26 ᑭᓯᐙᓯᒃ, ᐁᑳ ᒫᑲ ᒪᒋᑐᑕᒧᒃ: ᐁᑳᐎᓚ ᑲᑕ ᐸᑭᔑᒧ ᑫᔮᐸᒡ ᐁ ᐋᑯᓚᐌᓯᔦᒃ:
ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐁᑯᔑ ᒥᓯᐌ ᑕᑐ ᐊᐌᓇ ᑲᑕ ᑭᓕᐱᐤ ᐁ ᐱᔑᒋᑕᒃ, ᑲᑕ ᐯᑭᑳᑎᓯᐤ ᐁ ᐋᔭᒥᑦ, ᑲᑕ ᐯᑭᑳᑎᓯᐤ ᐁ ᑭᓯᐙᓯᑦ:
ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮
ᐃᔅᐱ ᒫᑲ ᐙᔅᑳ ᑳ ᑮ ᑲᓇᐙᐸᒫᑦ ᐁ ᑭᓯᐙᓯᑦ, ᐁ ᒥᒋᓚᐌᓯᑦ ᐁ ᐃᔅᐱᒋ ᒪᔥᑲᐎᑌᐁᓕᒋ, ᐃᑌᐤ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᑮ ᔓᐎᓂᔅᑫᓕᐤ ᒫᑲ: ᓀᔥᑕ ᐅᒋᒋ ᑮ ᒥᓇᐙᒋᑖᓂᐗᓂᓕᐤ ᑖᐱᔅᑯᒡ ᑯᑕᑭᓕᐤ᙮
ᒫᑲ ᐃᔅᐱ ᒋᓴᔅ ᐎᐋᐸᑕᒃ, ᓈᔅᐱᒡ ᓇᒪ ᑮ ᓇᐁᓕᑕᒻ, ᑮ ᐃᑌᐤ ᒫᑲ, ᐃᓕᓈᑯᒃ ᐊᐱᔅᑕᐙᔑᔕᒃ ᑭᒋ ᐯᒋ ᓈᔑᒋᒃ, ᐁᑳᐎᓚ ᒫᑲ ᑭᑕᐊᒫᑯᒃ; ᐌᓴ ᐅᑯ ᑐᐎ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐃᑖᑭᒃ᙮
ᐌᓴ ᐃᓕᓕᐤ ᐅ ᑭᓯᐙᓯᐎᓐ ᓇᒪᐎᓚ ᓂᑕᐎᑭᑖᒪᑲᓂᓕᐤ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᐤ᙮
