20 ᑲᑕ ᐯᒋᑎᔕᐌᐤ ᒫᑲ ᒋᓴᔅ ᙭ᑕ, ᐊᓇ ᐋᔕᔾ ᑳ ᑮ ᐋᓕᒧᑕᒫᑲᐎᔦᒃ:
ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮
ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:
ᐁᑳ ᐎᐸᒡ ᑭᒋ ᑶᑕᐎᐃᑌᓕᑕᒣᒃ ᑭ ᒥᑐᓀᓕᒋᑲᓂᐙᒃ, ᐁᑳ ᓀᔥᑕ ᑭᒋ ᒥᑯᔥᑳᑌᓕᑕᒣᒃ, ᓇᒪᐎᓚ ᐊᒑᒃ ᐅᒋ, ᓇᒪ ᓀᔥᑕ ᐋᔭᒥᐎᓐ ᐅᒋ, ᓇᒪ ᓀᔥᑕ ᒪᓯᓇᐃᑫᐎᓐ ᓂᓚᓈᓐ ᐅᒋ, ᑖᐱᔅᑯᒡ ᐁ ᐯᔓᓈᑾᓂᓕᒃ ᙭ ᐅ ᑭᔑᑳᒻ᙮
ᒣᒀᒡ ᒫᑲ ᐱᐁᑕᒥᓕᒋ ᐅᐅ ᑫᒀᓇ, ᑮ ᑕᑯᑕᐤ ᓀᔥᑕ ᑮ ᐃᑗᐤ ᓇᔅᐱᑐᐌᐎ ᐋᑕᓗᑳᓂᓕᐤ, ᐯᔓᒡ ᒋᕉᓴᓚᒥᒃ ᐁ ᐃᑖᑦ, ᓀᔥᑕ ᐁ ᐃᑌᓕᑕᒥᓕᒋ ᑭᒋᒪᓂᑐ ᐅᑦ ᐅᑭᒫᐎᐎᓐ ᐎᐸᒡ ᑭᒋ ᓄᑾᓂᓕᒃ᙮
ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮
ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮
ᐁᑯ ᒫᑲ ᑫ ᐙᐸᒫᒋᒃ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐗᔅᑯᒃ, ᑲᔥᑭᐅᐎᓂᒃ ᓀᔥᑕ ᑭᒋ ᑭᔅᑌᓕᑖᑯᓯᐎᓂᒃ᙮
ᐁᑯ ᒫᑲ ᑫ ᐙᐸᒫᒋᒃ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐗᔅᑯᒃ, ᑭᒋ ᑲᔥᑭᐅᐎᓂᒃ ᓀᔥᑕ ᑭᔅᑌᓕᑖᑯᓯᐎᓂᒃ᙮
ᒣᒀᒡ ᒫᑲ ᐁ ᐊᐱᑦ ᐊᓕᑉᔅ ᐗᒌᒃ, ᑭᒧᒡ ᑮ ᐯᒋ ᓈᑎᑯ ᑭᔅᑭᓄᐊᒪᐗᑲᓇ, ᐁ ᐃᑎᑯᑦ, ᐎᑕᒫᐎᓈᓐ, ᑖᓂᔅᐱ ᑫ ᐃᑭᑭ ᐅᐅ ᑫᒀᓇ? ᓀᔥᑕ ᑫᑯ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᐅᒋ ᑭᔅᑫᓕᑖᑾᒃ ᑭᒋ ᑕᑯᔑᓂᔭᓐ, ᓀᔥᑕ ᑭᒋ ᐃᔥᒀᐸᓕᒃ ᐊᔅᑭ?
ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮
ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;
ᐊᓇ ᑭᒋᑭᔑᑰᒃ ᒫᑲ ᑫ ᐃᑖᑦ ᐱᓕᔥ ᐅᑎᒋᐸᓕᑫ ᑭᒋ ᐅᔥᑭᑖᓂᐗᑭ ᒥᓯᐌ ᑫᒀᓇ, ᑳ ᐃᔑ ᐋᔭᒥᑦ ᑭᒋᒪᓂᑕ ᐅᑐᓂᐙᒃ ᐅᒋ ᒥᓯᐌ ᐅ ᐸᓓᑭ ᑭᔅᑭᓄᐊᒪᑫᐎᓕᓕᒪ ᐃᔅᑯᓈᒃ ᑳ ᒫᒋ ᐊᔅᑭᐗᒃ᙮
