3 ᑭᔅᑌᓕᒥᒃ ᑭᑎᒫᑭᔅᑴᐗᒃ ᑖᐺ ᑳ ᑭᑎᒫᑭᑴᐎᒋᒃ᙮
ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮
ᑭᔅᑌᓕᒥᑯᒃ ᒥᓯᐌ ᐃᓕᓕᐗᒃ᙮ ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᓇᓂᒌᔅᑖᒃ ᑭᒋᒪᓂᑐ᙮ ᑭᔅᑌᓕᒥᒃ ᑭᒋᐅᑭᒪᐤ᙮
ᑖᐱᔅᑯᒡ ᓀᔥᑕ, ᑭᓚᐗᐤ ᓈᐯᑐᒃ, ᐎᒋᑕᔑᑫᒥᑯᒃ ᐁ ᐃᔑ ᑭᔅᑫᓕᒋᑳᑌᒃ, ᐁ ᑭᔅᑌᓕᒣᑾᒃ ᑭᐎᐗᐗᒃ ᑖᐱᔅᑯᒡ ᑳ ᓕᓚᒪᒃ ᐊᓱᐗᒋᑲᓐ, ᑖᐱᔅᑯᒡ ᓀᔥᑕ ᐁ ᐃᑌᓕᑖᑯᓯᔦᒃ ᑭᒋ ᐊᑎ ᐋᔭᔦᒃ ᐱᒫᑎᓯᐎᓂ ᔕᐌᓕᒋᑫᐎᓐ; ᑭᑦ ᐋᔭᒦᐋᐎᓂᐙᐗ ᐁᑳ ᑭᒋ ᑭᐱᒋᑖᓂᐗᑭ᙮
ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮
ᓇᒪ ᓀᔥᑕ ᐃᓕᓕᐗᒃ ᓂ ᑮ ᐅᒋ ᓈᓇᑕᐌᓕᑌᓈᐤ ᐱᓯᔅᑫᓕᑖᑯᓯᐎᓐ, ᓇᒪ ᓀᔥᑕ ᑭᓚᐗᐤ ᐅᒋ, ᓇᒪ ᓀᔥᑕ ᑯᑕᑭᔭᒃ ᐅᒋ, ᐃᔅᐱ ᑳ ᑲᔥᑭᑖᔮᑭᐸᓐ ᑭᒋ ᑎᐯᓕᒋᑫᓕᒥᑎᓱᔮᒃ ᑖᐱᔅᑯᒡ ᙭ ᐅᑦ ᐊᐸᔅᑕᓕᒪ᙮
ᐁᑯ ᐱᑕᕐ ᑳ ᐸᓯᑯᑦ, ᑮ ᐎᒉᐌᐤ ᒫᑲ᙮ ᐃᔅᐱ ᑳ ᑕᑯᔑᒃ, ᑮ ᐯᒋ ᐱᑐᑲᐁᐗᒃ ᐊᓐᑕ ᑕᑯᒡ ᑳ ᐱᔅᑭᒑᒃ ᐙᔅᑳᔨᑲᓂᓕᐤ: ᒥᓯᐌ ᒫᑲ ᑳ ᑭᐙᑎᓯᓕᒋ ᐃᔅᑴᐗ ᑮ ᐎᒋᑲᐸᐎᔅᑖᑯ ᐁ ᒫᑐᓕᒋ, ᓀᔥᑕ ᐁ ᐗᐗᐸᑎᓛᓕᒋ ᐊᓂᐃ ᐊᑰᐸ ᓀᔥᑕ ᐎᓛᒋᑲᓇ ᑳ ᑮ ᐅᔑᑖᓕᒋ ᑐᕐᑲᓴ ᒣᒀᒡ ᐁ ᐗᐎᒉᐎᑯᒋᒃ᙮
ᐃᔅᐱ ᒫᑲ ᐱᐁᔡᐸᑕᒃ ᐃᑖᐎᓂᓕᐤ ᐁ ᐃᔥᒀᑌᒥᐗᓂᓕᒃ, ᒫᑎᑲ, ᐁ ᓂᐱᑦ ᐃᓕᓕᐤ ᑮ ᐱᒥᐗᓚᐎᑕᐊᐤ, ᐎᓚ ᐁ ᐯᔭᑯᔖᓂᒥᑯᑦ ᐅᑳᐎᔭ ᑮ ᑭᑎᒫᑭᔅᑴᐎᓕᐗ ᒫᑲ: ᐎᓚ ᑮ ᐎᒉᐎᑯ ᒫᑲ ᒥᒉᑦ ᐃᓕᓕᐗ ᐃᑖᐎᓂᒃ ᐅᒋ᙮
ᑮ ᑭᑎᒫᑭᔅᑴᐎᐤ, ᓀᔥᑕ ᓈᓐᑕᐤ ᔭᓈᓀᒥᑕᓇᐤ ᓀᐅᔖᑉ ᓀᔥᑕ ᑮ ᑕᑐ ᐱᐴᓀᓯᐤ, ᐁᑳ ᑳ ᓈᑲᑕᒃ ᑭᒋᐋᔭᒥᐁᐎᑲᒥᑯᓕᐤ, ᒫᑲ ᑮ ᐊᑑᔅᑫᔅᑕᐌᐤ ᑭᒋᒪᓂᑐᐗ ᐁ ᓂᑲᓱᑦ ᓀᔥᑕ ᐁ ᐋᔭᒥᐋᑦ ᐁ ᑎᐱᔅᑳᓕᒃ ᓀᔥᑕ ᐁ ᑭᔑᑳᓕᒃ᙮
ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮
ᐁᑳ ᒫᑲ ᑫᔅᑌᓕᒫᑴ ᐅᑖᐎᔭ ᓀᔥᑕᐱᑯ ᐅᑳᐎᔭ, ᓇᒪᐎᓚ ᑲᑕ ᐋᓉᓕᑖᑯᓯᐤ᙮ ᐁᐗᑯ ᐅᒋ ᑭ ᑐᑌᓇᐗᐤ ᑭᒋᒪᓂᑐ ᐅ ᑲᑫᔅᑴᐎᓐ ᐸᑾᓐᑕᐤ ᑭᒋ ᐃᑌᓕᑖᑾᓂᓕᒃ ᑭ ᑭᔅᑭᓄᐊᒫᑫᐎᓂᐗᐤ ᐅᒋ᙮
ᑭᔐ ᐃᔅᑴᐗᒃ ᑖᐱᔅᑯᒡ ᑭᑳᐎᔭᒃ; ᐅᔥᑭᓂᑭᔅᑴᐗᒃ ᑖᐱᔅᑯᒡ ᑭᒋᔖᓂᔅᑴᒪᒃ, ᒥᓯᐌ ᐸᓓᑭᓯᐎᓂᒃ ᐃᔑ᙮
ᒋᓴᔅ ᑮ ᐙᐸᒣᐤ ᓇᑕᓂᔭᓚ ᐁ ᐯᒋ ᓈᑎᑯᑦ, ᐃᑌᐤ ᒫᑲ, ᐙᐸᒥᒃ ᐁ ᑖᐺᐎᓂᐎᑦ ᐃᔅᕃᐃᓚᐃᑦ, ᐁᑳ ᐁ ᐱᒋᔅᑳᑯᑦ ᐙᔦᔑᐃᐌᐎᓂᓕᐤ᙮
ᑮ ᒥᓓᐤ ᒫᑲ ᐅᒋᒋ, ᓀᔥᑕ ᑮ ᐗᓂᔥᑳᐱᑌᐤ, ᐃᔅᐱ ᒫᑲ ᑳ ᑮ ᓇᑐᒫᑦ ᐅᑕᔭᒥᐋᐗ ᓀᔥᑕ ᑳ ᑭᐗᑎᓯᓕᒋ ᐃᔅᑴᐗ, ᑮ ᒥᓓᐤ ᐁ ᐱᒫᑎᓯᓕᒋ᙮
