16 ᒀᔭᔉ ᐁ ᐋᐸᒋᑕᔦᒃ ᐁ ᑭᔑᑳᑭ, ᐁ ᒫᓛᑕᑭ ᐅᐅ ᑭᔑᑳᐗ᙮
ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮
ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐱᔉ ᑭ ᐎᒉᐎᑯᓇᐗᐤ ᐙᔅᑌᐎᓐ᙮ ᐱᒧᑌᒃ ᐁᔥᑾ ᐁᐋᔮᔦᒃ ᐙᔅᑌᐎᓐ, ᐁᑳ ᐗᓂᑎᐱᔅᑭᓯᐎᓐ ᑭᒋ ᐅᑎᑎᑯᔦᒃ: ᐌᓴ ᐊᓇ ᑳ ᐱᒧᑌᑦ ᐗᓂᑎᐱᔅᑭᓯᐎᓂᒃ ᓇᒪᐎᓚ ᑭᔅᑫᓕᑕᒻ ᑖᓐᑌ ᐁᑐᑌᑦ᙮
ᐁᐗᑯ ᐅᒋ ᐅᑎᓇᒫᓱᒃ ᒥᓯᐌ ᐅ ᓇᑐᐸᓕᐎ ᐋᐸᒋᑖᐎᓇ ᑭᒋᒪᓂᑐ, ᑭᒋ ᑮ ᓇᔅᑯᔦᒃ ᒪᒋ ᑭᔑᑳᑫ, ᓀᔥᑕ ᑮ ᔖᑯᒋᑖᔦᑴ ᒥᓯᐌ, ᑭᒋ ᓂᐸᐎᔦᒃ᙮
ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮
ᐅᒪ ᓀᔥᑕ, ᐁ ᑭᔅᑫᓕᑕᒣᒃ ᑖᓐ ᐁᔑ ᑭᔑᑳᑭ ᐊᓄᒡ, ᐋᔕᔾ ᐁ ᐅᑎᒋᐸᓕᒃ ᑭᒋ ᑯᔅᑯᓯᔭᒃ ᓂᐹᐎᓂᒃ ᐅᒋ; ᐌᓴ ᐊᓄᒡ ᐊᐙᓯᑌ ᑭᔑᐙᒃ ᐃᑕᑾᓐ ᑭ ᐱᒫᒋᐃᑯᓯᐎᓂᓇᐤ ᐃᔥᐱᔥ ᓂᔥᑕᒻ ᑳ ᑖᐺᑕᒪᑭᐸᓐ᙮
ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;
ᒥᓨᔑᓐ ᓂᑦ ᐃᑌᓕᑌᓐ ᐅᒪ ᐊᓄᒡ ᐁ ᐊᓕᒥᓯᓋᓂᐗᒃ, ᓂᑦ ᐃᑣᓐ, ᒥᓨᔑᓐ ᐃᓕᓕᐤ ᐁᑯ ᐃᔑ ᑭᒋ ᐊᔮᑦ᙮
ᓀᔥᑕ ᐁ ᑭᑭᔥᑲᒣᒃ ᑭᓯᑎᐙᒃ ᐁ ᐋᔦᔅᑳᐎᑖᓂᐗᒃ ᑳᔮᒣᓕᑕᒧᐎᓂ ᒥᓗᐋᒋᒧᐎᓐ;
ᑖᐱᔅᑯᒡ ᓀᔥᑕ ᐊᓇ ᑳ ᑮ ᐅᑎᓈᑦ ᓂᔓ, ᑮ ᑕᑯᐁᐤ ᓀᔥᑕ ᑯᑕᑭᔭ ᓂᔓ᙮
