5 ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮
ᑭᒋ ᒀᔭᔅᑯ ᐱᒧᑌᔅᑕᐌᑾᒃ ᐊᓂᑭ ᐗᓚᐎᑎᒥᒃ ᑳ ᐃᑖᒋᒃ, ᓀᔥᑕ ᐁᑳ ᑫᒀᓐ ᑭᒋ ᑶᑕᒫᔦᒃ᙮
ᐊᐌᓇ ᐁ ᐃᑕᔑᔦᒃ ᑳ ᑲᑫᑕᐌᓕᑕᒃ ᐃᓕᓕᐤ ᓀᔥᑕ ᐁ ᓵᑲᔅᑭᓀᔅᑳᑯᑦ ᑭᔅᑫᓕᑕᒧᐎᓂᓕᐤ; ᐁᑯᔑ ᑲᑕ ᐙᐸᑎᓕᐌᐤ ᐁ ᒥᓗ ᐃᑖᑎᓰᑦ ᐅᑦ ᐊᑑᔅᑫᐎᓇ ᑲᑫᑕᐌᓕᑕᒧᐎᓂ ᓗᔅᑳᑎᓯᐎᓂᒃ᙮
ᐌᓴ ᑭ ᓇᓇᐃᑕᒧᐎᓂᐗᐤ ᑮ ᐯᒋ ᐅᑎᑎᑯᐗᒃ ᒥᓯᐌ ᐃᓕᓕᐗᒃ᙮ ᐁᐗᑯ ᐅᒋ ᓂ ᓯᑭᓓᓯᓐ ᒫᑲ ᑭᓚᐗᐤ ᐅᒋ: ᑫᔮᐸᒡ ᒫᑲ ᑭ ᓇᑕᐌᓕᒥᑎᓇᐗᐤ ᑭᒋ ᑲᑫᑕᐌᓕᑕᒣᒃ ᐊᓂᒪ ᑳ ᒥᓨᔑᒃ, ᓀᔥᑕ ᑭᒋ ᑲᑫᐹᑎᓯᔦᒃ ᑳ ᒫᓛᑕᒃ ᐅᒋ᙮
ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮
ᒫᑎᑲ, ᑭᑦ ᐃᑎᔕᐅᑎᓇᐗᐤ ᑖᐱᔅᑯᒡ ᒫᓂᔥᒑᓂᔕᒃ ᐃᑕ ᐁ ᐃᑖᓕᒋ ᒪᐃᑲᓇ: ᐁᐗᑯ ᐅᒋ ᓕᑆᑳᒃ ᑖᐱᔅᑯᒡ ᑭᓀᐱᑾᒃ, ᓀᔥᑕ ᓗᔅᐹᑎᓯᒃ ᑖᐱᔅᑯᒡ ᐅᒥᒥᐗᒃ᙮
ᓀᔥᑕ ᒫᑲ, ᑲᑕ ᒥᓗ ᐊᓕᒧᒥᑯ ᐊᓂᐃ ᐗᓚᐎᑎᒥᒃ ᑳ ᐃᑖᓕᒋ, ᒫᔅᑯᒡ ᐅᑐᑫ ᑳᑕ ᐸᑭᔑᓐ ᑭᑐᑎᑯᓯᐎᓂᒃ ᓀᔥᑕ ᐅ ᓇᒀᑲᓂᓕᒃ ᒪᒋᒪᓂᑐᐗ᙮
ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮
ᑮ ᐃᑌᐤ ᒫᑲ, ᑭᓚᐗᐤ ᑭ ᒥᓕᑲᐎᓈᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ: ᒫᑲ ᐊᓂᑭ ᐗᓚᐎᑎᒥᒃ ᑳ ᐃᑖᒋᒃ, ᒥᓯᐌ ᐅᐅ ᑫᒀᓇ ᓇᔅᐱᑐᐌᐎ ᐗᑕᓗᑳᓂᒃ ᑐᑕᒪᐙᐗᒃ:
ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮
ᑖᐱᔅᑯᒡ ᓀᔥᑕ ᑭᓚᐗᐤ ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗᒃ; ᑮᔥᐱᓐ ᐊᐌᓇ ᐁᑳ ᑎᐋᐺᑕᒧᐙᑴ ᐋᔭᒥᐎᓂᓕᐤ, ᐁᑳ ᐁ ᐋᐸᒋᑖᓂᐗᓂᓕᒃ ᐋᔭᒥᐎᓂᓕᐤ, ᑭᒋ ᑲᔥᑭᐃᑯᒋᒃ ᐅᑦ ᐃᔑᐱᒫᑎᓯᐎᓂᓕᐤ ᐎᐎᐙᐗ:
