4 ᓇᒪᐎᓚ ᐊᐙᓯᑌ ᓂ ᒥᓚᐙᑌᓐ ᐃᔥᐱᔥ ᑭᒋ ᐯᑕᒫᓐ ᓂᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ᙮
ᓂᑦ ᐊᐙᔑᒥᔑᒥᔑᑐᒃ, ᑳ ᐅᒋ ᓂᑕᐎᑭᐊᐗᓱᐎ ᑲᒀᑕᑫᓕᒧᔮᓐ ᒥᓇ ᐹᑎᒪ ᙭ ᐱᒋᔅᑳᑖᑫ;
ᑎᒧᑎ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐊᒃ ᓂᑯᓯᔅ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᙭ ᒋᓴᔅ ᑭ ᑎᐯᓕᒋᑫᒥᓇᐤ᙮
ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮
ᒫᑲ ᐃᔅᐱ ᐎᐋᐸᑕᒫᓐ ᐁᑳ ᒀᔭᔉ ᐁ ᐃᔑ ᐱᒧᑌᒋᒃ, ᑳ ᐃᑕᔅᑌᒃ ᑖᐺᐎᓐ ᒥᓗᐋᒋᒧᐃᓂᒃ, ᓂ ᑮ ᐃᑕᐤ ᐱᑕᕐ, ᐅᑎᔥᑲᐤ ᒥᓯᐌ ᐁ ᐃᑕᓯᒋᒃ, ᑮᔥᐱᓐ ᑭᓚ ᐁ ᒎᐎᔭᓐ, ᐃᔑ ᐱᒫᑎᓯᔭᓐ ᑖᐱᔅᑯᒡ ᒉᓐᑖᐃᓚᒃ, ᓇᒪᐎᓚ ᒫᑲ ᑖᐱᔅᑯᒡ ᒎᐗᒃ; ᑕᓀᑭ ᐌᒋ ᔖᑯᒋᐊᒋᒃ ᒉᓐᑖᐃᓚᒃ ᑭᒋ ᐃᔑ ᐱᒫᑎᓯᒋᒃ ᑖᐱᔅᑯᒡ ᒎᐗ?
ᑭ ᐸᑯᓭᓕᒥᑎᓐ ᓂᑯᓯᔅ ᐅᓂᓯᒪᔅ ᐅᒋ, ᑳ ᑮ ᓂᑕᐎᑭᐊᒃ ᓂ ᒫᒫᒋᒀᐱᓱᐎᓂᒃ;
ᐁᑯ ᐊᓂᒪ ᐁ ᑎᐸᐊᒣᒃ, ᑭᑦ ᐊᔭᒥᐃᑎᓇᐗᐤ ᑖᐱᔅᑯᒡ ᓂᑦ ᐊᐙᔑᒥᔕᒃ, ᑭᓚᐗᐤ ᓀᔥᑕ ᑲᑕ ᐊᑎ ᒥᔕᐤ ᑭᑌᐃᐗᐤ᙮
ᑖᐱᔅᑯᒡ ᐁ ᐃᔑ ᑭᔅᑫᓕᑕᒣᒃ, ᑳ ᑮ ᐃᔑ ᑲᑫᔅᑭᒥᑖᒃ ᓀᔥᑕ ᑲᑭᒋᐃᑖᒃ ᓀᔥᑕ ᐃᑕᔓᒥᑖᒃ ᒥᓯᐌ ᐁ ᐃᑕᔑᔦᒃ, ᑖᐱᔅᑯᒡ ᐅᑖᐎᒫᐤ ᑳ ᐃᑐᑕᐙᑦ ᐅᑦ ᐊᐙᔑᒥᔕ:
ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:
ᓈᔅᐱᒡ ᓂ ᑮ ᒥᓚᐙᑌᓐ ᐁ ᑮ ᒥᔅᑲᐗᑭᒃ ᑭᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ, ᑳ ᑮ ᐃᑕᔓᐙᑎᑕᒃ ᐅᑖᐎᒪᐤ᙮
