ᐊᐸᔅᑕᓚᒃ 7:35 - ᐅᔅᑭ ᑎᔅᑌᒥᓐᑦ

³⁵ ᐊᐗ ᒧᓯᔅ, ᑳ ᑮ ᐋᑕᐌᓕᒫᒋᒃ, ᐁ ᐃᑌᒋᒃ, ᐊᐌᓇ ᑳ ᐃᔑᐃᔉ ᑭᒋ ᑎᐯᓕᒋᑫᔭᓐ ᓀᔥᑕ ᑭᒋ ᑎᐹᔅᑯᓂᑫᔭᓐ? ᐁᐗᒀᓂᐃ ᑭᒋᒪᓂᑐ ᑮ ᐃᔑᑎᔕᐌᐤ ᑭᒋ ᑎᐯᓕᒋᑫᓕᒋ ᓀᔥᑕ ᑭᒋ ᐱᒫᒋᐃᐌᓕᑭ ᐅᒋᒋᓕᐤ ᐅᒋ ᐊᓇ ᐁᓐᒐᓪ ᑳ ᑮ ᓄᑯᓯᔅᑖᑯᑦ ᐱᔅᑯᑯᐹᒃ᙮

ᐊᐸᔅᑕᓚᒃ 7:35 Referans Kwoze

ᐅᐸᓓᑭᔅ ᓘᒃ 19:14

ᐅᑦ ᐃᑖᐎᓂᓕᓕᒪ ᒫᑲ ᑮ ᐸᒀᑎᑯ, ᓀᔥᑕ ᑮ ᐸᑯᓇᐎᐃᑎᑯ, ᐁ ᐃᑗᓕᒋ, ᓇᒪᐎᓚ ᓂ ᓇᑕᐌᓕᒫᓈᓐ ᐊᐗ ᐃᓕᓕᐤ ᑭᒋ ᑎᐯᓕᒥᔭᒥᑦ᙮

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᐦᐃᑉᕉᐗ 2:2

ᐌᓴ ᑮᔥᐱᓐ ᐊᓂᒪ ᐊᔭᒥᐎᓐ ᑳ ᑮ ᐃᑗᒋᒃ ᐁᓐᒐᓚᒃ ᑮ ᒪᔥᑲᐗᔅᑌᒃ, ᓀᔥᑕ ᒥᓯᐌ ᑕᑐ ᐗᓂᑐᑕᒧᐎᓐ ᓀᔥᑕ ᔑᐱᑕᒧᐎᓐ ᑮ ᐅᑎᓇᒧᒪᑲᒃ ᑳ ᐃᔑ ᑲᔥᑭᑕᒫᓱᒪᑲᒃ ᑎᐸᐊᒫᑫᐎᓐ;

ᑯᓚᔑᔭᓇ 1:15

ᐊᓇ ᑳ ᓇᔅᐱᑕᐙᑦ ᐁᑳ ᑳ ᓄᑯᓯᓕᒋ ᑭᒋᒪᓂᑐᐗ, ᐊᓇ ᑳ ᓂᔥᑕᒧᔖᓂᐎᑦ ᒥᓯᐌ ᑳ ᐅᔑᐃᒥᑦ:

ᐊᐸᔅᑕᓚᒃ 7:51

ᑭᓚᐗᐤ ᑳ ᓵᓯᐱᑕᒣᒃ ᓀᔥᑕ ᐁᑳ ᑳ ᑭᔅᑭᓄᐗᒋᔓᑳᐎᔦᒃ ᑭᑌᐃᐗᒃ ᓀᔥᑕ ᑭᑕᐗᑳᐗᒃ, ᒧᔕᒃ ᑮ ᓇᔅᑯᔅᑕᐙᐗᐤ ᑳ ᐸᓓᑭᓯᑦ ᐊᒑᒃ; ᑖᐱᔅᑯᒡ ᑯᑖᐎᐙᐗᒃ ᑳ ᑮ ᑑᑕᑭᒃ, ᐁᒀᓂ ᑭᓚᐗᐤ ᓀᔥᑕ ᐁ ᑑᑕᒣᒃ᙮

ᐊᐸᔅᑕᓚᒃ 7:30

ᐃᔅᐱ ᒫᑲ ᓀᒥᑕᓇᐤ ᐱᐳᓋ ᑳ ᐃᔥᒀᐸᓕᑭ, ᑮ ᓄᑯᓯᔅᑖᑯ ᐊᓐᑕ ᐁ ᐸᑾᑕᔅᑲᒥᑳᒃ ᓵᐃᓈᐃ ᐗᒋᒃ ᑳ ᑎᐯᓕᒋᑫᑦ ᐅᑦ ᐁᓐᒐᓕᒪ, ᐱᒋ ᐃᔥᑯᑌᒃ ᐁ ᐗᓚᑌᓕᒃ ᐱᔅᑯᑯᐹᒃ᙮

ᐊᐸᔅᑕᓚᒃ 5:31

ᐁᐗᒀᓂᐃ ᑭᒋᒪᓂᑐ ᑳ ᑮ ᑭᔅᑌᓕᑖᑯᐋᑦ ᐅ ᑭᒋᓂᔉ ᐅᒋ ᑭᒋ ᐅᑭᒪᐎᓕᑭ ᓀᔥᑕ ᑭᒋ ᐱᒫᒋᐃᐌᓕᒋ, ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᐃᔅᕃᐃᓚ ᓀᔥᑕ ᐁ ᐌᐯᓕᒋᑲᑌᓕᑭ ᒪᒋᑣᐎᓇ᙮

ᐊᐸᔅᑕᓚᒃ 3:22

ᐌᓴ ᒧᓯᔅ ᑖᐺ ᑮ ᐃᑌᐤ ᐌᔅᑲᒡ ᐅᑖᐎᒫᐗ, ᐅᑭᔅᑭᐗᐃᑫᐗ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔖᓂᐗᐙ ᐅᒋ, ᑫ ᓇᔅᐱᑕᐎᑦ; ᐁᐗᑯ ᑫ ᐱᔑᒋᐁᒃ ᒥᓯᐌ ᑫᒀᓇ ᐅᒋ, ᐱᑯ ᑫ ᐃᔑ ᐎᑕᒫᑖᒃ᙮

ᐊᐸᔅᑕᓚᒃ 2:36

ᐁᐗᑯ ᐅᒋ ᐁᑯᔑ ᒥᓯᐌ ᐃᔅᕃᐃᓪ ᐅᑦ ᐊᐙᔑᒥᔕ ᑫᒋᓈᔥ ᑲᑕ ᑭᔅᑫᓕᑕᒸᒃ, ᑭᒋᒪᓂᑐ ᐁ ᑮ ᑑᑕᐙᑦ ᐊᓂᐃ ᑫᔮᐸᒡ ᒋᓴᓴ, ᐊᓇ ᑳ ᑮ ᒋᔅᑖᔅᑾᐌᒃ, ᑭᒋ ᑎᐯᓕᒋᑫᑦ, ᓀᔥᑕ ᑭᒋ ᙭ᑎᐎᑦ᙮

ᐅᐸᓓᑭᔅ ᒑᓐ 19:15

ᒫᑲ ᑮ ᑌᐺᐗᒃ, ᑭᑐᑖᔾ, ᑭᑐᑖᔾ, ᒌᔅᑖᔅᑾᐤ᙮ ᐹᐃᓚᑦ ᐃᑌᐤ, ᓂ ᑳ ᒌᔅᑖᔅᑾᐗᐤ ᓈ ᑭ ᑭᒋᐅᑭᒫᒥᐗᐤ? ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᓚ ᑯᑕᒃ ᑭᒋᐅᑭᒪᐤ ᓂᑦ ᐋᔭᐙᓈᓐ ᐱᑯ ᓯᓴᕐ᙮

ᐅᐸᓓᑭᔅ ᒑᓐ 18:40

ᐁᑯ ᒥᓇ ᒥᓯᐌ ᑎᐁᐺᒋᒃ, ᐁ ᐃᑗᒋᒃ, ᓇᒪᐎᓚ ᐊᐗ ᐃᓕᓕᐤ, ᒫᑲ ᐹᕌᐸᔅ᙮ ᑮ ᒪᔅᑲᑗᔅᑭᐤ ᒫᑲ ᐸᕌᐸᔅ᙮

ᐅᐸᓓᑭᔅ ᒫᕐᒃ 12:26

ᒫᑲ ᑖᐺ ᐁ ᐙᓂᔥᑳᒋᒃ ᑳ ᓂᐱᒋᒃ; ᓇᒪ ᓈ ᑭ ᐅᒋ ᐋᔭᒥᑖᓇᐗᐤ ᒧᓯᔅ ᐅ ᒪᓯᓇᐃᑲᓂᒃ, ᑳ ᐃᔑ ᐋᔭᒥᐃᑯᑦ ᐱᔅᑯᑯᐹᒃ, ᐁ ᐃᑎᑯᑦ, ᓂᓚ ᓂᑦ ᐋᐐᓐ ᐁᑉᕃᐋᒻ ᐅ ᑭᒋᒪᓂᑐᒪ, ᓀᔥᑕ ᐋᐃᓯᒃ ᐅ ᑭᒋᒪᓂᑐᒪ, ᓀᔥᑕ ᒉᑲᑉ ᐅ ᑭᒋᒪᓂᑐᒪ?