ᓂᔓ ᐱᑕᕐ 2:7 - ᐅᔅᑭ ᑎᔅᑌᒥᓐᑦ

⁷ ᓀᔥᑕ ᑮ ᐎᑾᒋᐁᐤ ᑳ ᒀᔭᔅᑭᑎᓕᑭ ᓚᑕ, ᐁ ᒪᒥᔕᒣᓕᑕᒥᐃᑯᓕᒋ ᐅ ᐎᓂᓯᐎ ᐃᔑᐱᒫᑎᓯᐎᓂᓕᐤ ᑳ ᒪᒋᑣᓕᒋ:

ᓂᔓ ᐱᑕᕐ 2:7 Referans Kwoze

ᓂᔓ ᐱᑕᕐ 3:17

ᑭᓚᐗᐤ ᒫᑲ, ᓯᐋᑭᐃᑕᑾᒃ, ᓂᑳᓐ ᐁ ᑭᔅᑫᓕᑕᒣᒃ ᐅᐅ ᑫᒀᓇ, ᔮᒀᒡ ᑭᓚᐗᐤ ᓀᔥᑕ, ᐁᑳ ᑭᒋ ᑭᒋᐎᓕᑲᐎᔦᒃ ᐅᒪᒋᑖᐗᒃ ᐅ ᐗᓀᓕᑕᒧᐎᓂᐗᐤ ᐅᒋ, ᑭᒋ ᐸᑭᔑᓂᔦᒃ ᑎᐱᓚᐌ ᑭ ᒪᔥᑲᐌᓕᑕᒧᐎᓂᐙᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 10:13

ᓇᒪᐎᓚ ᑲᑴᒋᐃᐌᐎᓐ ᑭ ᑮ ᐅᒋ ᒫᑯᓂᑯᓇᐗᐤ ᐊᓂᐃ ᐱᑯ ᒧᔕᒃ ᑳ ᐅᑎᑎᑯᒋᒃ ᐃᓕᓕᐗᒃ: ᒫᑲ ᑭᒋᒪᓂᑐ ᒀᔭᔅᑭᑎᐤ, ᓇᒪᐎᓚ ᒫᑲ ᑭ ᑳ ᐸᑭᑎᓂᑯᐗᐤ ᐊᐙᓯᑌ ᑭᒋ ᑲᑴᒋᐃᑲᐎᔦᒃ ᐁ ᐃᔅᐱᒋ ᓱᑳᑎᓯᔦᒃ; ᒫᑲ ᐁ ᑲᑴᒋᐃᑲᐎᔦᒃ ᑭ ᑳ ᐙᐸᑎᓕᑯᐗᐤ ᑫ ᐃᔑ ᐅᔑᒧᔦᒃ, ᑭᒋ ᑮ ᔕᑯᑖᔦᒃ᙮

ᓂᔓ ᐱᑕᕐ 2:2

ᒥᒉᑦ ᒫᑲ ᑲᑕ ᓇᔅᐱᑕᒬᐗᒃ ᐅ ᒪᒋ ᐃᔑᑡᐎᓂᓕᐗ; ᐅᑯ ᐅᒋ ᒫᑲ ᑖᐺᐎᓂ ᐃᔑᑡᐎᓐ ᑕ ᒪᒋ ᐋᓕᒧᒋᑳᑌᐤ᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮