28 ᓀᔥᑕ ᑮ ᐗᐎᒉᐌᐤ ᐁ ᐸᐱᑐᑫᓕᒋ ᓀᔥᑕ ᐁ ᐙᐗᓚᐎᓕᒋ ᐊᓐᑕ ᒋᕉᓴᓚᒥᒃ᙮
ᐁᐗᑯ ᐅᒋ ᐅᑯ ᐃᓕᓕᐗᒃ ᑳ ᐎᒉᐎᑕᑾᒃ ᒧᔕᒃ ᒣᒀᒡ ᐅᑎᐯᓕᒋᑫᐤ ᒋᓴᔅ ᑳ ᐎᒋᐱᑐᑫᒥᑕᒃ ᓀᔥᑕ ᑳ ᐎᒋᐗᓚᐎᒥᑕᒃ,
ᑳ ᐳᓂ ᓂᔅᑐ ᐱᐴᒃ ᒫᑲ ᒋᕉᓴᓚᒥᒃ ᓂ ᑮ ᐃᑐᑖᓐ ᐁ ᓇᑕᐙᐸᒪᒃ ᐱᑕᕐ, ᓂ ᑮ ᐎᒋᑕᔑᑫᒪᐤ ᒫᑲ ᓂᔮᓚᓗᔖᐳ ᑭᔑᑳᐗ᙮
ᓂᓚ ᐁᐗᑯ ᐃᔥᒀᑌᒻ: ᑮᔥᐱᓐ ᐊᐌᓇ ᓂᓚ ᐅᒋ ᐱᑐᑫᑌ, ᑲᑕ ᐱᒫᒋᐋᑲᓂᐎᐤ, ᑲᑕ ᐱᑐᑫᐤ ᒫᑲ ᓀᔥᑕ ᑲᑕ ᐗᓚᐎᐤ, ᑲᑕ ᒥᔅᑲᒻ ᒫᑲ ᒥᒋᓱᐎᓂᓕᐤ᙮
ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮
ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮
ᑮ ᓱᑫᓕᒧᐎ ᐋᔭᒥᐤ ᒫᑲ ᐅᑎᐯᓕᒋᑫᐗ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᐁ ᑮ ᐊᔮᔑᑌᒫᑦ ᐊᓂᐃ ᒃᕆᔑᔭᓇ; ᒫᑲ ᑮ ᐸᐹᐃᑐᑌᐗᒃ ᑭᒋ ᓂᐸᐋᒋᒃ᙮
