ ᒥᓯᐌ; ᑳ ᐅᒋ ᒪᒪᔅᑳᑕᒥᓕᒋ ᒥᓯᐌ ᐁ ᐃᑕᓯᓕᒋ, ᑮ ᑭᔅᑖᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᑦ, ᓇᒪᐎᔅᑳᑦ ᐅᒪ ᓂ ᑮ ᐃᔑ ᐙᐸᑌᓐ᙮
