6 ᑳ ᑮ ᐃᔑ ᐅᑎᓀᒃ ᙭ ᒋᓴᔅ ᐅᑎᐯᓕᒋᑫᐤ, ᐁᑯ ᐃᔑ ᐱᒧᑖᑎᒃ;
ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;
ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮
ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮
ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮
ᐌᓴ ᑖᐺᔦᓕᑕᒧᐎᓐ ᑭᑦ ᐅᒋ ᐱᒧᑕᓈᓇᐤ, ᓇᒪᐎᓚ ᐊᓂᐃ ᐅᒋ ᑳ ᐗᐸᑕᒪᒃ:
ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮
ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮
ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮
ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;
ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮
ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;
ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮
ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᐱᔑᒋᐋᑦ ᐊᐌᓕᐗ ᑫ ᐃᑎᔕᐅᒪᑭ, ᓂ ᐱᔑᒋᐃᒃ ᓂᓚ; ᐊᓇ ᓀᔥᑕ ᑳ ᐱᔑᒋᐃᑦ, ᐱᔑᒋᐁᐤ ᐊᓂᐃ ᑳ ᑮ ᐯᒋᑎᔕᐅᓕᒋ᙮
ᐊᓇ ᑳ ᐅᑎᓂᑖᒃ, ᓂᓚ ᓀᔥᑕ ᓂᑦ ᐅᑎᓂᒃ, ᐊᓇ ᓀᔥᑕ ᑳ ᐅᑎᓂᑦ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ᙮
ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;
ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮
