2 ᐌᓴ ᑮᔥᐱᓐ ᒥᒋᓚᐌᓯᐃᑕᑾᒃ, ᐊᐌᓇ ᐊᓇ ᑳ ᓯᑭᓓᐃᑦ, ᐊᓇ ᐱᑯ ᑳ ᒥᒋᓚᐌᓯᐊᒃ?
ᐌᓴ ᐋᑕ ᐁ ᑮ ᒥᒋᓚᐌᓯᐃᑕᑾᒃ ᐁ ᑮ ᒪᓯᓇᐊᒫᑕᑾᒃ, ᓇᒪᐎᓚ ᓂ ᒥᑖᑌᓐ, ᐋᑕ ᐁ ᑮ ᒥᑖᑕᒫᓐ: ᐌᓴ ᓂ ᐙᐸᑌᓐ ᐊᓂᒪ ᒪᓯᓇᐊᒫᑫᐎᓐ ᐁ ᑮ ᒥᒋᓚᐌᓯᐃᑯᔦᒃ, ᐊᒋᓚᐤ ᒫᑲ ᐱᑯ᙮
ᑖᐱᔅᑯᒡ ᓀᔥᑕ ᐸᔅᑭ ᑳ ᑮ ᐃᑖᒋᒥᔦᒃ, ᓂᓚᓈᓐ ᐁ ᐅ ᒧᒋᑫᓕᑕᒧᐎᓂᔦᒃ, ᒬᒋ ᑖᐱᔅᑯᒡ ᑭᓚᐗᐤ ᐁ ᐅ ᒧᒋᑫᓕᑕᒧᐎᓂᔮᒃ ᐅ ᑭᔑᑳᒥᒃ ᐅᑎᐯᓕᒋᑫᐤ ᒋᓴᔅ᙮
ᑮᔥᐱᓐ ᒫᑲ ᐯᔭᒃ ᐸᔅᑫᓯᐎᓐ ᐎᓴᑫᓕᑕᒧᒪᑲᒃ, ᒥᓯᐌ ᑯᑕᑭᔭ ᐸᔅᑫᓯᐎᓇ ᐊᓯᒋ ᐎᓴᑫᓕᑕᒧᒪᑲᓋ; ᓀᔥᑕᐱᑯ ᐯᔭᒃ ᐸᔅᑫᓯᐎᓐ ᑭᔅᑌᓕᒋᑳᑌᒃ, ᒥᓯᐌ ᑯᑕᑭᔭ ᐸᔅᑫᓯᐎᓇ ᐊᓯᒋ ᒥᓚᐙᑕᒧᒪᑲᓋ᙮
ᐎᒋᒥᓚᐙᑕᒧᒥᑯᒃ ᐊᓂᑭ ᑳ ᒥᓚᐙᑕᑭᒃ, ᓀᔥᑕ ᐎᒋᒫᑐᒥᑯᒃ ᐊᓂᑭ ᑳ ᒫᑐᒋᒃ᙮
ᐊᐌᓇ ᓓᓚᒥᓰᑦ ᓀᔥᑕ ᐁᑳ ᐁ ᓕᓚᒥᓯᔮᓐ ᓂᓚ? ᐊᐌᓇ ᓀᔦᑕᐎᓇᐌᓯᑦ ᓀᔥᑕ ᐁᑳ ᐁ ᐃᔅᒀᓱᔮᓐ ᓂᓚ?
ᒫᑲ ᐃᔅᐱ ᐅᔥᑭᓂᑭᐤ ᐱᐁᑕᒃ ᐊᓂᐁᓕᐤ ᐃᑗᐎᓂᓕᐤ, ᑮ ᑭᑐᑌᐤ ᐁ ᒥᒋᓚᐌᓯᑦ; ᐌᓴ ᑭᒋ ᐌᓗᑎᓯᐎᓇ ᑮ ᐋᔭᐤ᙮
