ᓂᔓ ᑯᕆᓐᑎᐊᓇ 12:9 - ᐅᔅᑭ ᑎᔅᑌᒥᓐᑦ

⁹ ᓂ ᑮ ᐃᑎᒃ ᒫᑲ, ᓂ ᔕᐌᓕᒋᑫᐎᓐ ᑭ ᑳ ᑌᐱᐸᓕᐃᑯᓐ; ᐌᓴ ᓂ ᒪᔥᑲᐎᓯᐎᓐ ᑭᔑᑖᓂᐗᓐ ᓕᓚᒥᓯᐎᓂᒃ᙮ ᐁᐗᑯ ᐅᒋ ᒫᑲ ᓇᐗᒡ ᓂ ᑳᒫᒪᑖᑯᒧᓐ ᓂ ᓕᓚᒥᓯᐎᓂᒃ, ᐅ ᑲᔥᑭᐅᐎᓐ ᙭ ᑭᒋ ᑗᐅᑐᑕᑯᐗᒃ᙮

ᓂᔓ ᑯᕆᓐᑎᐊᓇ 12:9 Referans Kwoze

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᓂᔓ ᑯᕆᓐᑎᐊᓇ 12:10

ᐁᐗᑯ ᐌᒋ ᒥᓜᓕᑕᒫᓐ ᓕᓚᒥᓯᐎᓂᒃ, ᑭᑐᑎᑯᓯᐎᓂᒃ, ᐙᐙᓀᓕᑕᒧᐎᓂᒃ, ᑲᒀᑕᑭᐃᑯᓯᐎᓂᒃ, ᐊᓕᒥᐃᑯᓯᐎᓂᒃ ᙭ ᐅᒋ: ᐌᓴ ᐃᔅᐱ ᓕᓚᒥᓯᔮᓐ, ᐁᑯ ᒣᔥᑲᐎᓯᔮᓐ᙮

ᐃᐱᓯᔭᓇ 3:16

ᑭᒋ ᐸᑭᑎᓇᒫᑖᒃ, ᐁ ᐃᔅᐱᒋ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ, ᑭᒋ ᒪᔥᑲᐎᐃᑯᔦᒃ ᓱᑳᑎᓯᐎᓐ, ᐅᑦ ᐊᒑᑾ ᐅᒋ, ᑭ ᐱᒋ ᐃᑖᑎᓯᐎᓂᐙᒃ;

ᓂᔥᑕᒻ ᑯᕆᓐᑎᐊᓇ 10:13

ᓇᒪᐎᓚ ᑲᑴᒋᐃᐌᐎᓐ ᑭ ᑮ ᐅᒋ ᒫᑯᓂᑯᓇᐗᐤ ᐊᓂᐃ ᐱᑯ ᒧᔕᒃ ᑳ ᐅᑎᑎᑯᒋᒃ ᐃᓕᓕᐗᒃ: ᒫᑲ ᑭᒋᒪᓂᑐ ᒀᔭᔅᑭᑎᐤ, ᓇᒪᐎᓚ ᒫᑲ ᑭ ᑳ ᐸᑭᑎᓂᑯᐗᐤ ᐊᐙᓯᑌ ᑭᒋ ᑲᑴᒋᐃᑲᐎᔦᒃ ᐁ ᐃᔅᐱᒋ ᓱᑳᑎᓯᔦᒃ; ᒫᑲ ᐁ ᑲᑴᒋᐃᑲᐎᔦᒃ ᑭ ᑳ ᐙᐸᑎᓕᑯᐗᐤ ᑫ ᐃᔑ ᐅᔑᒧᔦᒃ, ᑭᒋ ᑮ ᔕᑯᑖᔦᒃ᙮

ᐦᐃᑉᕉᐗ 4:16

ᐁᐗᑯ ᐅᒋ ᐁᑯᔑ ᓱᑭᑌᐁᐎ ᐯᒋ ᓈᑖᑕᐤ ᔕᐌᓕᒋᑫᐎ ᐅᑭᒪᐗᐱᐎᓐ, ᑭᒋ ᑮ ᐅᑎᓇᒪᒃ ᑭᑎᒫᑫᓕᒋᑫᐎᓐ, ᓀᔥᑕ ᑭᒋ ᒥᔅᑲᒪᒃ ᔕᐌᓕᒋᑫᐎᓐ ᑭᒋ ᐎᒋᐃᑯᔭᒃ ᐃᐊᓕᒥᓯᔭᑯ᙮

ᓂᔓ ᑯᕆᓐᑎᐊᓇ 12:5

ᐊᐗ ᒫᑲ ᓂ ᑳ ᐅᒋ ᒫᒪᑖᑯᒧᓐ: ᓂᓚ ᑫᒋᐙᒃ ᒫᑲ ᓇᒪᐎᓚ ᓂ ᑳ ᐅᒋ ᒫᒪᑖᑯᒧᓐ, ᐱᑯ ᓂ ᓕᓚᒥᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 2:5

ᑭ ᑖᐺᔦᓕᑕᒧᐎᓂᐗᐤ ᐁᑳ ᑭᒋ ᓂᐸᐎᒪᑲᒃ ᐅ ᑲᑫᑕᐌᓕᑕᒧᐎᓂᐙᒃ ᐃᓕᓕᐗᒃ, ᒫᑲ ᐅ ᑲᔥᑭᐅᐎᓂᒃ ᑭᒋᒪᓂᑐ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᓂᔓ ᑯᕆᓐᑎᐊᓇ 11:30

ᑮᔥᐱᓐ ᒫᑲ ᓇᑕᐌᓕᑖᑯᓯᔮᓐ ᑭᒋ ᒫᒪᑖᑯᒧᔮᓐ, ᓂ ᑳ ᐅᒋ ᒫᒪᑖᑯᒧᓐ ᓂ ᓕᓚᒥᓯᐎᓇ ᐅᒋ᙮

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᐦᐃᑉᕉᐗ 11:34

ᑳ ᑮ ᐋᔅᑕᐌᐊᑭᒃ ᐁ ᐃᔑ ᐗᓚᑌᓕᒃ ᐃᔥᑯᑌᓕᐤ, ᑳ ᑮ ᐅᔑᑕᑭᒃ ᐁ ᑳᔖᓕᒃ ᔑᒫᑲᓂᓕᐤ, ᐁ ᓕᓚᒥᓯᒋᒃ ᑳ ᑮ ᒪᔥᑲᐎᓯᐋᑲᓂᐎᒋᒃ, ᑳ ᑮ ᓱᑭᑌᐁᒋᒃ ᐁ ᓄᑎᓂᑫᒋᒃ, ᑳ ᑮ ᑭᒋᑎᔕᐙᒋᒃ ᐅ ᓄᑎᓂᑫᐎᓕᓕᒥᓕᐗ ᒫᓐᑌᐗ᙮

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᓂᔓ ᑯᕆᓐᑎᐊᓇ 12:15

ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔥᑕᒻ ᑯᕆᓐᑎᐊᓇ 2:3

ᓀᔥᑕ ᑭ ᑮ ᐎᒉᐎᑎᓇᐗᐤ ᓕᓚᒥᓯᐎᓂᒃ, ᓀᔥᑕ ᓭᑭᓯᐎᓂᒃ, ᓀᔥᑕ ᑭᒋ ᓇᓂᑭᐸᓕᐎᓂᒃ᙮

ᓂᔓ ᑯᕆᓐᑎᐊᓇ 12:1

ᓇᒪᐎᓚ ᑭᔅᑎᓈᒡ ᒥᓗᐸᓕᐤ ᑭᒋ ᒫᒪᑖᑯᒧᔮᓐ᙮ ᓂ ᑳ ᒫᒋ ᐋᓕᒧᑕᒸᓐ ᐅ ᐙᐸᑎᓕᐌᐎᓇ ᓀᔥᑕ ᐅ ᑭᔅᑫᓕᑖᑯᑖᑫᐎᓇ ᐅᑎᐯᓕᒋᑫᐤ᙮