ᓂᔓ ᑌᓴᓗᓂᔭᓇ 1:5 - ᐅᔅᑭ ᑎᔅᑌᒥᓐᑦ

⁵ ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ:

ᓂᔓ ᑌᓴᓗᓂᔭᓇ 1:5 Referans Kwoze

ᐱᓕᐱᔭᓇ 1:28

ᐁᑳ ᑫᒀᓐ ᒫᑲ ᐁ ᓭᑭᐃᑖᑾᒃ ᐊᓂᑭ ᑳ ᓄᑎᓂᑖᑾᒃ: ᑳ ᐸᔭᑌ ᑭᔅᑭᓄᐙᒋᑕᒫᒋᒃ ᓂᔑᐗᓈᑎᓯᐎᓂᓕᐤ, ᑭᓚᐗᐤ ᒫᑲ ᐱᒫᒋᐃᑯᓯᐎᓐ, ᐁᐗᑯ ᓀᔥᑕ ᑭᒋᒪᓂᑐ ᐅᒋ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᐅᐸᓓᑭᔅ ᓘᒃ 20:35

ᒫᑲ ᐊᓂᑭ ᑫ ᑌᐸᑫᓕᑖᑯᓯᒋᒃ ᑭᒋ ᐋᔮᒋᒃ ᐊᓂᐁᓕᐤ ᐊᔅᑭᓕᐤ, ᓀᔥᑕ ᐗᓂᔥᑳᐎᓂᓕᐤ ᐅᓂᐱᐗ ᐅᒋ, ᓇᒪᐎᓚ ᐎᑭᑐᐗᒃ, ᓇᒪ ᓀᔥᑕ ᐎᑭᑐᐋᑲᓂᐎᐗᒃ:

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 16:7

ᓂ ᑮ ᐯᑕᐗᐤ ᒫᑲ ᑯᑕᒃ ᐸᑭᒋᑲᓈᐱᔅᑯᒃ ᐁ ᐅᒋ ᐃᑗᑦ, ᐁᑯᔑ ᑖᐺ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔪᑳᑎᓯᔭᓐ, ᑖᐺᒪᑲᓋ ᓀᔥᑕ ᒀᔭᔅᑭᑖᑎᓯᒪᑲᓋ ᑭ ᑎᐹᔅᑯᓂᑫᐎᓇ᙮

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᓂᔥᑕᒻ ᑌᓴᓗᓂᔭᓇ 2:14

ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ,

ᑯᓚᔑᔭᓇ 1:12

ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:5

ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮