ᐊᐸᔅᑕᓚᒃ 13:12 - ᐅᔅᑭ ᑎᔅᑌᒥᓐᑦ

¹² ᐁᑯ ᒫᑲ ᐊᓇ ᐅᑭᒪᐤ, ᐃᔅᐱ ᐎᐋᐸᑕᒃ ᐊᓂᐁᓕᐤ ᑳ ᑮ ᑐᒋᑲᑌᓕᒃ, ᑮ ᑖᐺᑕᒻ, ᐁ ᒫᒪᔅᑲᑕᒸᑦ ᐅ ᑭᔅᑭᓄᐊᒫᑫᐎᓂᓕᐤ ᐊᑎᐯᓕᒋᑫᐗ᙮

ᐊᐸᔅᑕᓚᒃ 13:12 Referans Kwoze

ᐊᐸᔅᑕᓚᒃ 13:7

ᐊᓇ ᑳ ᑮ ᐎᒉᐙᑦ ᐊᓂᐃ ᑳ ᑎᐯᓕᑕᒥᓕᒋ ᐊᓂᐁᓕᐤ ᐊᔅᑭᓕᐤ, ᓴᕐᒋᐊᔅ ᐹᓚᔅ, ᐁ ᑲᑫᑕᐌᓕᑕᒃ ᐃᓕᓕᐤ: ᐊᓇ ᑳ ᑮ ᓇᑐᒫᑦ ᐊᓂᐃ ᐹᕐᓇᐸᔅ ᓀᔥᑕ ᓵᓪ, ᑮ ᓇᑕᐌᓕᑕᒻ ᒫᑲ ᑭᒋ ᐯᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮

ᐅᐸᓓᑭᔅ ᓘᒃ 4:22

ᒥᓯᐌ ᒫᑲ ᑮ ᑎᐹᒋᒣᐗᒃ, ᓀᔥᑕ ᑮ ᒫᒪᔅᑳᑕᒬᐗᒃ ᐊᓂᐃ ᔕᐌᓕᒋᑫᐎ ᐋᔭᒥᐎᓇ ᑳ ᐅᒋᐸᓕᓕᑭ ᐅᑐᓂᓕᒃ᙮ ᑮ ᐃᑗᐗᒃ ᒫᑲ, ᓇᒪ ᓈ ᐊᐗ ᒍᓯᑉ ᐅᑯᓯᓴ?

ᐊᐸᔅᑕᓚᒃ 28:7

ᐁᑯᑕ ᐊᓐᑕ ᒫᑲ ᑮ ᐃᑕᑾᓂᓕᐗ ᐅ ᑎᐱᓚᐌᐎᓯᐎᓇ ᐊᓇ ᑳ ᓂᑳᓀᓕᑖᑯᓯᑦ ᐃᓕᓕᐤ ᐊᓐᑕ ᒥᔅᑎᑯᒃ, ᐸᑉᓕᔭᔅ ᑳ ᐃᔑᓂᑳᓱᑦ; ᑳ ᑮ ᐱᑐᑳᐃᔭᒥᑦ, ᓀᔥᑕ ᓂᔅᑐ ᑭᔑᑳᐗ ᑳ ᑮ ᑲᓇᐌᓕᒥᔭᒥᑦ ᑭᔐᐙᑎᓯᐎᓂᒃ᙮

ᐊᐸᔅᑕᓚᒃ 19:7

ᒥᓯᐌ ᒫᑲ ᐅᑯ ᐃᓕᓕᐗᒃ ᓈᓐᑕᐤ ᓂᔓᔕᑉ ᑮ ᐃᑕᔑᐗᒃ᙮

ᐊᐸᔅᑕᓚᒃ 15:35

ᐹᓪ ᒫᑲ ᓀᔥᑕ ᐹᕐᓇᐸᔅ ᑫᔮᐸᒡ ᑮ ᐃᑖᐗᒃ ᐊᓐᑎᐊᑭᒃ, ᐁ ᑭᔅᑭᓄᐊᒫᑫᒋᒃ ᓀᔥᑕ ᐁ ᐙᐎᑕᒸᒋᒃ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᐊᓯᒋ ᒥᒉᑦ ᑯᑕᑭᔭᒃ ᓀᔥᑕ᙮

ᐊᐸᔅᑕᓚᒃ 13:49

ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᒫᑲ ᑮ ᐋᓕᒧᒋᑲᑌᓕᐤ ᒥᓯᐌ ᐊᓂᒪ ᐊᔅᑮᒃ᙮

ᐊᐸᔅᑕᓚᒃ 6:10

ᓇᒪᐎᓚ ᒫᑲ ᑮ ᑲᔥᑭᑖᐗᒃ ᑭᒋ ᓇᔅᑰᔅᑕᑭᒃ ᐊᓂᐁᓕᐤ ᑲᑫᑖᐌᓕᑕᒧᐎᓂᓕᐤ ᓀᔥᑕ ᐊᓂᐃ ᐊᒑᑾ ᑳ ᑮ ᐅᒋ ᐋᔭᒥᓕᒋ᙮

ᐅᐸᓓᑭᔅ ᒑᓐ 7:46

ᐅᓚᔓᐌᐎ ᐊᑑᔅᑫᓛᑲᓇᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᔅᑳᑦ ᐊᐌᓇ ᐃᔑ ᐋᔭᒥᐤ ᑖᐱᔅᑯᒡ ᐊᐗ ᐃᓕᓕᐤ᙮

ᐅᐸᓓᑭᔅ ᓘᒃ 7:16

ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮

ᐅᐸᓓᑭᔅ ᒫᑎᐤ 27:54

ᐃᔅᐱ ᒫᑲ ᓇᑐᐸᓕᐎᑭᒪᐤ, ᓀᔥᑕ ᐊᓂᐃ ᑳ ᐎᒉᐎᑯᑦ, ᐁ ᓈᓈᑲᑕᐙᐸᒫᒋᒃ ᒋᓴᓴ, ᐎᐋᐸᑕᑭᒃ ᐁ ᑶᑾᓂᓕᒃ, ᓀᔥᑕ ᐊᓂᐃ ᑫᒀᓇ ᑳ ᑐᒋᑳᑌᓕᑭ, ᓈᔅᐱᒡ ᑮ ᓭᑭᓯᐗᒃ, ᐁ ᐃᑗᒋᒃ, ᑖᐺ ᐊᐗ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 8:25

ᐎᓚᐗᐤ ᒫᑲ ᐃᔅᐱ ᑳ ᑮ ᑎᐹᑐᑕᑭᒃ ᓀᔥᑕ ᑭᔅᑭᓄᐊᒫᑫᒋᒃ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᑮ ᑭᐌᐗᒃ ᒋᕉᓴᓚᒥᒃ, ᓀᔥᑕ ᑮ ᑭᔅᑭᓄᐊᒫᑫᐗᒃ ᒥᓗᐋᒋᒧᐎᓂᓕᐤ ᒥᒉᑦ ᐅᑦ ᐃᑖᐎᓂᐙᒃ ᐊᓂᑭ ᓵᒣᕆᔭ ᐃᓕᓕᐗᒃ᙮

ᐊᐸᔅᑕᓚᒃ 13:8

ᐃᓕᒪᔅ ᒫᑲ ᑳ ᒥᑌᐎᓖᓖᐎᑦ (ᐌᓴ ᐁᐗᒀᓂᒪ ᐁ ᐃᔑᓂᑳᑎᑦ ᐁ ᓈᐃᒧᓈᓂᐗᒃ) ᑮ ᓈᔅᑯᔥᑖᐌᐤ, ᐁ ᓇᑕᐌᓕᑕᒃ ᑭᒋ ᑴᔅᑭᓈᑦ ᐊᓂᐃ ᐅᑭᒫᐗ ᑖᐺᔦᓕᑕᒧᐎᓂᓕᐤ ᐅᒋ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐊᐸᔅᑕᓚᒃ 15:36

ᐹᑎᒪ ᒫᑲ ᐊᑎᑦ ᑭᔑᑳᐗ, ᐹᓪ ᑮ ᐃᑌᐤ ᐊᓂᐃ ᐹᕐᓇᐸᓴ, ᐁᑯᔑ ᒥᓇ ᐃᑐᑌᑕᐤ ᓀᔥᑕ ᒪᐗᑎᑖᑖᓈᒃ ᑭᒋᔕᓂᓈᐗᒃ ᒥᓯᐌ ᑕᑐ ᐃᑖᐎᓂᒃ ᑳ ᑮ ᐃᔑ ᐙᐎᑕᒶᒃ ᐅᑎᐯᓕᒋᑫᐤ ᐅᑦ ᐋᔭᒥᐎᓂᓕᐤ, ᐙᐸᑕᑕᐤ ᒫᑲ ᑖᓀ ᐃᑎᒋᒃ᙮

ᐊᐸᔅᑕᓚᒃ 18:12

ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,

ᐊᐸᔅᑕᓚᒃ 19:10

ᐅᒪ ᒫᑲ ᑮ ᑐᒋᑲᑌᐤ ᓂᔓ ᐱᐳᓋ ᐃᔥᐱᔥ; ᐁᐗᑯ ᐅᒋ ᒥᓯᐌ ᑳ ᑖᔑᑫᒋᒃ ᐁᔕᐃᒃ ᑮ ᐯᑕᒬᐗᒃ ᐅᑦ ᐋᔭᒥᐎᓂᓕᐤ ᐅᑎᐯᓕᒋᑫᐗ ᒋᓴᔅ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ᙮

ᐊᐸᔅᑕᓚᒃ 19:20

ᐁ ᑮ ᐃᔅᐱᒋ ᓲᑲ ᑭᓕᐱᑭᓂᓕᒃ ᑭᒋᒪᓂᑐ ᐅᑦ ᐋᔭᒥᐎᓐ, ᓀᔥᑕ ᔖᑯᒋᐃᐌᒪᑲᓂᓕᒃ᙮

ᐊᐸᔅᑕᓚᒃ 19:38

ᐁᐗᑯ ᐅᒋ ᑮᔥᐱᓐ ᑎᒥᑦᕆᐊᔅ, ᓀᔥᑕ ᐃᑖᐸᑎᓯᐎᓕᓕᐗ ᑳ ᐎᒉᐎᑯᑦ, ᐗᔦᔥ ᐃᑌᓕᒫᒋᒃ ᐊᐌᓕᐗ, ᐅᓚᔓᐌᐎᓐ ᐋᐸᐊᔅᑌᐤ, ᐃᑖᐗᒃ ᒫᑲ ᐅᑖᔭᒥᔅᑕᒫᑫᐗᒃ: ᐁᑯᔑ ᑲᑕ ᒫᒥᔑᒥᑐᐗᒃ᙮