6 ᒫᑲ ᒪᓂᑐᐙᑎᓯᐎᓐ ᐁ ᐊᓯᒋᐸᓕᒃ ᑌᐱᓚᐌᓯᐎᓐ ᐁᐗᑯ ᑭᒋ ᐅᑎᓯᐎᓐ᙮
ᐁᑯᔑ ᑭᑦ ᐃᔑᐱᒫᑎᓯᐎᓂᐗᐤ ᐁᑳᐎᓚ ᒧᔅᑌᓇᒫᑫᐎᓐ ᑲᑕ ᐊᓯᒋᐸᓕᐤ; ᑌᐯᓕᑕᒧᒃ ᒫᑲ ᐊᓂᐃ ᐁ ᐃᔑ ᐋᔮᔦᒃ: ᐌᓴ ᑮ ᐃᑗᐤ, ᓇᒪᐎᔅᑳᑦ ᑭ ᑳ ᓇᑲᑎᑎᓐ, ᓇᒪᐎᔅᑳᑦ ᑭ ᑳ ᐌᐱᓂᑎᓐ᙮
ᐁ ᐋᔮᔭᒃ ᒫᑲ ᑫ ᒥᒋᔭᒃ ᓀᔥᑕ ᑫ ᐎᓛᑕᒪᒃ, ᐁᑯᔑ ᐁᐗᑯ ᐅᒋ ᑌᐯᓕᑖᑕᐤ᙮
ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮
ᐌᓴ ᓂᓚ ᑭᒋ ᐱᒫᑎᓯᔮᓐ ᐁᐗᑯ ᙭, ᓀᔥᑕ ᑭᒋ ᓂᐱᔮᓐ ᐁᐗᑯ ᐅᑎᓯᐎᓐ᙮
ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮
ᓇᑐᐸᓕᐎᓕᓕᐗᒃ ᓀᔥᑕ ᑮ ᑲᑴᒋᒣᐗᒃ, ᐁ ᐃᑗᒋᒃ, ᑫᒀᓐ ᓂᓚᓈᓐ ᓀᔥᑕ ᑫ ᑐᑕᒫᒃ? ᑮ ᐃᑌᐤ ᒫᑲ, ᐁᑳᐎᓚ ᐅᔑᑯᐃᒃ ᐊᐌᓇ, ᐁᑳᐎᓚ ᓀᔥᑕ ᑭᓛᔅᑭ ᒪᒥᔑᒥᒃ ᐊᐌᓇ; ᑌᐯᓕᑕᒧᒃ ᒫᑲ ᑭ ᑎᐸᐊᒫᑯᓰᐃᓂᐗᐤ᙮
ᐌᓴ ᑳ ᓛᑯᔑᒃ ᑭ ᑲᒀᑕᑭᓯᐎᓂᓇᐤ, ᐱᑕᒫ ᐱᑯ ᑳ ᐃᑭᒃ, ᓂ ᑲᔥᑭᑕᒫᑯᓈᓐ ᓈᔅᐱᒡ ᐊᐙᓯᑌ ᑴᓯᑾᒃ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓐ;
ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮
