3 ᑮᔥᐱᓐ ᐁᑯ ᐃᔑ ᑮ ᐳᔅᑎᔥᑲᒧᑎᓕᑲᐎᔭᒃ ᓇᒪᐎᓚ ᑭ ᑳ ᒥᔅᑳᑲᐎᓈᓇᐤ ᐁ ᒧᔐᔥᑲᑌᔭᒃ᙮
ᑭ ᔑᑭᒥᑎᓐ ᑭᒋ ᐊᑖᒥᔭᓐ ᐅᓵᐎᔔᓕᐊᓈᐱᔉ ᐃᔥᑯᑌᒃ ᑳ ᑲᑴᒋᑖᓂᐗᒃ, ᑭᒋ ᒥᔕᑭᓯᔭᓐ; ᓀᔥᑕ ᑳ ᐙᐹᑭ ᐎᓛᒋᑲᓇ, ᐁᑳ ᑭᒋ ᓄᑾᒃ ᑭ ᓇᓀᐯᐎᓯᐎᓐ ᐁ ᒧᔐᔥᑲᑌᔭᓐ; ᓀᔥᑕ ᑭᒋ ᑐᒥᓇᒪᓐ ᑭᔅᑭᔑᑾ ᒥᔅᑭᔑᑯᑐᒥᓂᑲᓐ ᐅᒋ, ᑭᒋ ᑮ ᐙᐱᔭᓐ᙮
ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮
ᐌᓴ ᐅᒪ ᐅᒋ ᑭ ᒪᒫᐱᓈᓇᐤ, ᓈᔅᐱᒡ ᐁ ᓇᑕᐌᓕᑕᒪᒃ ᑭᒋ ᐳᔅᑎᔥᑲᒧᑎᓕᑲᐎᔭᒃ ᐊᓂᒪ ᑭ ᐙᔅᑳᔨᑲᓂᒥᓇᐤ ᑭᒋᑭᔑᑯᒃ ᑳ ᐅᒋᐸᓕᒃ:
ᐌᓴ ᑭᓚᓈᓇᐤ ᑳ ᐃᑖᔭᒃ ᐅᒪ ᒥᑭᐙᒥᒃ ᑭ ᒪᒫᐱᓈᓇᐤ, ᐁ ᑄᐗᑌᔭᒃ: ᐁᑳ ᐁ ᓇᑕᐌᓕᑕᒪᒃ ᑭᒋ ᑫᑕᓗᐎᓂᑲᐎᔭᒃ, ᒫᑲ ᑭᒋ ᐳᔅᑎᔥᑲᒧᑎᓕᑲᐎᔭᒃ, ᐊᓂᒪ ᑳ ᓂᐱᐗᒃ ᑭᒋ ᒥᓯᐌᐸᓕᑖᓂᐗᒃ ᐱᒫᑎᓯᐎᓂᒃ᙮
