ᑯᓚᔑᔭᓇ 1:10 - ᐅᔅᑭ ᑎᔅᑌᒥᓐᑦ

¹⁰ ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᑯᓚᔑᔭᓇ 1:10 Referans Kwoze

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 3:22

ᒥᓯᐌ ᑫᒀᓐ ᒫᑲ ᑳ ᓇᑐᑕᒪᐋᒃ ᑭ ᒥᓕᑯᓇᐤ, ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ, ᓀᔥᑕ ᐁ ᑐᑕᒪᒃ ᐊᓂᐃ ᑫᒀᓇ ᑳ ᒥᓗ ᑲᓇᐙᐸᑕᒃ:

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᓂᔥᑕᒻ ᑌᓴᓗᓂᔭᓇ 4:1

ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᐅᐸᓓᑭᔅ ᒑᓐ 15:8

ᐁᑯᑕ ᒫᑲ ᐌᒋ ᑭᔅᑌᓕᑖᑯᐋᑲᓂᐎᑦ ᓄᑖᐎ, ᑭᒋ ᓂᑖᐎᑭᑖᔦᒃ ᒥᔅᑕᐃ ᒥᓂᔕ; ᐁᑯ ᑫ ᐅ ᑭᔅᑭᓄᐊᒪᐙᑲᓂᒥᑕᑾᒃ᙮

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᐱᑕᕐ 1:8

ᐌᓴ ᑮᔥᐱᓐ ᐅᐅ ᐱᒋᔅᑳᑯᔦᒃ, ᓀᔥᑕ ᒥᒉᑎᒃ, ᑭᑦ ᐃᑐᑖᑯᓇᐗᐤ ᐁᑳ ᑭᒋ ᑭᑎᒥᔦᒃ ᐁᑳ ᓀᔥᑕ ᑭᒋ ᐁᑳᒥᓂᔑᐎᔦᒃ ᑭᒋ ᑭᔅᑫᓕᒣᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᑯᓚᔑᔭᓇ 2:6

ᑳ ᑮ ᐃᔑ ᐅᑎᓀᒃ ᙭ ᒋᓴᔅ ᐅᑎᐯᓕᒋᑫᐤ, ᐁᑯ ᐃᔑ ᐱᒧᑖᑎᒃ;

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᑯᓚᔑᔭᓇ 4:5

ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮

ᐃᐱᓯᔭᓇ 5:15

ᔮᑾᒥᓯᒃ ᒫᑲ ᑭᒋ ᓕᑆᑲᐎ ᐱᒧᑌᔦᒃ, ᓇᒪᐎᓚ ᑖᐱᔅᑯᒡ ᑳ ᑲᑫᐹᑎᓯᒋᒃ, ᒫᑲ ᑖᐱᔅᑯᒡ ᑳ ᑲᑫᑕᐌᓕᑕᑭᒃ,

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᓂᔓ ᑯᕆᓐᑎᐊᓇ 2:14

ᐁᑯᔑ ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᒧᔕᒃ ᑳ ᑐᑖᐎᔭᒥᑦ ᑭᒋ ᔖᑯᒋᐃᐌᔮᒃ ᙭ᑎᒃ, ᓀᔥᑕ ᑳ ᑭᔅᑫᓕᑖᑯᑖᒃ ᐁ ᐃᔑ ᒥᓨᔑᓂᓕᒃ ᐅ ᑭᔅᑫᓕᒥᑯᓯᐎᓐ ᓂᓚᓈᓐ ᐅᒋ ᒥᓯᐌ ᐃᑌ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:4

ᐁᐗᑯ ᐌᒋ ᓇᐃᑳᑲᐎᔭᒃ ᐊᓯᒋ ᐎᓚ ᓯᑲᐋᑖᑫᐎᓐ ᐅᒋ ᓂᐱᐎᓂᒃ ᐃᔑ: ᑖᐱᔅᑯᒡ ᙭ ᐁ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ ᐅᑖᐎᒪᐤ ᐅ ᓱᑳᑎᓯᐎᓂᓕᐤ, ᐁᑯ ᓀᔥᑕ ᑭᓚᓈᓇᐤ ᑭᒋ ᐱᒧᑌᔭᒃ ᐅᔥᑭ ᐱᒫᑎᓯᐎᓂᒃ᙮

ᐃᐱᓯᔭᓇ 5:10

ᐁ ᑯᒋ ᑭᔅᑫᓕᑕᒣᒃ ᐊᓂᒪ ᑳ ᓇᐃᓚᐌᐃᑯᑦ ᐅᑎᐯᓕᒋᑫᐤ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑕᐃᑕᔅ 3:1

ᑭᔅᑭᓯᑐᑕᒥᐃᒃ ᑭᒋ ᓇᓇᐃᑕᑭᒃ ᑎᐯᓕᒋᑫᐎᓇ ᓀᔥᑕ ᓱᑳᑎᓯᐎᓇ, ᑭᒋ ᓇᓇᐃᑕᐙᒋᒃ ᐅᓚᔓᐌᐎᑭᒪᐗ, ᑭᒋ ᐎ ᑐᑕᑭᒃ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ,

ᑯᓚᔑᔭᓇ 3:20

ᐊᐙᔑᔑᑐᒃ, ᓇᓇᐃᑖᑯᒃ ᑭ ᓂᑭᐃᑯᐗᐗᒃ ᒥᓯᐌ ᐃᔑ, ᐌᓴ ᐁᐗᑴᓕᐤ ᓈᔅᐱᒡ ᒥᓜᓕᑕᒻ ᐅᑎᐯᓕᒋᑫᐤ᙮

ᐃᐱᓯᔭᓇ 4:13

ᐹᑎᒫ ᒥᓯᐌ ᐁ ᐃᑕᔑᔭᒃ ᐅᑎᑕᒪᑴ ᒫᒪᐎ ᑖᐺᔦᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᔅᑫᓂᒥᒪᑴ ᑭᒋᒪᓂᑐ ᐅᑯᓯᓴ, ᑭᒋ ᐅᑎᑕᒪᒃ ᑭᔑᓂᑖᐎᑭᐎ ᐃᓕᓕᐎᐎᓐ, ᒥᑐᓂ ᐁ ᐃᔅᐱ ᑎᑭᑎᑦ ᙭:

ᐦᐃᑉᕉᐗ 11:5

ᑖᐺᔦᓕᑕᒧᐎᓐ ᐅᒋ ᐃᓇᒃ ᑮ ᐹᔑᑯᓈᑯᐊᐤ ᐁᑳ ᑭᒋ ᐙᐸᑕᒃ ᓂᐱᐎᓂᓕᐤ; ᓇᒪ ᒫᑲ ᑮ ᒥᔅᑲᐗᐤ, ᐁ ᑮ ᐹᔑᑯᓈᑯᐃᑯᑦ ᑭᒋᒪᓂᑐᐗ: ᐌᓴ ᐸᒧᔑ ᑮ ᐹᔑᑯᓈᑯᐋᑲᓂᐎᑦ ᑮ ᐋᔭᐤ ᐅᒣᓕᐤ ᐃᑕᒋᒧᐎᓂᓕᐤ, ᐁ ᑮ ᓇᐃᓚᐌᐋᑦ ᑭᒋᒪᓂᑐᐗ᙮

ᓂᔓ ᑎᒧᑎ 2:4

ᓇᒪᐎᓚ ᐊᐌᓇ ᑳ ᓄᑎᓂᑫᑦ ᓴᑭᒋᓂᑎᓱ ᐁ ᐃᔑ ᐋᔭᐱᑎᓯᓈᓂᐗᒃ ᐊᓄᒡ ᐁ ᐱᒫᑎᓯᓈᓂᐗᒃ; ᑭᒋ ᓇᐃᓚᐌᐋᑦ ᐊᓂᐃ ᑳ ᑮ ᐙᐌᓛᐸᒥᑯᑦ ᑭᒋ ᐅᓄᑎᓂᑫᐎᑦ᙮

ᑯᓚᔑᔭᓇ 2:19

ᐁᑳ ᒫᑲ ᐁ ᒥᒋᒥᓇᒃ ᒥᔅᑎᒀᓐ, ᐊᓂᒪ ᐅᒋ ᒥᓯᐌ ᒥᔭᐤ ᐋᓂᔅᑲᐎᑲᓇᓇ ᐅᒋ ᓀᔥᑕ ᐸᔅᑫᓯᐎᓇ ᐁ ᐊᓯᒋᑳᑌᒃ, ᓀᔥᑕ ᐁ ᒪᒪᐎᐱᒋᑳᑌᒃ, ᓚᑭᐸᓕᐤ ᑭᒋᒪᓂᑐ ᐅ ᓚᑭᐃᐌᐎᓐ ᐅᒋ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᐃᐱᓯᔭᓇ 1:17

ᐅ ᑭᒋᒪᓂᑐᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᐅᑖᐎᒥᑯᑦ ᑭᔅᑌᓕᑖᑯᓯᐎᓂᓕᐤ, ᑭᒋ ᒥᓕᑕᒃ ᑲᑫᑕᐌᓕᑕᒧᐎᓂ ᓀᔥᑕ ᑭᔅᑌᓕᑖᑯᑖᑫᐎᓂ ᐊᒑᑾ ᑭᒋ ᑭᔅᑫᓕᒣᒃ:

ᓂᔓ ᑯᕆᓐᑎᐊᓇ 9:8

ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ:

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:12

ᓀᔥᑕ ᐅᑦ ᐊᐙᔑᒥᔑᒥᒫᔥ ᑭᔅᑭᓄᐙᒋᔔᐎᓐ ᐅᒋ ᐊᓂᐃ ᓀᔥᑕ ᐁᑳ ᐱᑯ ᑳ ᑭᔅᑭᓄᐙᒋᔣᑲᓂᐎᓕᒋ, ᒫᑲ ᑳ ᐱᒧᑌᓕᒋ ᓀᔥᑕ ᐊᓂᐁᓕᐤ ᑖᐺᔦᓕᑕᒧᐎ ᐃᑖᑎᓯᐎᓂᒃ ᑯᑖᐎᓇᐤ ᐁᑉᕃᐋᒻ ᑳ ᑮ ᐋᔮᑦ ᐁᔥᒀ ᐁ ᑭᔅᑭᓄᐙᒋᔣᑲᓂᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:13

ᓇᒪᐎᓚ ᑭ ᓇᑕᐌᓕᒥᑎᓇᐗᐤ, ᓂᒋᔖᓂᑐᒃ, ᑭᒋ ᐁᑳ ᑭᔅᑫᓕᑕᒣᒃ ᒥᒉᑡᐤ ᐁ ᑮ ᐃᑌᓕᑕᒫᓐ ᑭᒋ ᐯᒋ ᓈᑎᑖᑾᒃ, ᒫᑲ ᐊᓄᒡ ᐃᔅᑯ ᓂ ᑮ ᐅᒋᐃᑲᐎᓐ, ᑭᒋ ᑮ ᐋᔮᔮᓐ ᑳ ᒥᓂᔑᐎᔦᒃ ᑭᓚᐗᐤ ᐊᓯᒋ, ᑖᐱᔅᑯᒡ ᑯᑕᑭᔭᒃ ᒉᓐᑖᐃᓕᒃ᙮

ᓂᔓ ᑯᕆᓐᑎᐊᓇ 5:9

ᐁᐗᑯ ᐌᒋ ᑯᒋᑖᔭᒃ, ᑮᔥᐱᓐ ᐁ ᓄᑯᓯᔮᒃ ᓀᔥᑕᐱᑯ ᐁ ᐃᑖᐱᒋᔭᒃ, ᑭᒋ ᐃᔑ ᐅᑎᓂᑕᒃ᙮

ᓂᔅᑐ ᒑᓐ 1:6

ᑳ ᑮ ᐃᑖᒋᒧᔅᑕᐙᒋᒃ ᑭ ᓵᑭᐃᐌᐎᓂᓕᐤ ᒫᒪᐎᐋᔭᒥᐋᐗ: ᐊᓂᑭ ᑮᔥᐱᓐ ᐎᒋᐊᑡᐗ ᐁ ᐱᒥᐱᒋᒋᒃ ᐁ ᐃᔑ ᐃᑌᓕᑕᒃ ᑭᒋᒪᓂᑐ, ᑭ ᑳ ᒥᓗᑐᑌᓐ: