49 ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᒫᑲ ᑮ ᐋᓕᒧᒋᑲᑌᓕᐤ ᒥᓯᐌ ᐊᓂᒪ ᐊᔅᑮᒃ᙮
ᐅᒪ ᒫᑲ ᑮ ᑐᒋᑲᑌᐤ ᓂᔓ ᐱᐳᓋ ᐃᔥᐱᔥ; ᐁᐗᑯ ᐅᒋ ᒥᓯᐌ ᑳ ᑖᔑᑫᒋᒃ ᐁᔕᐃᒃ ᑮ ᐯᑕᒬᐗᒃ ᐅᑦ ᐋᔭᒥᐎᓂᓕᐤ ᐅᑎᐯᓕᒋᑫᐗ ᒋᓴᔅ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ᙮
ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑮ ᓂᑕᐎᑭᒪᑲᓂᓕᐤ ᓀᔥᑕ ᑮ ᓚᑭᐆᒪᑲᓂᓕᐤ᙮
ᓀᔥᑕ ᒫᑲ, ᑭ ᐙᐸᑌᓈᐗᐤ ᓀᔥᑕ ᑭ ᐯᑌᓈᐗᐤ, ᓇᒪᐎᓚ ᐱᑯ ᐃᐱᓴᓯᒃ, ᒫᑲ ᑫᑳᑦ ᒥᓯᐌ ᐁ ᐃᔅᐱᔖᒃ ᐁᔕᐃᒃ, ᐊᐗ ᐹᓪ ᑮ ᔖᑯᒋᒣᐤ ᓀᔥᑕ ᑮ ᑴᔅᑭᓀᐤ ᒥᒉᑦ ᐃᓕᓕᐗ, ᐁ ᐃᑗᑦ, ᓇᒪᔦᐤ ᒪᓂᑐᐗᒃ ᐊᓂᑭ ᑳ ᐅᔑᐊᑲᓂᐎᒋᒃ ᒥᒋᒋᔭ ᐅᒋ:
ᑭ ᑭᔅᑫᓕᑕᑾᓐ ᒫᑲ ᒥᓯᐌ ᒐᐸᐃᒃ; ᓀᔥᑕ ᒥᒉᑦ ᑮ ᑖᐺᔦᓕᒣᐗᒃ ᐅᑎᐯᓕᒋᑫᐗ᙮
ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮
ᒫᑲ ᐎᓚᐗᐤ, ᐃᔅᐱ ᑳ ᑭᑐᑌᒋᒃ, ᑮ ᐋᐃᐋᓕᒧᒣᐗᒃ ᒥᓯᐌ ᐊᓂᒪ ᐊᔅᑮᒃ᙮
ᐁᑯ ᒫᑲ ᐊᓇ ᐅᑭᒪᐤ, ᐃᔅᐱ ᐎᐋᐸᑕᒃ ᐊᓂᐁᓕᐤ ᑳ ᑮ ᑐᒋᑲᑌᓕᒃ, ᑮ ᑖᐺᑕᒻ, ᐁ ᒫᒪᔅᑲᑕᒸᑦ ᐅ ᑭᔅᑭᓄᐊᒫᑫᐎᓂᓕᐤ ᐊᑎᐯᓕᒋᑫᐗ᙮
