28 ᐊᓐᑕ ᒫᑲ ᑭᓉᔥ ᑮ ᐎᒋᑕᔑᑫᒬᐊᒃ ᐊᓂᐃ ᑭᔅᑭᓄᐊᒪᐗᑲᓇ᙮
ᐃᔅᐱ ᒫᑲ ᑳ ᑮ ᒥᔅᑲᐙᑦ, ᑮ ᐯᔑᐌᐤ ᐊᓐᑕ ᐊᓐᑎᐊᑭᒃ᙮ ᑮ ᐃᑭᓐ ᒫᑲ ᒥᑐᓂ ᐯᔭᑾᐤ ᐁ ᐱᐳᒃ ᑮ ᒫᐗᒋᐃᑐᐗᒃ ᐊᓯᒋ ᒫᒪᐎᐋᔭᒥᐋᐗ, ᓀᔥᑕ ᑮ ᑭᔅᑭᓄᐊᒪᐌᐗᒃ ᒥᒉᑦ ᐃᓕᓕᐗ᙮ ᑭᔅᑭᓄᐊᒪᐗᑲᓇᒃ ᒫᑲ ᓃᔥᑕᒻ ᒃᕆᔅᑎᔮᓇᒃ ᑮ ᐃᔑᓂᑲᑖᑲᓂᐎᐗᒃ ᐊᓐᑕ ᐊᓐᑎᐊᑭᒃ᙮
ᐹᓪ ᒫᑲ ᓀᔥᑕ ᐹᕐᓇᐸᔅ ᑫᔮᐸᒡ ᑮ ᐃᑖᐗᒃ ᐊᓐᑎᐊᑭᒃ, ᐁ ᑭᔅᑭᓄᐊᒫᑫᒋᒃ ᓀᔥᑕ ᐁ ᐙᐎᑕᒸᒋᒃ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᐊᓯᒋ ᒥᒉᑦ ᑯᑕᑭᔭᒃ ᓀᔥᑕ᙮
ᐁᓕᐌᒃ ᒫᑲ, ᒣᒀᒡ ᑭᔅᑭᓄᐊᒪᐗᑲᓇ ᐁ ᐙᔅᑲᑳᐸᐎᔅᑖᑯᑦ, ᑮ ᐗᓂᔥᑳᐤ, ᓀᔥᑕ ᑮ ᐯᒋ ᐱᑐᑫᐤ ᐃᑖᐎᓂᒃ: ᐎᐋᐸᒃ ᒫᑲ ᑭᑐᑌᐤ ᐊᓯᒋ ᐹᕐᓇᐸᔅ ᑕᕐᐱᐃᒃ ᐃᔑ᙮
ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮
