ᑯᓚᔑᔭᓇ 1:13 - ᐅᔅᑭ ᑎᔅᑌᒥᓐᑦ

¹³ ᑳ ᑮ ᐎᑾᒋᐃᑕᒃ ᐗᓂᑎᐱᔅᑭᓯᐎ ᑳᔥᑭᐅᐎᓐ ᐅᒋ, ᓀᔥᑕ ᑳ ᑮ ᐃᔑᐎᓕᑕᒃ ᐅᑦ ᐅᑭᒪᐎᐎᓂᓕᒃ ᑳ ᓵᑭᐋᑦ ᐅᑯᓯᓴ:

ᑯᓚᔑᔭᓇ 1:13 Referans Kwoze

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᐃᐱᓯᔭᓇ 4:18

ᐁ ᑎᐱᔅᑭᓯᒪᑲᓂᓕᒃ ᐅ ᓂᓯᑐᑕᒧᐎᓂᐗᐤ, ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅᑦ ᐃᔑᐱᒫᑎᓯᐎᓂᓕᐤ ᑲᑫᐹᑎᓯᐎᓂᓕᐤ ᐅᒋ ᑳ ᐱᒋᔅᑳᑯᒋᒃ, ᐁ ᒪᔥᑲᐎᑌᐁᒋᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᓂᔥᑕᒻ ᒑᓐ 3:14

ᑭ ᑭᔅᑫᓕᑌᓈᓇᐤ ᐁ ᑮ ᒥᔮᔥᑲᒪᒃ ᓂᐱᐎᓐ ᐱᒫᑎᓯᐎᓐ ᐁ ᐅᑎᑕᒪᒃ, ᐁ ᓵᑭᐊᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᓂᐱᐎᓂᒃ ᑕᔑᑫᐤ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᓂᔥᑕᒻ ᒑᓐ 2:8

ᒥᓇ, ᐅᔥᑭ ᑲᑫᔅᑴᐎᓐ ᑭ ᒪᓯᓇᐊᒫᑎᓇᐗᐤ: ᐊᓂᒪ ᑳ ᑖᐺᒪᑲᓂᓕᒃ ᐁ ᐱᒋᔅᑳᑯᑦ ᓀᔥᑕ ᑭᓚᐗᐤ ᐁ ᐱᒋᔅᑳᑯᔦᒃ: ᐌᓴ ᐗᓂᑎᐱᔅᑭᓯᐎᓐ ᒫᔭᐎᐸᓕᐤ, ᓀᔥᑕ ᑖᐺ ᐙᓭᔮᓯᐎᓐ ᐊᓄᒡ ᒐᑳᓯᑫᐤ᙮

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮

ᐅᐸᓓᑭᔅ ᓘᒃ 13:24

ᑯᒋ ᐱᑐᑫᒃ ᑳ ᔖᑲᐙᒃ ᐃᔥᒀᑌᒻ; ᐌᓴ ᒥᒉᑦ, ᑭᑦ ᐃᑎᓇᐗᐤ, ᑲᑕ ᐎ ᐱᑐᑫᐗᒃ ᓇᒪᐎᓚ ᒫᑲ ᑲᑕ ᑮ ᑐᑕᒶᒃ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐅᐸᓓᑭᔅ ᓘᒃ 22:53

ᒣᒀᒡ ᑕᑡᐤ ᑲᔑᑲᑭ ᑳ ᐎᒉᐎᑕᑾᒃ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᑭ ᐅᒋ ᔓᐎᓂᔅᑫᓕᓇᐗᐤ ᑭᒋ ᐅᑎᓂᔦᒃ: ᒫᑲ ᐁᐗᑯ ᐅᒪ ᑭᓚᐗᐤ ᑭ ᑎᐹᔨᑲᓂᐗᐤ ᐱᓯᒧᑳᓂᒃ ᓀᔥᑕ ᐁ ᐃᔑ ᑲᔥᑭᐅᒪᑲᒃ ᐗᓂᑎᐱᔅᑭᓯᐎᓐ᙮

ᐅᐸᓓᑭᔅ ᒫᑎᐤ 3:17

ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐃᐱᓯᔭᓇ 1:6

ᑭᒋ ᒫᒥᒋᒋᑳᑌᓕᒃ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᔕᐌᓕᒋᑫᐎᓐ, ᐃᑕ ᑳ ᑮ ᐅᒋ ᐊᔑᑕᑭᒥᑲᐎᔭᒃ ᓯᐋᑭᐋᑲᓂᐎᑦ:

ᐅᐸᓓᑭᔅ ᒫᑎᐤ 17:5

ᒣᒀᒡ ᑫᔮᐸᒡ ᐁ ᐋᔭᒥᐤ, ᒫᑎᑲ, ᐁ ᐙᓭᔮᒃ ᐗᔅᑯ ᑮ ᐊᑳᐙᔅᑌᐅᑯᐗᒃ: ᒫᑎᑲ, ᒫᑲ, ᐯᑖᑯᓯᐎᓐ ᐗᔅᑯᒃ ᐅᒋ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ; ᓇᑐᑖᐎᒃ᙮

ᐅᐸᓓᑭᔅ ᒑᓐ 3:35

ᐅᑖᐎᒪᐤ ᓵᑭᐁᐤ ᐅᑯᓯᓯᒫᐗ, ᓀᔥᑕ ᑮ ᐸᑭᑎᓇᒻ ᒥᓯᐌ ᑫᒀᓇ ᐅᒋᒌᓕᒃ᙮

ᓂᔓ ᑯᕆᓐᑎᐊᓇ 11:14

ᓇᒪᐎᓚ ᒫᑲ ᒫᒪᔅᑳᒡ: ᐌᓴ ᓭᑖᓐ ᑫᒋᐙᒃ ᑴᔅᑭᓈᑯᐃᑎᓱ ᑖᐱᔅᑯᒡ ᐙᔅᑌᐎᓂ ᐁᓐᒐᓪ᙮

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮