20 ᐃᔅᐱ ᒫᑲ ᑳ ᓇᑕᐌᓕᒫᒋᒃ ᓇᐗᒡ ᑭᓉᔥ ᑭᒋ ᐎᑭᑕᔑᑫᒥᑯᒋᒃ, ᓇᒪᐎᓚ ᐅᒋ ᓇᔅᑯᒣᓂ;
ᐊᓇ ᑭᒋᔖᓂᓇᐤ ᐊᐸᓚᔅ ᐅᒋ, ᓈᔅᐱᒡ ᓂ ᑮ ᓇᑕᐌᓕᒫᑖᔾ ᑭᒋ ᐯᒋ ᓈᑎᑖᒃ ᐊᓯᒋ ᑳ ᐎᒋᔖᓂᑐᓕᒋ: ᒫᑲ ᓇᒪᐎᓚ ᒥᑐᓂ ᑮ ᐃᑌᓕᑕᒻ ᐊᓄᒡ ᑭᒋ ᐯᒋ ᑕᑯᔑᒃ; ᒫᑲ ᑲᑕ ᐯᒋ ᑕᑯᔑᓐ ᐃᔅᐱ ᓇᐃᐸᓕᓂᑫ᙮
ᐌᓴ ᐹᓪ ᑮ ᐃᑌᓕᑕᒻ ᑭᒋ ᐊᑎ ᐃᑖᔑᑦ ᐃᐱᓴᓯᒃ, ᐁᑳ ᐁ ᐎ ᐅᑕᒦᑦ ᐊᓐᑕ ᐁᔕᐃᒃ: ᐌᓴ ᑮ ᐎ ᑭᓕᐱᐤ, ᑮᔥᐱᓐ ᑫ ᑮ ᑐᑕᒃ, ᑭᒋ ᐃᑖᑦ ᒋᕉᓴᓚᒥᒃ ᒣᒀᒡ ᐯᓐᑎᑲᔅᑦ ᐁ ᑭᔑᑳᒃ᙮
ᑮ ᐯᒋ ᐃᑐᑌᐤ ᒫᑲ ᐃᐱᓴᓯᒃ, ᓀᔥᑕ ᐁᑯᑕ ᑮ ᓇᑲᑌᐤ: ᒫᑲ ᐎᓚ ᐱᑯ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᐎᒋᐊᔮᒥᒣᐤ ᐊᓂᐃ ᒎᐗ᙮
ᒫᑲ ᑮ ᐗᒋᔦᒣᐤ, ᐁ ᐃᑗᑦ, ᔮᓕᑌᓪ ᓂ ᑳ ᑲᓇᐌᓕᑌᓐ ᐅᒪ ᒪᑯᔐᐎᓐ ᑫ ᐅᑎᒋᐸᓕᒃ ᐊᓐᑕ ᒋᕉᓴᓚᒣᒃ: ᒫᑲ ᒥᓇ ᑭ ᑳ ᐯᒋ ᓈᑎᑎᓇᐗᐤ, ᑮᔥᐱᓐ ᑭᒋᒪᓂᑐ ᐃᑌᓕᑕᑫ᙮ ᑮ ᑭᑕᔑᐤ ᒫᑲ ᐃᐱᓴᓯᒃ ᐅᒋ᙮
