ᐊᐸᔅᑕᓚᒃ 14:15 - ᐅᔅᑭ ᑎᔅᑌᒥᓐᑦ

¹⁵ ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᐊᐸᔅᑕᓚᒃ 14:15 Referans Kwoze

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:17

ᐃᓛᐃᒐ ᑮ ᐃᓕᓕᐎᐤ ᑖᐱᔅᑯᒡ ᑭᓚᓈᓇᐤ ᐁ ᑮ ᐃᑕᒪᒋᐅᑦ, ᐁᓕᑯᒃ ᒫᑲ ᑮ ᐋᔭᒥᐋᐤ ᐁᑳ ᑭᒋ ᑭᒥᐗᒃ: ᓇᒪᐎᓚ ᒫᑲ ᑮ ᑭᒥᐗᐤ ᐃᔥᐱᔥ ᓂᔅᑐ ᐱᐴᓋ ᓀᔥᑕ ᓂᑯᑣᔅ ᐱᓯᒶ᙮

ᓂᔥᑕᒻ ᑯᕆᓐᑎᐊᓇ 8:4

ᒫᑲ ᐁ ᒥᒋᓈᓂᐗᒃ ᐊᓂᐃ ᑳ ᑮ ᐸᑭᑎᓇᒫᒋᒃ ᐁ ᓵᓴᑭᐎᓕᐌᔅᑕᐙᑲᓂᐎᒋᒃ ᒪᓂᑐᑳᓇᒃ ᑭ ᑭᔅᑫᓕᑌᓈᓇᐤ ᒫᓂᑐᑳᓐ ᐁᑳ ᐙᔦᔥ ᐁ ᐃᑌᓕᑖᑯᓯᑦ ᐅᑕ ᐊᔅᑮᒃ, ᓀᔥᑕ ᐁᑳ ᐙᐙᒡ ᐁ ᐃᑖᑦ ᑯᑕᑳ ᑭᒋᒪᓇᑐ, ᐱᑯ ᐯᔭᒃ᙮

ᐊᐸᔅᑕᓚᒃ 10:26

ᒫᑲ ᐱᑕᕐ ᑮ ᐸᓯᑯᓀᐤ, ᐁ ᐃᑗᑦ, ᐸᓯᑯ; ᓂᓚ ᓀᔥᑕ ᓂᑦ ᐃᓕᓕᐎᓐ᙮

ᑭᔅᑫᓕᑖᑯᑖᑫᐎᓐ 14:7

ᐁ ᐃᑗᑦ, ᐁ ᑭᔗᐌᑦ, ᓇᓂᒋᔅᑕᐎᒃ ᑭᒋᒪᓂᑐ, ᑭᔅᑖᒋᒥᒃ ᒫᑲ; ᐌᓴ ᑎᐹᔅᑯᓂᑫᐎᓂ ᑎᐹᔨᑲᓐ ᐋᔕᔾ ᐅᑎᒋᐸᓕᐤ: ᓇᐗᑮᔅᑕᐎᒃ ᒫᑲ ᐊᓇ ᑳ ᑭ ᐅᔑᑖᑦ ᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒧᔅᑭᒋᐗᓂᐯᑾ᙮

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐊᐸᔅᑕᓚᒃ 4:24

ᐃᔅᐱ ᒫᑲ ᐊᓂᐁᓕᐤ ᑳ ᐯᑕᑭᒃ, ᑭ ᒫᒪᐎ ᐅᐱᓇᒪᐌᐗᒃ ᑭᒋᒪᓂᑐᐗ ᐅᑦ ᐃᑗᐎᓂᐙᐤ, ᓀᔥᑕ ᑮ ᐃᑗᐗᒃ, ᑌᐯᓕᒋᑫᔭᓐ, ᑭ ᑭᒋᒪᓂᑐᐎᓐ, ᑳ ᑮ ᐅᔑᑖᔭᓐ ᑭᒋᑭᔑᒃ ᓀᔥᑕ ᐊᔅᑭ, ᓀᔥᑕ ᑭᒋᑲᒥ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑖᑾᑭ᙮

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᐊᐸᔅᑕᓚᒃ 14:21

ᐃᔅᐱ ᒫᑲ ᑳ ᑮ ᐙᐎᑕᑭᒃ ᒥᓗᐋᒋᒧᐎᓂᓕᐤ ᐊᓂᒪ ᐃᑖᐎᓂᒃ, ᓀᔥᑕ ᒥᒉᑦ ᐁ ᑮ ᑭᔅᑭᓄᐊᒪᐙᒋᒃ, ᑮ ᑭᐌᐗᒃ ᒥᓇ ᓕᔅᑕᕋᐃᒃ ᐃᔑ, ᓀᔥᑕ ᐋᐃᑯᓂᐊᒥᒃ ᓀᔥᑕ ᐋᓐᑎᐊᑭᒃ,

ᐅᐸᓓᑭᔅ ᒑᓐ 7:18

ᐊᓇ ᑳ ᐋᔭᒥᑦ ᐎᓚ ᑎᐱᓚᐌ ᐅ ᒥᑐᓀᓕᒋᑲᓂᒃ ᐅᒋ, ᓇᑕᐌᓕᑕᒻ ᐎᓚ ᑫᒋᐙᒃ ᐅ ᑭᔅᑌᓕᑖᑯᓯᐎᓐ: ᒫᑲ ᐊᓇ ᑳ ᓇᑕᐌᓕᒫᑦ ᑭᒋ ᑭᔅᑌᓕᑖᑯᐋᑲᓂᐎᓕᒋ ᐊᓂᐃ ᑳ ᑮ ᐯᒋᑎᔕᐅᑯᑦ, ᐁᐗᑯ ᑖᐺᐎᓂᐎᐤ, ᓇᒪ ᓀᔥᑕ ᐙᐙᒡ ᐱᒋᔅᑳᑯ ᒪᒑᑎᓯᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 22:9

ᐁᑯ ᐁᔑᑦ, ᔮᑾ ᐁᑳ ᑐᑕ: ᐌᓴ ᓂᓚ ᑮᒋᐊᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᑭ ᑳ ᑲᓇᐌᓕᑕᑭᒃ ᐃᑗᐎᓇ ᐅᒪ ᒪᓯᓇᐃᑲᓂᒃ ᑳ ᐃᑕᑾᓂᓕᑭ; ᓇᐗᑮᔅᑕᐤ ᑭ ᒪᓂᑐ᙮

ᑭᔅᑫᓕᑖᑯᑖᑫᐎᓐ 19:19

ᓂ ᑮ ᐙᐸᒪᐤ ᒫᑲ ᐊᓇ ᐊᐌᓯᔅ, ᓀᔥᑕ ᑭᒋᐅᑭᒫᐗᒃ ᐊᔅᑮᒃ, ᓀᔥᑕ ᐅ ᒫᒪᐎᓄᑎᓂᑫᒥᐙᐗ ᐁ ᒫᐗᒋᐃᑐᒋᒃ ᑭᒋ ᓇᑐᐸᓖᔅᑕᐙᒋᒃ ᐊᓂᐃ ᑳ ᑌᑕᐱᑐᑕᐙᓕᒋ ᒥᔅᑕᑎᒶ, ᓀᔥᑕ ᐅ ᒫᒪᐎᓄᑎᓂᑫᒥᓕᐗ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᐊᐸᔅᑕᓚᒃ 27:25

ᐁᐗᑯ ᐅᒋ, ᐅᑭᒫᑐᒃ, ᐗᒉᑲᒣᓕᑕᒧᒃ: ᐌᓴ ᓂ ᑖᐺᑕᐗᐤ ᑭᒋᒪᓂᑐ, ᒬᒋ ᑭᒋ ᐃᑭᒃ ᑳ ᑮ ᐃᔑ ᐎᑕᒫᑲᐎᔮᓐ᙮

ᐊᐸᔅᑕᓚᒃ 27:21

ᐃᔅᐱ ᒫᑲ ᑭᓉᔥ ᑳ ᑮ ᓂᑲᓱᒋᒃ ᐹᓪ ᑮ ᓂᐸᐎᐤ ᒣᑴᔭᔥ ᐁ ᐃᑕᓯᓕᒋ, ᓀᔥᑕ ᑮ ᐃᑗᐤ, ᐅᑭᒫᑐᒃ, ᑭ ᑳ ᑮ ᓇᑐᑕᐎᑖᐗᐤ, ᓇᒪ ᓀᔥᑕ ᑭ ᑳ ᑮ ᓇᑲᑕᐁᑖᐗᐤ ᒃᕆᑦ, ᑳ ᐅᒋ ᑲᔥᑭᑕᒫᓱᔦᒃ ᐅᒪ ᐋᑯᐃᑯᓯᐎᓐ ᓀᔥᑕ ᐗᓂᑖᓱᐎᓐ᙮

ᐊᐸᔅᑕᓚᒃ 27:10

ᓀᔥᑕ ᑮ ᐃᑌᐤ, ᐅᑭᒫᑐᒃ, ᓂ ᐙᐸᑌᓐ ᐅᒪ ᐱᒫᔑᐎᓐ ᑭᒋ ᑯᔅᑖᑌᓕᑖᑾᒃ ᓀᔥᑕ ᓈᔅᐱᒡ ᑭᒋ ᐋᑴᓕᑖᑾᒃ, ᓇᒪᐎᓚ ᐱᑯ ᐳᓯᑖᓱᐎᓐ ᓀᔥᑕ ᓈᐱᒀᓐ ᐅᒋ, ᒫᑲ ᐊᓯᒋ ᑭ ᐱᒫᑎᓯᐎᓂᓈᐤ᙮

ᐊᐸᔅᑕᓚᒃ 16:30

ᑮ ᐯᒋ ᐗᓚᐎᑕᐁᐤ ᒫᑲ, ᓀᔥᑕ ᑮ ᐃᑌᐤ, ᐅᑭᒪᑐᒃ, ᑫᒀᓐ ᑫ ᑐᑕᒫᓐ ᑭᒋ ᑮ ᐱᒫᒋᐅᔮᓐ?

ᐊᐸᔅᑕᓚᒃ 14:7

ᐁᑯᑕ ᒫᑲ ᐎᐋᐎᑕᑭᒃ ᒥᓗᐋᒋᒧᐎᓂᓕᐤ᙮

ᐊᐸᔅᑕᓚᒃ 13:32

ᓂᓚᓇᓐ ᒫᑲ ᑭ ᑎᐸᒋᒧᔅᑖᑎᓈᓐ ᒥᓗᐋᒋᒧᐎᓇ, ᐊᓂᒪ ᐊᔓᑕᒫᑫᐎᓐ ᑳ ᑮ ᐅᔑᑖᒫᒋᒃ ᐅᑖᐎᒫᐗᒃ,

ᐊᐸᔅᑕᓚᒃ 7:26

ᒥᓇ ᒫᑲ ᐎᐋᐸᒃ ᑮ ᓈᑌᐤ ᑯᑕᑭᔭ ᒣᒀᒡ ᐁ ᒫᔑᐃᑐᓕᒋ, ᑮ ᐎ ᐸᑳᓂᐁᐤ ᒫᑲ, ᐁ ᐃᑗᑦ, ᐅᑭᒫᑐᒃ, ᑭ ᐎᒋᔖᓂᑐᓈᐗᐤ; ᑖᓀᑭ ᐌᒋ ᐗᓂᑐᑖᑐᔦᒃ?

ᐅᐸᓓᑭᔅ ᒑᓐ 5:26

ᐌᓴ ᑖᐱᔅᑯᒡ ᐅᑖᐎᒪᐤ ᐁ ᐃᔑ ᐱᒋᔅᑳᑯᑦ ᐱᒫᑎᓯᐎᓂᓕᐤ; ᐁᑯ ᑳ ᐃᔑ ᒥᓛᑦ ᐅᑯᓯᓯᒫᐗ ᑭᒋ ᐱᑭᔅᑳᑯᓕᒋ ᐱᒫᑎᓯᐎᓂᓕᐤ;

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮