4 ᒫᑲ ᓂᓚᓈᓐ ᓂ ᑳ ᐸᑭᑎᓂᑎᓱᓈᓐ ᑕᑭᓀ ᑭᒋ ᐋᔭᒥᐋᔮᒃ, ᓀᔥᑕ ᑭᒋ ᑎᐹᑐᑕᒫᒃ ᐋᔭᒥᐎᓐ᙮
ᒥᓯᐌ ᐅᑯ ᑮ ᒫᒪᐎᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐁ ᐋᔭᒥᐋᒋᒃ ᓀᔥᑕ ᐁ ᓇᑐᑕᒫᑫᒋᒃ, ᐊᓯᒋ ᐊᓂᑭ ᐃᔅᑴᐗᒃ, ᓀᔥᑕ ᒣᕆ ᐅᑳᐎᔭ ᒋᓴᔅ, ᓀᔥᑕ ᐎᒋᔖᓇ ᐊᓯᒋ᙮
ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮
ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮
ᐌᓴ ᑭᒋᒪᓂᑐ ᓂ ᑭᔅᑫᓕᒥᒃ, ᐊᓇ ᓂᑦ ᐊᒐᑯᒃ ᑳ ᐅᒋ ᐊᑖᔅᑲᐗᒃ ᐅ ᒥᓗᐋᒋᒧᐎᓂᓕᒃ ᐅᑯᓯᓴ, ᐁᑳ ᐁ ᐳᓂᔮᓐ ᒧᔕᒃ ᐁ ᐋᔭᒥᐁᔅᑕᒫᑕᑾᒃ;
ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮
ᐌᓴ ᓂ ᓇᑕᐌᓕᑌᓐ ᑭᑭ ᑭᔅᑫᓕᑕᒣᒃ ᐁᔅᐱᒋ ᓈᔅᐱᒡ ᑯᔅᐸᓀᓕᑕᒫᑕᑾᒃ, ᐊᓂᑭ ᓀᔥᑕ ᓓᐅᑕᓯᐊᐃᒃ ᑳ ᐃᑖᒋᒃ, ᓀᔥᑕ ᒥᓯᐌ ᐊᓂᑭ ᐁᑳ ᑳ ᑮ ᐙᐸᒥᒋᒃ ᓂ ᐎᔮᓯᒃ;
ᒧᔕᒃ ᑕᑡᐤ ᐁ ᐋᔭᒥᐁᔅᑕᒫᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᓇᑐᑕᒫᑫᔮᓐ ᒥᓚᐙᑕᒧᐎᓂᒃ,
ᐌᓴ ᐋᑕ ᐁ ᐙᐎᑕᒫᓐ ᒥᓗᐋᒋᒧᐎᓐ ᓇᒪᐎᓚ ᑫᒀᓐ ᓂᑦ ᐋᔮᓐ ᑫ ᐅᒋ ᒫᒪᑖᑯᒧᔮᓐ: ᐌᓴ ᐅᒋᑕᐤ ᓂ ᑐᑌᓐ; ᐁᐁ, ᓂ ᑳ ᑲᒀᑕᓰᓐ, ᑮᔥᐱᓐ ᐁᑳ ᐙᐎᑕᒫᓐ ᒥᓗᐋᒋᒧᐎᓐ᙮
ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮
ᑮ ᐃᑭᓐ ᒫᑲ, ᐎᐸᒡ ᐁ ᑮ ᑎᐱᐸᓕᓕᑭ ᑭᔑᑳᐗ ᐃᔥᐱᔥ ᑭᒋ ᐋᐸᑎᓯᑦ, ᑮ ᓇᑕᐎ ᐃᑐᑌᐤ ᑎᐱᓚᐌ ᐎᑭᒃ᙮
