1 ᓇᑕᒫ ᑮ ᔑᐱᓚᐌᓯᔅᑕᐎᔦᒃ ᒫᓐᔑᔥ ᓂ ᑲᑫᐹᑎᓯᐎᓂᒃ: ᑖᐺ ᐃᓴ ᔑᐱᓚᐌᓰᔅᑕᐎᒃ᙮
ᐌᓴ ᑮᔥᐱᓐ ᐊᓇ ᑳ ᐯᒋ ᐃᑐᑌᑦ ᑲᑫᔅᑭᒥᐌᑌ ᑯᑕᑭᔭ ᒋᓴᓴ, ᐁᑳ ᑳ ᑮ ᑲᑫᔅᑭᒥᐌᔮᒃ ᓂᓚᓈᓐ, ᓀᔥᑕᐱᑯ ᑮᔥᐱᓐ ᐅᑎᓀᑴ ᑯᑕᒃ ᐊᒑᒃ ᐁᑳ ᑳ ᑮ ᐅᑎᓀᒃ, ᓀᔥᑕᐱᑯ ᑯᑕᒃ ᒥᓗᐋᒋᒧᐎᓐ, ᐁᑳ ᑳ ᑮ ᐅᑎᓇᒣᒃ, ᑖᐺ ᑭ ᑳ ᔑᐱᓚᐌᓯᔅᑕᐙᑕᐗᐤ᙮
ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮
ᓂᑦ ᐋᓕᒧᑌᓐ ᒫᓓᓕᑖᑯᓯᐎᓐ, ᑖᐱᔅᑯᒡ ᐁ ᑮ ᓕᓚᒥᓯᔮᑭᐸᓐ, ᐁᓕᐌᒃ ᒫᑲ ᐱᑯ ᐃᑕ ᐊᐌᓇ ᐁ ᓱᑫᓕᒧᑦ, ᓂ ᑮᔥᑴᒧᓐ, ᓂᓚ ᓀᔥᑕ ᓂ ᓱᑫᓕᒪᓐ᙮
ᐌᓴ ᑮ ᓯᑭᓓᓯᐎ ᐃᓕᓇᐗᐗᒃ ᑭᔥᑴᑳᓇᒃ, ᑭᓚᐗᐤ ᐁ ᑲᑫᑕᐌᓕᑕᒣᒃ᙮
ᐌᓴ ᑮᔥᐱᓐ ᑮᔥᑴᔮᒃ, ᐃᑭᓐ ᑭᒋᒪᓂᑐ ᐅᒋ; ᓀᔥᑕᐱᑯ ᑮᔥᐱᓐ ᓕᑄᑳᔮᒃ ᐃᑭᓐ ᑭᓚᐗᐤ ᐅᒋ᙮
ᐊᐌᓇ ᑳ ᑲᔥᑭᑖᑦ ᑭᒋ ᑭᑎᒫᑫᓕᒫᑦ ᐊᓂᐃ ᑳ ᑲᑫᐹᑎᓯᓕᒋ, ᐊᓂᐃ ᓀᔥᑕ ᑳ ᐸᔅᑫᐊᒣᓕᒋ; ᐌᓴ ᐎᓚ ᑫᒋᐙᒃ ᐁ ᐙᔅᑳᔅᑳᑯᑦ ᓂᓚᒥᓯᐎᓂᓂᐤ᙮
ᓂ ᑮ ᐊᑎ ᑭᔥᑴᑳᓂᐎᓐ ᐁ ᒫᒪᑖᑯᒧᔮᓐ; ᑭᓚᐗᐤ ᑳ ᑮ ᑲᔥᑭᐃᔦᒃ: ᐌᓴ ᔮᓕᑌᓐ ᑭ ᑳ ᑮ ᒥᓗᐋᓕᒧᒥᑕᐗᐤ; ᐌᓴ ᓇᒪᐎᓚ ᑫᒀᓐ ᓂ ᐅᒋ ᓄᑌᐸᓕᓐ ᐊᓂᑭ ᒪᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮
ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮
ᐊᓄᒡ ᑭ ᑭᔥᐳᓇᐗᐤ, ᐊᓄᒡ ᑭ ᒥᔕᑭᓯᓇᐗᐤ, ᑭ ᑮ ᑎᐯᓕᒋᑳᓇᐗᐤ ᑖᐱᔅᑯᒡ ᑭᒋᐅᑭᒪᐗᒃ ᐋᑕ ᐁᑳ ᐁ ᐎᒉᐎᑖᒃ; ᓐᑕᒫᑕ ᓀᔥᑕ ᑖᐺ ᑎᐯᓕᒋᑫᔦᒃ, ᓂᓚᓈᓐ ᐊᓯᒋ ᑭᓚᐗᐤ ᑭᒋ ᑎᐯᓕᒋᑫᔮᒃ᙮
ᐁᑯᔑ ᐁᑳᐎᓚ ᐊᐌᓇ ᑲᑕ ᐙᔦᔑᐃᑎᓱ: ᑮᔥᐱᓐ ᐊᐌᓇ ᐃᓕᓕᐤ ᐁ ᐃᑕᔑᔦᒃ ᑫᑫᑕᐌᓕᒥᒋ ᐅᑕ ᐊᔅᑮᒃ, ᐁᑯᔑ ᑲᑕ ᑮᔥᑴᑲᓂᐎᐤ, ᐁᑯ ᐃᔑ ᑭᒋ ᑲᑫᑕᐌᓕᑕᒃ᙮
ᐹᓪ ᒫᑲ ᑮ ᐃᑗᐤ, ᓂ ᐸᑯᓭᓕᒪᐤ ᑭᒋᒪᓂᑐ, ᓇᒪᐎᓚ ᑭᓚ ᐱᑯ, ᒫᑲ ᐊᓯᒋ ᒥᓯᐌ ᐊᓂᑭ ᑳ ᐯᑖᐎᒋᒃ ᐊᓄᒡ ᐁ ᑭᔑᑳᒃ ᒫᒪᐤ ᑫᑳᑦ ᑭᒋ ᐃᑎᒋᒃ, ᓀᔥᑕ ᒥᑐᓂ ᑖᐱᔅᑯᒡ ᐁ ᐃᑎᔮᓐ, ᐱᑯ ᐅᐅ ᒫᒫᒋᑯᐱᓱᐎᓇ᙮
ᐃᔅᐱ ᒫᑲ ᐹᓪ ᐙ ᐊᑎ ᐹᔅᑭᑐᓀᓕᑦ, ᑳᓕᐅ ᑮ ᐃᑌᐤ ᐊᓂᐃ ᒎᐗ, ᑮᔥᐱᓐ ᐙᔦᔥ ᑮ ᒪᒋ ᑐᒋᑳᑌᑯᐸᓀ, ᓀᔥᑕᐱᑯ ᑮ ᒪᒋ ᐋᔨᑎᓈᓂᐙᓄᑯᐸᓀ, ᐅ ᑭᓚᐗᐤ ᑳ ᒎᐎᔦᒃ, ᒀᔭᔉ ᑲᑕ ᐃᑌᓕᑖ ᑲᓄᐸᓐ ᑭᒋ ᐱᔑᒋᐃᑕᑾᒃ:
ᐁᑯ ᒋᓴᔅ ᓀᔥᑴᐗᔑᐃᐌᑦ ᐁ ᐃᑗᑦ, ᐅ ᐁᑳ ᐌᑖᐺᑕᒧᐎᓂᔦᒃ ᓀᔥᑕ ᓀᔦᑕᐙᑎᓯᔦᒃ ᑳ ᐋᓂᔅᑫᐱᒫᑎᓯᔦᒃ, ᑖᓀᓕᑯᒃ ᑫ ᐎᒉᐎᑕᑾᒃ? ᑖᓀᓕᑯᒃ ᑫ ᐯᐃᑕᑾᒃ! ᐯᑐᐎᓐ ᓂᓚ᙮
