ᐊᐸᔅᑕᓚᒃ 26:5 - ᐅᔅᑭ ᑎᔅᑌᒥᓐᑦ

⁵ ᐊᓂᑭ ᐌᔅᑲᒡ ᑳ ᑮ ᐅᒋ ᑭᔅᑫᓕᒥᒋᒃ, ᑮᔥᐱᓐ ᑫ ᐎ ᑎᐹᒋᒧᒀᐌ, ᑖᐱᔅᑯᒡ ᐁ ᐃᑎᒋᒃ ᑳ ᒫᐗᒋ ᔮᒀᒥᓯᒋᒃ ᓂᑦ ᐋᔭᒥᐋᐎᓂᓈᒃ ᓂ ᑮ ᐹᕋᓯᐎ ᐃᑖᑎᓰᓐ᙮

ᐊᐸᔅᑕᓚᒃ 26:5 Referans Kwoze

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 22:3

ᓂᓚ ᑖᐺ ᓂᑦ ᐃᓕᓕᐎᓐ ᐁ ᒎᐎᔮᓐ, ᑳ ᓂᑖᐎᑭᔮᓐ ᑖᕐᓴᓯᒃ, ᐃᑖᐎᓐ ᓯᓕᓯᔭᐃᒃ, ᒫᑲ ᐅᒪ ᐃᑖᐎᓂᒃ ᐁ ᑮ ᐅᐱᑭᐃᑳᐎᔮᓐ, ᐅᓯᑎᒃ ᑲᒣᓕᔭᓪ, ᓀᔥᑕ ᐁ ᑮ ᑭᔅᑭᓄᐊᒫᑲᐎᔮᓐ ᒬᒋ ᑳ ᐃᑕᔅᑌᓕᒃ ᐅᑦ ᐅᓚᔓᐌᐎᓂᐗᐤ ᐅᑖᐎᒫᐗᒃ, ᓀᔥᑕ ᓂ ᑮ ᒪᔥᑲᐌᓕᒪᐤ ᑭᒋᒪᓂᑐ, ᑖᐱᔅᑯᒡ ᐁ ᐃᑎᔦᒃ ᒥᓯᐌ ᐁ ᐃᑕᔑᔦᒃ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 24:5

ᐌᓴ ᓂ ᑮ ᒥᔅᑲᐙᓈᓐ ᐊᐗ ᐃᓕᓕᐤ ᐁ ᒪᒋ ᐃᓕᓕᐎᑦ, ᓀᔥᑕ ᐁ ᔑᑭᒥᐌᑦ ᒫᓓᓕᒋᑫᐎᓂᓕᐤ ᒥᓯᐌ ᐃᑕ ᐁ ᐃᑖᓕᒋ ᒎᐗ ᒥᓯᐌ ᐊᔅᑮᒃ, ᓀᔥᑕ ᑳ ᓂᑳᓄᑕᐙᑦ ᐊᓂᐃ ᓈᓴᕆᓇ:

ᐊᐸᔅᑕᓚᒃ 22:5

ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᓂᑦ ᐃᑖᒋᒥᒃ, ᐊᓯᒋ ᓀᔥᑕ ᒥᓯᐌ ᐊᓂᑭ ᑳ ᓂᑳᓀᓕᑖᑯᓯᒋᒃ: ᐎᓚᐗᐤ ᓀᔥᑕ ᓂ ᑮ ᒥᓕᑾᒃ ᒪᓯᓇᐊᒫᑐᐎᓇ ᐁ ᐃᔑ ᒪᓯᓇᐊᒫᒋᒃ ᐊᓂᑭ ᑳ ᐎᒋᔖᓂᑐᒋᒃ, ᓀᔥᑕ ᐊᓐᑕ ᑕᒫᔅᑲᔅ ᓂ ᑮ ᐃᑐᑖᓐ, ᑭᒋ ᐯᔑᐗᑭᒃ ᐊᓂᑭ ᐁᑯᑕ ᑳ ᒫᒫᒋᑯᐱᓱᒋᒃ ᒋᕉᓴᓚᒥᒃ ᐃᔑ ᑭᒋ ᑲᒀᑕᑭᐋᑲᓂᐎᒋᒃ᙮

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 15:5

ᒫᑲ ᑮ ᐸᓯᑯᐗᒃ ᐋᑎᑦ ᑳ ᐎᒉᐗᒋᒃ ᐹᕋᓯᔭ ᑳ ᑖᐺᑕᑭᒃ, ᐁ ᐃᑗᒋᒃ, ᐁ ᓇᑕᐌᓕᑖᑾᒃ ᑭᒋ ᑭᔅᑭᓄᐗᒋᔣᑲᓂᐎᒋᒃ, ᓀᔥᑕ ᑭᒋ ᐃᑕᔓᐙᑎᒋᒃ ᑭᒋ ᑲᓇᐌᓕᑕᒸᒋᒃ ᒧᓯᔅ ᐅᑦ ᐅᓚᔓᐌᐎᓂᓕᐤ᙮