ᐊᐸᔅᑕᓚᒃ 24:16 - ᐅᔅᑭ ᑎᔅᑌᒥᓐᑦ

¹⁶ ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐊᐸᔅᑕᓚᒃ 24:16 Referans Kwoze

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:15

ᑳ ᐙᐸᑎᓕᐌᒋᒃ ᐁ ᐃᑖᐸᑎᓯᒪᑲᓂᓕᒃ ᐅᓚᔓᐌᐎᓂᓕᐤ ᐁ ᒪᓯᓇᐃᑳᑌᓕᒃ ᐅᑌᐃᐙᒃ, ᐅ ᒥᑐᓀᓕᒋᑲᓂᐗᐤ ᐁ ᐃᑖᒋᒧᔅᑖᑯᒋᒃ, ᐅᑦ ᐃᑌᓕᑕᒧᐎᓂᐗᐗ ᒪᒦᔅᑯᒡ ᐁ ᒪᒥᔑᒥᑐᒪᑲᓂᓕᑭ ᓀᔥᑕᐱᑯ ᑳᔮᒣᓕᑕᒥᐃᑐᒪᑲᓂᓕᑭ;

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

ᑕᐃᑕᔅ 1:15

ᐊᓂᑭ ᑳ ᐸᓓᑭᓯᒋᒃ ᒥᓯᐌ ᑫᒀᓐ ᐸᓓᑲᓂᓕᐤ: ᒫᑲ ᐊᓂᑭ ᑳ ᐎᓂᓯᒋᒃ ᓀᔥᑕ ᐁᑳ ᑳ ᑖᐺᑕᑭᒃ ᓇᒪᐎᓚ ᑫᒀᓐ ᐸᓓᑲᓂᓕᐤ; ᒫᑲ ᐙᐙᒡ ᐅ ᒥᑐᓀᓕᒋᑲᓂᐗᐤ ᓀᔥᑕ ᐅᑌᐃᐗᐤ ᐎᓕᐸᓕᓕᐤ᙮

ᓂᔥᑕᒻ ᑯᕆᓐᑎᐊᓇ 4:4

ᐌᓴ ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑭᔅᑫᓕᑌᓐ; ᐁᓕᐌᒃ ᒫᑲ ᓇᒪᐎᓚ ᐅᒪ ᓂᑦ ᐅᒋ ᒀᔭᔅᑭᑖᑎᓯᐃᑲᐎᓐ: ᒫᑲ ᐊᓇ ᑳ ᑎᐹᔅᑯᓂᑦ ᐁᐗᒀᓇ ᐅᑎᐯᓕᒋᑫᐤ᙮

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔥᑕᒻ ᐱᑕᕐ 2:19

ᐌᓴ ᐅᒪ ᓇᓈᔅᑯᒥᑯᓯᐎ ᐃᑌᓕᑖᑾᓐ, ᑮᔥᐱᓐ ᐊᐌᓇ ᐅ ᒥᑐᓀᓕᒋᑲᓂᒃ ᐁ ᐅᒋ ᑖᐺᑕᐙᑦ ᑭᒋᒪᓂᑐᐗ, ᒣᑯᔅᑳᑌᓕᑕᒥᐋᑲᓂᐎᒋ, ᔐᔥᒀᑦ ᐁ ᐎᓴᑫᓕᑕᒥᐋᑲᓂᐎᑦ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᓂᔓ ᑎᒧᑎ 1:3

ᓂ ᓇᓈᔅᑯᒪᐤ ᑭᒋᒪᓂᑐ, ᑳ ᐊᑐᔅᑫᔅᑕᐗᒃ ᓂ ᑳᔮᔑ ᓄᑖᐎᔭᒃ ᐅᒋ, ᐸᓓᑭ ᒥᑐᓀᓕᒋᑲᓂᒃ, ᐁᑳ ᐁ ᐳᓂᔮᓐ, ᐁ ᑭᔅᑭᓯᑐᑖᑖᓐ ᓂᑦ ᐋᔭᒥᐋᐎᓂᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ;

ᓂᔥᑕᒻ ᑌᓴᓗᓂᔭᓇ 2:10

ᑭᓚᐗᐤ ᑭ ᑭᔅᑫᓕᑌᓇᐗᐤ, ᐊᓯᒋ ᓀᔥᑕ ᑭᒋᒪᓂᑐ, ᑖᐺ ᐸᓓᑭᓯᐎᓂᒃ, ᓀᔥᑕ ᒀᔭᔅᑭᑎᐎᓂᒃ, ᓀᔥᑕ ᒥᓨᑎᓯᐎᓂᒃ, ᓂ ᑮ ᐃᑖᑎᓯᓈᓐ ᐃᑕ ᐁ ᐃᑖᔦᒃ ᑭᓚᐗᐤ ᑳ ᑖᐺᑕᒣᒃ;

ᓂᔥᑕᒻ ᑎᒧᑎ 3:9

ᐁ ᒥᒋᒥᓇᑭᒃ ᐁ ᐃᔑ ᒫᒪᔅᑳᑌᓕᑖᑾᓂᓕᒃ ᑖᐺᔦᓕᑕᒧᐎᓂᓕᐤ ᐸᓓᑭ ᒥᑐᓀᓕᒋᑲᓂᒃ᙮

ᓂᔥᑕᒻ ᑎᒧᑎ 1:19

ᐁ ᒥᒋᒥᓇᒪᓐ ᑖᐺᔦᓕᑕᒧᐎᓐ ᓀᔥᑕ ᒥᓗ ᒥᑐᓀᓕᒋᑲᓐ; ᐁᐗᒀᓂ ᐋᑎᑦ ᐁ ᑮ ᐃᑲᑌᔅᑖᒋᒃ, ᑖᐺᔦᓕᑕᒧᐎᓐ ᐅᒋ ᑭ ᐱᑯᓈᐱᒀᓀᔑᓋᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:1

ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ,

ᓂᔥᑕᒻ ᑯᕆᓐᑎᐊᓇ 10:32

ᐁᑳᐎᓚ ᓈᔦᑕᐌᓕᑕᒥᐃᑯᒃ ᒎᐗᒃ, ᐁᑳ ᓀᔥᑕ ᒉᓐᑖᐃᓚᒃ, ᐁᑳ ᓀᔥᑕ ᐅ ᒫᒪᐎᐊᔭᒥᐋᒥ ᑭᒋᒪᓂᑐ;