19 ᐊᑕᒥᔅᑲᐤ ᑉᕆᔅᑲ ᓀᔥᑕ ᐊᑶᓚ, ᓀᔥᑕ ᑳ ᐃᑕᔑᑦ ᐎᑭᒃ ᐅᓂᓯᐳᕋᔅ᙮
ᑮ ᒥᔅᑲᐌᐤ ᒫᑲ ᐯᔭᒃ ᒎᐗ ᐋᑶᓚ ᐁ ᐃᔑᓂᑳᓱᓕᒋ, ᑳ ᑮ ᓂᑕᐎᑭᓕᒋ ᐳᓐᑕᓯᒃ, ᐊᓄᒋᑫ ᐃᑖᓕᐃᒃ ᑳ ᑮ ᐅᒌᓕᒋ, ᐊᓯᒋ ᐎᐎᓕᐗ ᑉᕆᓯᓚ (ᐌᓴ ᒃᓚᑎᐊᔅ ᑮ ᐅᓚᔓᐗᑌᐤ ᒥᓯᐌ ᒎᐗ ᑭᒋ ᑭᑐᑌᓕᒋ ᕈᒥᒃ ᐅᒋ;) ᐅᐅ ᒫᑲ ᑮ ᐯᒋ ᓈᑌᐤ᙮
ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ ᑭᑦ ᐊᑕᒥᔅᑳᑾᒃ᙮ ᐋᑶᓚ ᓀᔥᑕ ᑉᕆᓯᓚ ᓈᔅᐱᒡ ᑭᑦ ᐊᑕᒥᔅᑳᑾᒃ ᐅᑎᐯᓕᒋᑫᒃ, ᐊᓯᒋ ᓀᔥᑕ ᒫᒪᐎᐋᔭᒥᐊᐗᒃ ᐎᑭᐙᒃ ᑳ ᐃᑖᒋᒃ᙮
ᑮ ᒫᒋ ᓱᑭᑌᐁᐎ ᐋᔭᒥᐤ ᒫᑲ ᐋᔭᒥᐁᐎᑲᒥᑯᒃ: ᐊᓇ ᐃᔅᐱ ᐊᓂᐃ ᐊᑶᓚ ᓀᔥᑕ ᑉᕆᓯᓚ ᑳ ᑮ ᐯᑖᑯᑦ, ᑮ ᐅᑎᓂᑯ, ᓀᔥᑕ ᐊᐙᓯᑌ ᐯᔭᑕᒃ ᑮ ᑭᔅᑭᓄᐊᒫᑯ ᑭᒋᒪᓂᑐ ᐅᑦ ᐃᔑᑣᐎᓂᓕᐤ᙮
ᐹᓪ ᒫᑲ ᐹᑎᒪ ᐅᒪ ᑫᔮᐸᒡ ᑭᓉᔥ ᓇᐗᒡ ᐊᓐᑕ ᑮ ᑕᔑᑫᐤ, ᐁᑯ ᒫᑲ ᑳ ᓇᑲᑖᑦ ᐊᓂᐃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑖᔑᐤ ᐊᓐᑕ ᓰᕆᐊᐃᒃ, ᑮ ᐎᒉᐎᑯ ᒫᑲ ᐊᓂᐃ ᑉᕆᓯᓚ ᓀᔥᑕ ᐋᑶᓚ; ᐁ ᑮ ᑳᔥᑭᐹᑕᒃ ᐅᔅᑎᒀᓐ ᐊᓐᑕ ᓯᓐᒃᕆᐊᐃᒃ: ᐌᓴ ᑮ ᑭᔅᑭᒧ᙮
ᑮᔥᐱᓐ ᓀᔥᑕ ᑕᒥᔅᑲᐌᑾᐌ ᑭᒋᔖᓂᐙᐗᒃ ᐱᑯ, ᑫᒀᓐ ᐊᐙᓯᑌ ᑎᐅᑕᒣᒃ ᐃᔥᐱᔥ ᑯᑕᑭᔭᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?
