ᐊᐸᔅᑕᓚᒃ 22:16 - ᐅᔅᑭ ᑎᔅᑌᒥᓐᑦ

¹⁶ ᐊᓄᒡ ᒫᑲ ᑖᓀᑭ ᐌᒋ ᑆᔅᑕᐎᔭᓐ? ᐸᓯᑯ, ᑭ ᑳ ᓯᑲᐋᑖᑲᐎᓐ ᒫᑲ, ᑭᒋ ᐌᐹᐸᐗᑖᔭᓐ ᑭ ᒪᒋᑣᐎᓇ, ᐁ ᓇᓈᑐᑕᒶᑦ ᐅᑦ ᐃᔑᓂᑳᓱᐎᓐ ᐅᑎᐯᓕᒋᑫᐤ᙮

ᐊᐸᔅᑕᓚᒃ 22:16 Referans Kwoze

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 2:21

ᑲᑕ ᐃᑭᓐ ᒫᑲ, ᒥᓯᐌ ᑕᑐ ᐊᐌᓇ ᑫ ᑌᑆᑕᒪᑴ ᐅᑎᐯᓕᒋᑫᐗ ᐅᑦ ᐃᔑᓂᑲᓱᐎᓂᓕᐤ ᑲᑕ ᐱᒫᒋᑲᓂᐎᐤ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᐊᐸᔅᑕᓚᒃ 9:14

ᓀᔥᑕ ᐅᑕ ᐊᔮᐤ ᑲᔥᑭᐅᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐗ ᐅᒋ, ᑭᒋ ᒫᒫᒋᑯᐱᑖᑦ ᒥᓯᐌ ᑳ ᑌᑄᑕᒥᓕᒋ ᑭᑦ ᐃᔑᓂᑳᓵᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 1:2

ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓂᐃ ᑳ ᐸᓓᑭᐋᑲᓂᐎᓕᒋ ᙭ ᒋᓴᓯᒃ, ᑳ ᑮ ᓇᑐᒫᑲᓂᐎᓕᒋ ᑭᒋ ᐅᐸᓓᑭᓯᐎᓕᒋ, ᐊᓯᒋ ᒥᓯᐌ ᐃᑌ ᑳ ᑌᑆᑕᒸᓕᒋ ᐅᑦ ᐃᔑᓂᑳᓱᐎᓂᓕᐤ ᒋᓴᔅ ᙭ᑕ ᑭ ᑎᐯᓕᒋᑫᒥᓇᐗ, ᐊᓇ ᑳ ᑎᐯᓕᒫᑦ ᐊᓂᐃ ᓀᔥᑕ ᑭᓚᓈᓇᐤ᙮

ᐊᐸᔅᑕᓚᒃ 9:18

ᑣᔦᒃ ᒫᑲ ᑮ ᐸᑭᑎᓂᓕᐗ ᐅᔅᑭᔑᑯᒃ ᐅᒋ ᑫᒀᓐ ᑖᐱᔅᑯᒡ ᐗᓚᐊᑳᔭᒃ ᐁ ᐃᔑᓇᑾᓂᓕᑭ; ᑣᔦᒃ ᑮ ᐙᐱᐤ ᒫᑲ, ᓀᔥᑕ ᑮ ᐸᓯᑯ ᓀᔥᑕ ᑮ ᓯᑲᐊᑕᐙᑲᓂᐎᐤ᙮

ᐅᐸᓓᑭᔅ ᒑᓐ 13:8

ᐱᑕᕐ ᐃᑌᐤ, ᓇᒪᐙᔅᑳᑦ ᑭ ᑳ ᑭᒋᔅᑕᐸᐗᓯᑌᓂᓐ ᓂᓚ᙮ ᒋᓴᔅ ᑮ ᓇᔥᑴᐗᔑᐁᐤ, ᑮᔥᐱᓐ ᐁᑳ ᑭᒋᔅᑖᐸᐗᓕᑖᓀ, ᓇᒪᐎᓚ ᑭ ᐎᒉᐎᓐ᙮

ᐊᐸᔅᑕᓚᒃ 7:59

ᑮ ᐱᒧᓯᓈᑕᐌᐗᒃ ᒫᑲ ᔅᑎᐱᓇ ᐁ ᒪᐎᒧᔅᑕᐙᓕᒋ ᑭᒋᒪᓂᑐᐗ, ᓀᔥᑕ ᐁ ᐃᑗᓕᒋ, ᑌᐯᓕᒋᑫᔭᓐ ᒋᓴᔅ, ᐅᑎᓐ ᓂᑦ ᐊᒑᒃ᙮

ᐃᐱᓯᔭᓇ 5:26

ᑭᒋ ᑮ ᐸᓓᑭᐋᑦ ᐁ ᑭᒋᔅᑖᐸᐗᓛᑦ ᓂᐱᓕᐤ ᐅᒋ, ᐋᔭᒥᐎᓂᓕᐤ ᐅᒋ,