ᐊᐸᔅᑕᓚᒃ 24:22 - ᐅᔅᑭ ᑎᔅᑌᒥᓐᑦ

²² ᐃᔅᐱ ᒫᑲ ᐱᓕᒃᔅ ᐱᐁᑕᒃ ᐅᐅ ᑫᒀᓇ, ᐊᐙᓯᑌ ᒀᔭᔉ ᐁ ᑭᔅᑫᓕᑕᒃ ᐊᓂᒣᓕᐤ, ᑮ ᑭᐱᒋᐁᐤ, ᑮ ᐃᑗᐤ ᒫᑲ, ᐃᔅᐱ ᓂᓯᔭᔅ ᑭᒋ ᓇᑐᐸᓕᐎᑭᒪᐤ ᑕᑯᔑᑫ, ᒥᑐᓂ ᓂ ᑳ ᑭᔅᑫᓕᑌᓐ ᒬᒋ ᐁ ᐃᑎᔭᓐ᙮

ᐊᐸᔅᑕᓚᒃ 24:22 Referans Kwoze

ᐊᐸᔅᑕᓚᒃ 26:3

ᒫᑲ ᐅᓵᒻ ᐁ ᑭᔅᑫᓕᒥᑖᓐ ᐁ ᓇᐃᑭᔅᑫᓕᑕᒪᓐ ᒥᓯᐌ ᐅᑦ ᐋᔨᑎᐎᓂᐙᐗ ᓀᔥᑕ ᐅ ᑲᑴᒋᑫᒧᐎᓂᐙᐗ ᒎᐗᒃ: ᐁᐗᑯ ᐌᒋ ᐸᑯᓭᓕᒥᑖᓐ ᔑᐱᓚᐌᓯᐎᓂᒃ ᑭᒋ ᓇᑐᑖᐎᔭᓐ᙮

ᐊᐸᔅᑕᓚᒃ 25:26

ᐊᐗ ᐅᒋ ᒫᑲ ᓇᒪᐎᓚ ᑫᒀᓐ ᑫᒌᓐ ᓂᑦ ᐋᔮᓐ ᑭᒋ ᒪᓯᓇᐊᒪᐗᒃ ᓂᑦ ᐅᑭᒫᒻ᙮ ᐁᐗᑯ ᐌᒋ ᐯᔑᐗᒃ ᐁ ᑖᔅᑕᒪᐱᔦᒃ, ᒫᑲ ᐅᓵᒻ ᑭᓚ ᐁ ᑖᔅᑕᒪᐱᔭᓐ, ᐅ ᑭᒋᐅᑭᒪᐤ ᐋᒃᕆᐸ, ᐃᔅᐱ ᑮ ᑲᑴᒋᑫᒧᓈᓂᐗᑫ, ᑭᒋ ᐋᔮᔮᓐ ᑫ ᐃᔑ ᒪᓯᓇᐃᑫᔮᓐ᙮

ᐊᐸᔅᑕᓚᒃ 24:24

ᑭᐃᔥᑾ ᒫᑲ ᐋᑎᑦ ᑭᔑᑳᐗ, ᐃᔅᐱ ᐱᓕᒃᔅ ᐱᐁᒋ ᐎᒉᐙᑦ ᐎᐗ ᑦᕉᓯᓚ ᐁ ᐃᔑᓂᑳᓱᓕᒋ ᑳ ᒎᐎᔅᑴᐎᓕᒋ, ᑮ ᓇᑐᒣᐤ ᐹᓚ, ᑭ ᓇᑐᑕᐌᐤ ᒫᑲ ᐁ ᑎᐹᑐᑕᒥᓕᒋ ᐁ ᐃᔑ ᑖᐺᔦᓕᒥᒥᒋ ᙭ᑕ᙮

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 24:10

ᐁᑯ ᐹᓪ, ᐃᔅᐱ ᑳ ᑮ ᐃᑎᑯᑦ ᐅᑎᐯᓕᒋᑫᐗ ᑭᒋ ᐋᔭᒥᑦ, ᑮ ᓇᔥᑴᐗᔑᐃᐌᐤ: ᐁ ᑭᔅᑫᓕᑕᒫᓐ ᐋᔕᔾ ᒥᒉᑦ ᐱᐳᓋ ᐁ ᑮ ᑎᐹᔅᑯᓇᒋᒃ ᐅᑯ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐊᐙᓯᑌ ᓂ ᒥᓜᓕᑌᓐ ᐁ ᓇᔥᑴᐗᔑᑕᒫᓱᔮᓐ:

ᐊᐸᔅᑕᓚᒃ 24:6

ᐊᓇ ᓀᔥᑕ ᑳ ᑮ ᐹᐹᐃᑐᑌᑦ ᑭᒋ ᒪᒉᓕᑖᑯᑖᑦ ᑭᒋ ᐋᔭᒥᐁᐎᑲᒥᑯᓕᐤ: ᐊᓇ ᑳ ᑮ ᐅᑎᓇᑭᑦ, ᓂ ᑳ ᑮ ᑎᐹᔅᑯᓈᑕᓈᓐ ᒫᑲ ᐁ ᐃᑕᔅᑌᒃ ᓂᑦ ᐅᓚᔓᐌᐎᓂᓈᓐ᙮

ᐊᐸᔅᑕᓚᒃ 18:20

ᐃᔅᐱ ᒫᑲ ᑳ ᓇᑕᐌᓕᒫᒋᒃ ᓇᐗᒡ ᑭᓉᔥ ᑭᒋ ᐎᑭᑕᔑᑫᒥᑯᒋᒃ, ᓇᒪᐎᓚ ᐅᒋ ᓇᔅᑯᒣᓂ;

ᐅᐸᓓᑭᔅ ᒫᑎᐤ 2:7

ᐁᑯ ᒫᑲ ᐦᐁᕋᑦ, ᐃᔅᐱ ᑭᒧᒡ ᑳ ᑮ ᓇᑐᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᐌᐌᓕᑦ ᑮ ᑲᑴᒋᒣᐤ ᑖᓂᔅᐱ ᑳ ᓄᑯᓯᓕᒋ ᐊᒐᑾ᙮

ᐊᐸᔅᑕᓚᒃ 9:2

ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮

ᐊᐸᔅᑕᓚᒃ 19:40

ᐌᓴ ᑮ ᑯᔅᐸᓀᓕᑕᑯᓯᓈᓇᐤ ᑭᒋ ᓇᑐᒥᑲᐎᔭᒃ ᑭᒋ ᑲᑴᒋᒥᑲᐎᔭᒃ ᐊᓄᒡ ᑳᔑᑳᒃ ᐁ ᐸᓭᑯᔅᑖᑐᓇᓂᐗᒃ ᐅᒋ, ᐁᑳ ᑫᒀᓐ ᐁ ᐃᑕᑾᒃ ᑫ ᑮ ᐗᐸᑎᓕᐌᔭᒃ ᐌᒋ ᐅᒪ ᐃᔑ ᒫᐗᒋᐃᑐᓈᓂᐗᒃ᙮