ᓂᔓ ᑎᒧᑎ 1:8 - ᐅᔅᑭ ᑎᔅᑌᒥᓐᑦ

⁸ ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᓂᔓ ᑎᒧᑎ 1:8 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᓂᔓ ᑎᒧᑎ 4:5

ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᓂᔓ ᑎᒧᑎ 2:9

ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᐃᐱᓯᔭᓇ 3:1

ᐁᐗᑯ ᐅᒪ ᐅᒋ ᓂᓚ ᐹᓪ, ᒋᓴᔅ ᙭ ᐅ ᑭᐸᐙᑲᓇ ᑭᓚᐗᐤ ᒉᓐᑖᐃᓚᒃ ᐅᒋ;

ᐱᓕᐱᔭᓇ 3:10

ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ;

ᐅᐸᓓᑭᔅ ᓘᒃ 9:26

ᐌᓴ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐁᐗᒀᓂᐃ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᑎᐱᓚᐌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᐅᑖᐎᔭ, ᓀᔥᑕ ᐊᓂᐃ ᑳ ᐸᓓᑭᓯᓕᒋ ᐁᓐᒐᓚ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔓ ᑎᒧᑎ 2:3

ᑭᓚ ᒫᑲ ᔑᐯᓕᑕ ᐊᓕᒥᓯᐎᓐ, ᑖᐱᔅᑯᒡ ᐅ ᒥᓗ ᓄᑎᓂᑫᒪ ᒋᓴᔅ ᙭᙮

ᓂᔥᑕᒻ ᑌᓴᓗᓂᔭᓇ 3:4

ᐌᓴ ᑖᐺ, ᐃᔅᐱ ᒣᒀᒡ ᐁ ᐎᒉᐎᑖᑭᐸᓐ, ᑭ ᑮ ᐎᑕᒫᑎᓈᓐ ᐁ ᐃᑌᓕᑖᑯᓯᔭᒃ ᑭᒋ ᑲᒀᑕᑭᐃᑲᐎᔭᒃ; ᑖᐱᔅᑯᒡ ᑳ ᐃᑭᑯᐸᓐ, ᓀᔥᑕ ᑳ ᑭᔅᑫᓕᑕᒣᒃ᙮

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᐃᐱᓯᔭᓇ 3:13

ᐁᐗᑯ ᒫᑲ ᐅᒋ ᓂ ᓇᑕᐌᓕᑌᓐ ᐁᑳ ᑭᒋ ᐊᑲᐌᓕᑕᒥᐃᑯᔦᒃ ᓂᑦ ᐊᓕᒥᓯᐎᓇ ᑭᓚᐗᐤ ᑳ ᐅᒋ ᐅᑎᑎᑯᔮᓐ, ᑳ ᐃᔅᐯᓕᑖᑯᐃᑯᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:33

ᐁ ᐃᑕᓯᓇᐃᑳᑌᒃ, ᒫᑎᑲ, ᓂᑦ ᐊᓕᐤ ᓵᐃᐊᓂᒃ ᐱᔓᓯᐎ ᐊᓯᓂ ᓀᔥᑕ ᑭᔅᑖᐱᔉ ᑫ ᐅᒋ ᓈᔦᑕᐌᓕᒋᑳᑌᒃ: ᐊᐌᓇ ᒫᑲ ᑫ ᑖᐺᔦᓕᒫᑴ ᓇᒪᐎᓚ ᑲᑕ ᓇᓀᐯᐎᓯᐤ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 1:2

ᐊᓇ ᑳ ᑮ ᑎᐹᑐᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ, ᓀᔥᑕ ᒥᓯᐌ ᑫᒀᓇ ᑳ ᑮ ᐙᐸᑕᒃ᙮

ᓂᔥᑕᒻ ᑯᕆᓐᑎᐊᓇ 1:6

ᐅ ᑎᐹᒋᒧᐎᓐ ᙭ ᑳ ᑮ ᐃᔑ ᐋᔨᒋᑕᒫᑲᐎᔦᒃ᙮

ᐅᐸᓓᑭᔅ ᒑᓐ 19:35

ᐊᓇ ᒫᑲ ᑳ ᑮ ᐙᐸᑕᒃ ᑎᐹᒋᒣ, ᓀᔥᑕ ᐅ ᑎᐹᒋᒧᐎᓐ ᑖᐺᐎᓂᐗᓂᓕᐤ: ᓀᔥᑕ ᑭᔅᑫᓕᑕᒻ ᐁ ᑖᐺᑦ, ᑭᒋ ᑖᐺᑕᒣᒃ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᓂᔓ ᑯᕆᓐᑎᐊᓇ 6:7

ᑖᐺᐎᓂ ᐋᔭᒥᐎᓂᒃ, ᑭᒋᒪᓂᑐ ᐅ ᑲᔥᑭᐅᐎᓂᒃ, ᐁ ᑭᑭᔥᑲᒫᒃ ᓇᑐᐸᓕᐎ ᐋᐸᒋᑖᐎᓇ ᒀᔭᔅᑭᑖᑎᓱᐎᓂᒃ ᑳ ᐅᒋᐸᓕᑭ ᑭᒋᓂᔅᑮᒃ ᐃᑌᑫ ᓀᔥᑕ ᓇᒪᑎᓂᔅᑭᒃ ᐃᑌᑫ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:36

ᑖᐱᔅᑯᒡ ᐁ ᐃᑕᓯᓇᐃᑳᑌᒃ, ᑭᓚ ᐅᒋ ᓂ ᓂᐸᐃᑲᐎᓈᓐ ᒥᓯᐌ ᐁᔅᑲᓂ ᑭᔑᑳᒃ; ᓂᑦ ᐃᑕᑭᒥᑲᐎᓈᓐ ᑖᐱᔅᑯᒡ ᒫᓂᔥᒑᓂᔕᒃ ᑳ ᐎ ᓂᐸᐋᑲᓂᐎᒋᒃ᙮

ᐅᐸᓓᑭᔅ ᒑᓐ 15:27

ᓀᔥᑕ ᑭᓚᐗᐤ ᐊᓯᒋ ᑭ ᑳ ᑎᐹᒋᒥᓇᐗᐤ, ᐁ ᑮ ᐎᒉᐎᔦᒃ ᓃᔥᑕᒻ ᐅᒋ᙮

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᓂᔓ ᑎᒧᑎ 2:8

ᑭᔅᑭᓯ ᒋᓴᔅ ᙭, ᑌᐱᑦ ᐅᑦ ᐊᐙᔑᒥᔕ ᑳ ᐅᒋᐸᓕᑦ, ᐁ ᑮ ᐗᓂᔥᑳᓈᑲᓂᐎᑦ ᐅᓂᐱᐗ ᐅᒋ, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ: