1 ᓂᓚ ᑳ ᓂᑳᓀᓕᑖᑯᓯᔮᓐ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐋᑲᓂᐎᑦ ᑳᔭᔅ, ᑳ ᓵᑭᐊᒃ ᑖᐺᐎᓂᒃ᙮
ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮
ᓂ ᓇᓈᔅᑯᒪᐤ ᑭᒋᒪᓂᑐ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᑮ ᓯᑲᐋᑕᐗᒃ, ᐱᑯ ᒃᕆᔅᐸᔅ ᓀᔥᑕ ᑫᐊᔅ;
ᑫᐊᔅ ᑳ ᐱᑐᑲᐃᑦ, ᓀᔥᑕ ᒥᓯᐌ ᒫᒪᐎᐋᔭᒥᐊᐗᒃ, ᑭᑦ ᐊᑕᒥᔅᑳᑯᐗᐤ, ᐃᕌᔅᑕᔅ ᐅᑲᓇᐎᔔᓕᐋᐌᐤ ᐃᑖᐎᓂᒃ ᑭᑦ ᐊᑕᒥᔅᑳᑯᐗᐤ, ᓀᔥᑕ ᑾᕐᑕᔅ ᑳ ᐎᒋᔖᓇᒪᐎᑦ᙮
ᒥᓯᐌ ᐃᑖᐎᓐ ᒫᑲ ᑮ ᓵᑲᔅᑭᓀᐤ ᑭᔑᐌᓕᑕᒧᐎᓐ ᐅᒋ: ᐁ ᑮ ᒫᑯᓈᒋᒃ ᒫᑲ ᑳᐃᐊᓴ ᓀᔥᑕ ᐊᕆᔅᑖᕐᑲᓴ, ᐃᓕᓕᐗ ᒫᓯᑐᓂᐊᐃᒃ ᐅᒋ, ᐹᓪ ᐅ ᐎᒉᐙᑲᓇ, ᐁ ᐸᐹᒧᑌᑦ, ᑮ ᒫᒪᐎ ᐱᑐᑫᐸᓂᐅᐙᒃ ᐊᓐᑕ ᒣᑕᐌᐎᑲᒥᑯᒃ᙮
ᑮ ᐎᒉᐎᑯ ᒫᑲ ᐁᔖᐃᒃ ᐃᔅᑯ, ᐊᓂᐃ ᓱᐸᑕᕐ ᐱᕆᐊᐃᒃ ᑳ ᐅᒋᑦ; ᓀᔥᑕ ᐊᓂᐃ ᑌᓴᓗᓂᐊᓇ, ᐋᕆᔅᑖᕐᑲᔅ ᓀᔥᑕ ᓯᑲᓐᑕᔅ; ᑲᐃᐊᔅ ᒫᑲ ᑕᕐᐱᐃᒃ ᐅᒋ, ᓀᔥᑕ ᑕᐃᒧᑎᐊᔅ; ᐁᔕᐃᒃ ᒫᑲ ᐅᒋ ᑎᑭᑲᔅ ᓀᔥᑕ ᑦᕈᐱᒪᔅ᙮
ᐊᓂᐁᓕᐤ ᓀᔥᑕ ᑳ ᑮ ᑐᑕᑭᒃ, ᑮ ᐃᔑᑎᔕᐊᒪᐌᐗᒃ ᒫᑲ ᐊᓂᐃ ᑳ ᓂᑳᓀᓕᑖᑯᓯᓕᒋ ᐅᒋᒋᐙᒃ ᐅᒋ ᐊᓂᑭ ᐸᕐᓇᐸᔅ ᓀᔥᑕ ᓵᓪ᙮
ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:
ᓯᐋᑭᐃᑖᓐ, ᐊᐙᓯᑌ ᐃᔥᐱᔥ ᒥᓯᐌ ᑫᒀᓇ ᓂ ᓇᑕᐌᓕᑌᓐ ᑭᒋ ᒥᓨᐸᒣᐎᓯᔭᓐ ᓀᔥᑕ ᑭᒋ ᒥᓗᒪᒋᐅᔭᓐ, ᑖᐱᔅᑯᒡ ᐁ ᐃᔑ ᒥᓨᐸᒣᐎᓯᑦ ᑭᑦ ᐊᒑᒃ᙮
