8 ᓵᓪ ᒫᑲ ᑮ ᐗᓂᔥᑳᐤ ᐊᔅᑭᒃ ᐅᒋ; ᓀᔥᑕ ᐃᔅᐱ ᑳ ᐋᐸᐊᒃ ᐅᔅᑭᔑᑾ, ᓇᒪᐎᓚ ᐊᐌᓕᐗ ᑮ ᐙᐸᒣᐤ: ᒫᑲ ᑮ ᓴᑭᓂᔅᑫᑕᐁᐗᒃ, ᓀᔥᑕ ᑮ ᐯᔑᐌᐗᐤ ᐊᓐᑕ ᑕᒫᔅᑲᓯᒃ᙮
ᐃᔅᐱ ᒫᑲ ᐁᑳ ᑳ ᐙᐱᔮᓐ ᐁᔅᐱᒋ ᑭᔅᑌᓕᑖᑾᒃ ᐊᓂᒪ ᐙᔅᑌᐎᓐ, ᐁ ᐱᒥᓴᑭᓂᔅᑫᓂᒋᒃ ᐊᓂᑭ ᑳ ᑮ ᐎᒉᐎᒋᒃ, ᓂ ᑮ ᐯᒋ ᑕᑯᔑᓂᓐ ᑕᒫᔅᑲᓯᒃ᙮
ᑣᔦᒃ ᒫᑲ ᑮ ᐸᑭᑎᓂᓕᐗ ᐅᔅᑭᔑᑯᒃ ᐅᒋ ᑫᒀᓐ ᑖᐱᔅᑯᒡ ᐗᓚᐊᑳᔭᒃ ᐁ ᐃᔑᓇᑾᓂᓕᑭ; ᑣᔦᒃ ᑮ ᐙᐱᐤ ᒫᑲ, ᓀᔥᑕ ᑮ ᐸᓯᑯ ᓀᔥᑕ ᑮ ᓯᑲᐊᑕᐙᑲᓂᐎᐤ᙮
ᐊᓄᒡ ᒫᑲ, ᒫᑎᑲ, ᐅᒋᒋ ᐅᑎᐯᓕᒋᑫᐤ ᑮ ᐹᑕᑯᔥᑳᑯᐙᓐ, ᓀᔥᑕ ᓇᒪᐎᓚ ᑮ ᑳ ᐙᐱᓐ, ᓄᒪᑫᔥ ᐁᑳ ᐁ ᐙᐸᒪᑦ ᐱᓯᒻ᙮ ᑣᔦᒃ ᒫᑲ ᑮ ᐅᑎᑎᑯ ᐁ ᐱᑭᔐᔮᓕᒃ ᓀᔥᑕ ᐁ ᐗᓂᑎᐱᔅᑳᓕᒃ; ᑮ ᐸᐹᒧᑌᐤ ᒫᑲ ᐁ ᓈᓇᑐᓇᐙᑦ ᐊᐌᓕᐗ ᑭᒋ ᑕᑯᓂᔅᑫᑖᐃᑯᑦ᙮
ᓂᔅᑐ ᑭᔑᑳᐗ ᒫᑲ ᓇᒪᐎᓚ ᑮ ᐙᐱᐤ, ᓇᒪᐎᓚ ᓀᔥᑕᐯᑯ ᒥᓂᑴᐤ᙮
ᑕᒫᔅᑲᓯᒃ ᐊᓇ ᑳ ᑮ ᑎᐯᓕᑕᒥᐃᑯᑦ ᐊᕆᑕᓴ ᑭᒋᐅᑭᒪᐗ, ᑮ ᑲᓇᐌᓕᑕᒬᐤ ᐊᓂᐃ ᑖᒪᓯᓇᒃ ᐅᑦ ᐃᑖᐎᓂᓕᐗ ᐁ ᐋᔭᐙᑦ ᓇᑐᐸᓕᐎᓕᓕᐗ, ᐁ ᐎ ᐅᑎᓂᑦ:
ᓇᒪ ᓀᔥᑕ ᓂ ᑮ ᐃᑐᑖᓐ ᒋᕉᓴᓚᒥᒃ, ᑭᒋ ᓈᑕᑭᒃ ᐊᓂᑭ ᑳ ᑮ ᐊᐸᔅᑕᓕᐎᒋᒃ ᐸᒧᔑ ᓂᓚ; ᒫᑲ ᓂ ᑮ ᐃᑐᑖᓐ ᐊᕃᐱᔭᐱᒃ, ᒥᓇ ᒫᑲ ᓂ ᑮ ᐯᒋ ᑭᐙᓐ ᑕᒫᔅᑲᓯᒃ᙮