8 ᐌᓴ ᓇᒪᐎᓚ ᑫᒀᓐ ᓂ ᑳ ᑮ ᑐᑌᓈᓐ ᑭᒋ ᒫᔑᑖᔮᒃ ᑖᐺᐎᓐ ᒫᑲ ᑭᒋ ᐎᒋᑖᔮᒃ ᑕᐺᐎᓐ᙮
ᒫᑲ ᒋᓴᔅ ᑮ ᐃᑗᐤ, ᐁᑳᐎᓚ ᑭᑕᐊᒫᒃ: ᐌᓴ ᓇᒪᐎᓚ ᐊᐌᓇ ᐃᑕᐤ ᑫ ᒫᒪᑖᐎ ᐃᔑᒋᑫᑦ ᓂᑦ ᐃᔑᓂᑳᓱᐎᓂᒃ, ᔐᔥᒀᑦ ᑫ ᑮ ᒪᒋ ᐋᓕᒧᒥᑦ᙮
ᐅᑯ ᐋᑎᑦ ᐁᐗᒀᓂᑭ ᐦᐊᐃᒥᓂᔭᔅ ᓀᔥᑕ ᐋᓕᒃᓵᓐᑕᕐ; ᑳ ᑮ ᐸᑭᑎᓇᒪᐗᒃ ᓭᑖᓐ, ᑭᒋ ᐎ ᑲᑴ ᑭᔅᑫᓕᑕᑭᒃ ᐁᑳ ᑭᒋ ᐹᔅᑕᒧᒋᒃ᙮
ᐁᐗᑯ ᐌᒋ ᐅᐅ ᒪᓯᓇᐊᒫᓐ, ᐁ ᐃᑖᐱᒋᔮᓐ, ᒫᔅᑯᒡ ᐁᑖᔮᓂ ᐃᑕ ᐁ ᐃᑖᔦᒃ ᓂ ᑳ ᑭᓯᐗᐊᔭᒥᑖᔾ, ᑳ ᐃᑕᔅᑌᒃ ᐊᓂᒪ ᑲᔥᑭᐅᐎᓐ ᑳ ᑮ ᒥᓕᑦ ᐅᑎᐯᓕᒋᑫᐤ, ᑭᒋ ᑭᔅᑭᓄᐊᒫᑫᔮᓐ, ᓇᒪ ᒫᑲ ᑭᒋ ᓂᔑᐗᓈᒋᐃᐌᔮᓐ᙮
ᐌᓴ ᐋᑕ ᓂ ᑳ ᒫᒪᑖᑯᒧᑖᔾ ᓂ ᑎᐯᓕᒋᑫᐎᓂᓈᓐ ᐅᒋ, ᑳ ᑮ ᒥᓕᐃᔭᒥᑦ ᐅᑎᐯᓕᒋᑫᐤ ᑭᒋ ᑲᑫᔅᑭᒥᑕᑾᒃ ᓇᒪ ᒫᑲ ᑭᒋ ᓂᔑᐗᓈᒋᐃᑕᑾᒃ, ᓇᒪᐎᓚ ᓂ ᑳ ᓇᓀᐯᐎᓯᑖᐤ:
ᓂᑦ ᐋᔭᒥᐁᔅᑕᐗᐤ ᒫᑲ ᑭᒋᒪᓂᑐ ᐁᑳ ᑭᒋ ᑐᑕᒣᒃ ᑳ ᒫᓛᑕᒃ; ᓇᒪᐎᓚ ᓂᓚᓈᓐ ᑭᒋ ᐃᔑᓈᑯᓯᔮᒃ ᐁ ᓇᐁᓕᑖᑯᓯᔮᒃ, ᒫᑲ ᑭᓚᐗᐤ ᑭᒋ ᑐᑕᒣᒃ ᐊᓂᒪ ᑳ ᒀᔭᔅᑭᑌᓕᑖᑾᒃ, ᐋᑕ ᓂᓚᓈᓐ ᑖᐱᔅᑯᒡ ᐌᐱᓂᑲᓇᒃ ᐁ ᐃᑕᑭᒥᑲᐎᔮᒃ᙮
ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮
