ᐃᐱᓯᔭᓇ 5:27 - ᐅᔅᑭ ᑎᔅᑌᒥᓐᑦ

²⁷ ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᐃᐱᓯᔭᓇ 5:27 Referans Kwoze

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᓂᔓ ᑯᕆᓐᑎᐊᓇ 11:2

ᐌᓴ ᑭ ᑲᑴᓕᑕᒫᑎᓇᐗᐤ ᒪᓂᑐᐎ ᑲᑴᓕᑕᒧᐎᓂᒃ; ᐌᓴ ᑭ ᑮ ᐸᑭᑎᓂᑎᓇᐗᐤ ᑭᒋ ᐎᑭᒣᒃ ᐯᔭᒃ ᑳ ᐅᑦ ᐃᔅᑴᐎᑦ, ᑭᒋ ᐸᑭᑎᓂᑕᑾᒃ ᑖᐱᔅᑯᒡ ᐯᓓᑭᓯᑦ ᐅᔥᑭᓂᑭᔅᑴᐤ ᙭ ᐅᒋᒋᒃ᙮

ᑯᓚᔑᔭᓇ 1:28

ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ:

ᓂᔓ ᑯᕆᓐᑎᐊᓇ 4:14

ᐁ ᑭᔅᑫᓕᑕᒫᒃ ᐊᓇ ᑳ ᑮ ᐗᓂᔥᑳᓈᑦ ᐅᑎᐯᓕᒋᑫᐗ ᒋᓴᓴ, ᐊᓯᒋ ᓀᔥᑕ ᑭᒋ ᐗᓂᔥᑳᓂᔭᒥᑦ ᒋᓴᔅ ᐅᒋ, ᓀᔥᑕ ᑭᒋ ᐸᑭᑎᓂᔭᒥᑦ ᐊᓯᒋ ᑭᓚᐗᐤ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᒎᑦ 1:21

ᑲᓇᐌᓕᒥᑎᓱᒃ ᑭᒋᒪᓂᑐ ᐅ ᓵᑭᐃᐌᐎᓂᒃ, ᐁ ᐊᔕᐙᐸᑕᒬᒃ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑳᑭᑫ ᐱᒫᑎᓯᐎᓂᒃ ᐃᔑ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 14:4

ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮